| e-texts navigator |
| Wylie |
200b1 བརྙན་འདྲ་བ་ལགས། ། རྟག་ཏུ་བྱས་པའི་སྐྱེ་བོ་རྨོངས་པར་བགྱིད།། བྱས་པས་བདག་དང་བདག་གིར་འདིར་བརྟགས་ནས།། བླུན་པོ་སྲེད་པས་གཟིར་བ་འདིར་རྨོངས་ཏེ།། འཁོར་བའི་འཁོར་ལོས་ཡོངས་སུ་འཁོར་བ་ན།། སྡུག་བསྔལ
200b2 གྱིས་ནོན་ཞི་བ་འཐོབ་མི་འགྱུར། ། འགྲོ་བའི་འཇུག་པ་འདི་ནི་ཡང་དག་མིན།། གང་གི་འཇུག་པ་དེ་ནི་མ་མཆིས་ཏེ།། འཚོ་བའི་འཇིག་རྟེན་ལྟ་བ་གཏི་མུག་ལྗོངས།། རྒྱུན་དུ་ཡང་དང་ཡང་དུ་སྡུག་བསྔལ་རྙེད།། ལྷ་རྣམས་སྡུག་བསྔལ་འཆི
200b3 འཕོའི་ཆོས་གཅིག་པ། ། མི་རྣམས་ཀྱི་ནི་སྡུག་བསྔལ་ཚོལ་ཁྲོ་ལགས།། དམྱལ་བ་དག་གི་སྡུག་བསྔལ་གནོད་པ་རྣམས།། ཅིག་ལ་གཅིག་འཚལ་དུད་འགྲོ་རྣམས་ཀྱི་ལགས།། ཡི་དགས་སྡུག་བསྔལ་འདི་ནི་བཀྲེས་དང་སྐོམ།། འཇིག་རྟེན
200b4 ཐམས་ཅད་སྡུག་བསྔལ་རྣམས་སུ་ནུབ། ། སྐྱབས་མེད་གུར་དང་རྟེན་མེད་གྱུར་པ་ཡི།། འཇིག་རྟེན་སྡུག་བསྔལ་ཐམས་ཅད་གཟིགས་ནས་ནི།། དྲང་སྲོང་ཆེན་པོ་ཐུགས་བརྩེ་ཐུགས་རྗེ་ཅན།། སྡུག་བསྔལ་རྣམ་པར་དགྲོལ་ཕྱིར་འབྱུང་བར་མཛད།།
200b5 བྱང་ཆུབ་སེམས་དཔའ་བསྐལ་མང་བྱེ་བར་ཡང་།། བརྟུལ་ཞུགས་བརྟན་ཞིང་ཕ་རོལ་ཕྱིན་ལ་བརྩོན།། སྲིད་ན་མཆིས་པ་དེ་འདྲ་མཁྱེན་ནས་ནི།། འདམ་ལས་རྒལ་ཏེ་སེམས་ཅན་རྣམས་ཀྱང་འདུལ།། གང་ཆེ་ཆེས་རྣམས་གསོག་དང་གསོབ་ཏུ
200b6 གཟིགས། ། ནམ་མཁའ་ཆད་སྟོང་འདྲ་འདི་སྙིང་པོ་མེད།། དེ་དག་བདག་གི་ངོ་བོ་མ་མཆིས་པས།། བདག་མེད་དངོས་མེད་དངོས་པོ་མེད་མ་ལགས།། མཐའ་རྣམས་ཀུན་དུ་ལྟ་བ་ཀུན་སྤངས་ན།། བྱང་ཆུབ་རྡུལ་མེད་རྣམ་དག་ཐོབ་པར་འགྱུར།།
200b7 སྐྱེ་དང་རྒ་དང་གནོད་པ་བགྱི་བ་གང་།། འཆི་དང་གནས་པ་གང་ལགས་སུ་ཡང་མེད།། གང་འདིར་སྐྱེ་དང་རྒ་དང་ན་དང་འཆི།། ཤེད་ནས་སྐྱེས་དང་ཤེད་བུ་དེ་མ་མཆིས།། འདི་ན་བདག་དང་བདག་གི་མ་མཆིས་ཏེ།། གང་ཟག་ཤེས་སྐྱེས་ཤེད་བུ
200b8 ཡོད་མ་མཆིས། ། འདི་བརྫུན་བདག་པོ་མ་མཆིས་དབང་མ་མཆིས།། འཚོ་བའི་འཇིག་རྟེན་སྒྱུ་མ་ལྟ་བུར་འཇུག། བྱེད་པ་མ་མཆིས་ཚོར་བ་པོ་མ་མཆིས།། འོན་ཀྱང་ལས་མཆིས་འབྲས་བུ་དོན་མ་མཆིས།། འགྲོ་བའི་ལས་ཀྱི་རྐྱེན་གྱིས་རང
iiif viewer powered by OpenSeadragon
