| e-texts navigator |
| Wylie |
200a1 བས་གསུངས། ། རྐྱེན་དང་བཅས་ཤིང་རྒྱུ་དང་བཅས་པ་སྟེ།། སེམས་ཅན་མ་མཆིས་གང་ཟག་སྲེག་མ་མཆིས།། བཟད་ནས་རྣམ་དག་ནམ་མའའ་ང་བ་ཉིད།། སྒྱུ་མ་སྟེག་རྒྱ་ན་ཟླ་འདྲ་བ་སྟེ།། ཤིན་དུ་དག་པ་ནམ་མའ།
200a2 ངོ་བོ་ཉིད། གནས་པ་མ་མཆིས་གློག་དང་འདྲ་བའི་ཚུལ།། སྔོན་གྱི་མཐའ་སྟོང་ཕྱི་མའི་མཐའ་ཡང་སྟོང་།། སྐྱེ་དང་འཇིག་དང་གནས་པའི་ངོ་བོ་སྟོང།། འདིར་ནི་འདི་དག་དངོས་མེད་དངོས་མེད་མིན།། འདི་དག་ཐམས་ཅད་རང་བཞིན་མ
200a3 མཆིས་སྟོང་། ། ཆོས་དབྱིངས་རང་བཞིན་ངོ་བོ་གང་ལགས་དེ།། སེམས་ཅན་ཁམས་ཀྱི་རང་བཞིན་ངོ་བོ་ལགས།། སེམས་ཅན་ཁམས་ཀྱི་རང་བཞིན་ངོ་བོ་གང་།། སངས་རྒྱས་ཆོས་ཀྱི་རང་བཞིན་ངོ་བོ་དེ།། སངས་རྒྱས་ཆོས་ཀྱི་རང་བཞིན
200a4 ངོ་བོ་གང་། ། དེ་ནི་ཆོས་ཀྱི་རང་བཞིན་ངོ་བོ་ཉིད།། ཆོས་ཀུན་རང་བཞིན་ངོ་བོ་གང་ལགས་པ།། སངས་རྒྱས་ཞིང་གི་ངོ་བོ་རང་བཞིན་ཏེ།། སངས་རྒྱས་ཞིང་གི་རང་བཞིན་ངོ་བོ་གང་།། སངས་རྒྱས་བྱང་ཆུབ་རང་བཞིན་ངོ་བོ་དེ།། སངས
200a5 རྒྱས་བྱང་ཆུབ་རང་བཞིན་ངོ་བོ་གང་། ། དེ་ནི་ཆོས་དབྱིངས་རང་བཞིན་ངོ་བོ་ཉིད།། ཆོས་རྣམས་ཀུན་ལ་རྣམ་པར་དག་པ་འདི།། གང་ཚེ་བྱང་ཆུབ་སེམས་དཔས་དེ་ལྟར་མཐོང་།། དེ་ནས་རྒྱལ་རྣམས་ཡེ་ཤེས་དམ་པ་ཡིས།། བྱང་ཆུབ
200a6 མཆོག་ཏུ་དེ་ནི་ལུང་སྟོན་མཛད། ། ཆོས་རྣམས་བརྡའ་དང་མིང་དང་ཐ་སྙད་ཙམ།། མཉམ་པ་ལགས་ཏེ་མི་བདེན་མིང་དུ་བཏགས།། དེ་དག་སྔོན་ཆད་སུས་ཀྱང་མཐོ་བ་སྟེ།། དེ་དག་གིས་ནི་མིང་རྣམས་ཀུན་དུ་བརྗོད།། མིང་མ་མཆིས་པར
200a7 མིང་ནི་རྣམ་པར་བརྟགས། ། ཆོས་རྣམས་སྟོང་སྟེ་རང་བཞིན་རྣམ་པར་དག། འཇིག་རྟེན་འདུ་ཤེས་མཁས་པར་རིག་ནས་ནི།། ཐ་སྙད་ཙམ་ལ་ཀུན་དུ་སྤྱད་པར་བགྱི།། ཆོས་ཀུན་སྒྱུ་མ་བཞིན་དུ་རིག་ནས་ཀྱང་།། མི་བདེན་སྙིང་པོ་མ
200a8 མཆིས་རྨི་ལམ་འདྲ། ། རྣམ་སྨིན་རྒྱུ་དང་ཉིང་མཚམས་སྦྱོར་བ་ཙམ།། དེ་ལ་བདེན་པའི་འདུ་ཤེས་ཡོད་མི་བགྱི།། ཆོས་ཀུན་སླུ་བར་མི་བགྱིད་འཇིགས་པ་ལགས།། སྒྱུ་མ་སྨིག་རྒྱུ་འདྲ་སྟེ་མི་བདེན་པ།། མགལ་མེའི་འཁོར་ལོ་གཟུགས
iiif viewer powered by OpenSeadragon
