| e-texts navigator |
| Wylie |
206b1 དད། མི་འམ་ཅི་དང་། ལྷོ་འཕྱེ་ཆེན་པོ་བྱེ་བ་ཁྲག་ཁྲིག་བརྒྱ་སྟོང་མང་པོ་དང་ཐབས་གཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་འཁོར་དེ་འདུས་པར་མཁྱེན་ནས་ཀླུའི་རྒྱལ་པོ་རྒྱ་མཚོལ་བཀའ
206b2 སྩལ་པ། ཀླུའི་བདག་པོ་ཀྱེ་མ་འཇིག་ཏན་གནས་པ་འདི་ན་ལས་རྣམ་པ་སྣ་ཚོགས་ཀྱི་ས་བསྐྱོད་ནས་སེམས་ཀྱི་དམིགས་པ་སྣ་ཚོགས་ཀྱིས་ལས་རྣམ་པ་སྣ་ཚོགས་མངོན་པར་འདུ་བྱ་བ་མངོན་པར་འདུ་བྱེད་དེ། དེ་ཡིས་འགྲོ་བ་ཡང
206b3 སྣ་ཚོགས་སུ་གྱུར་ཏོ། ། ཀླུའི་བདག་པོ་འཁོར་འདི་དང་། རྒྱ་མཚོ་ཆེན་པོ་འདི་ན་གཟུགས་རྣམ་པ་སྣ་ཚོགས་ཇི་སྙེད་པ་དང་། གཟུགས་ཐ་མལ་པ་ཇི་སྙེད་སྣང་བ་ལ་ལྟོས། ཀླུའི་བདག་པོ་འདི་དག་ཐམས་ཅད་ནི་རང་རང་གི་སེམས་དང
206b4 ལུས་དང་། ངག་དང་། ཡིད་ཀྱི་ལས་དགེ་བ་དང་མི་དགེ་བས་སྣ་ཚོགས་སུ་བྱས་པས་སྣ་ཚོགས་སུ་གྱུར་པ་དག་གོ།། སེམས་ནི་གཟུགས་མེད་པ། བསྟན་དུ་མེད་པའོ།། གཟུང་དུ་མེད་པའོ།། ཀླུའི་བདག་པོ་འདི་ལྟར་ཐམས་ཅད་ནི་བཅོས་མ
206b5 སྒྲུབ་པས་གནས་པའི་མཚན་ཉིད་དེ། བདག་པོ་མེད་པ། བདག་གི་མེད་པ། ཡོངས་སུ་འཛིན་པ་མེད་པའོ།། དེ་དག་ནི་ལས་ཇི་ལྟར་བསགས་པས་བསྒྲུབས་པ་སྣ་ཚོགས་སུ་བྱས་པ་དག་སྟེ། འདི་ལ་བྱེད་པ་པོ་གང་ཡང་མེད་དོ།།
206b6 ཀླུའི་བདག་པོ་འདི་ལྟར་ཆོས་འདི་དག་ཐམས་ཅད་ནི་བསམ་གྱིས་མི་ཁྱབ་པ་སྒྱུ་མའི་མཚན་ཉིད་ཀྱི་ངོ་བོ་ཉིད་དོ།། ཀླུའི་བདག་པོ་དེ་ལ་བྱང་ཆུབ་སེམས་དཔའ་མཁས་པས་ཆོས་ཐམས་ཅད་སྒྲུབ་པས་གནས་པའི་མཚན་ཉིད་དུ
206b7 ཤེས་ནས་དགེ་བའི་ལས་མངོན་པར་འདུ་བྱ་བ་དག་མངོན་པར་འདྲ་བྱའོ། ། དེ་དགེ་བའི་ལས་མངོན་པར་འདྲ་བྱ་བར་འདུ་བྱེད་ན་སྒྲུབ་པས་གནས་པའི་མཚན་ཉིད་ཀྱི་ཆོས་རྣམས་ཀྱིས་ཕུང་པོ་དང་། ཁམས་དང་། སྐྱེ་མཆེད་གང་དག
206b8 མངོན་པར་འགྲུབ་པ་དེ་དག་མཛེས་ཤིང་བལྟ་ན་སྡུག་ལ་གཟུགས་བཟང་བ་དག་ཏུ་མངོན་པར་འགྲུབ་བོ། ། བུའི་བདག་པོ་དེ་བཞིན་གཤེགས་པའི་སྐུ་བསོད་ནམས་བྱེ་བ་ཁྲག་ཁྲིག་བརྒྱ་སྟོང་ལས་སྐྱེས་པ་མཚན་རྣམས་ཀྱིས
iiif viewer powered by OpenSeadragon
