| e-texts navigator |
| Wylie |
198a1 ཀྱི་མཚན་ཉིད་ཡིན་ལ། སྟོང་པ་ཉིད་ནི་ལུང་བསྟན་དུ་མེད་དོ།། རྒྱལ་པོ་ཆེན་པོ་ཆོས་ཐམས་ཅད་ནི་མཚན་མ་མེད་པ་དང་། སྨོན་པ་མེད་པ་དང་། མངོན་པར་འདུ་བྱེད་པ་མེད་པའི་མཚན་ཉིད་ཀྱིས་མཚན་མ་མེད་པ་དང་།
198a2 སྨོན་པ་མེད་པ་དང་། མངོན་པར་འདུ་བྱེད་པ་མེད་པའི་མཚན་ཉིད་ནི་ལུང་བསྟན་དུ་མེད་པའོ།། རྒྱལ་པོ་ཆེན་པོ་གཞན་ཡང་སངས་རྒྱས་རྣམས་ཀྱི་སྙིང་རྗེ་ཆེན་པོ་འདི་ནི་བསམ་གྱིས་མི་ཁྱབ་སྟེ། མིང་མེད་པ་དང་། མཚན་མ་མེད་པའི
198a3 ཆོས་ཐམས་ཅད་མིང་དང་མཚན་མས་སྟོན་པར་མཛད་ལ། སངས་རྒྱས་བཅོམ་ལྡན་འདས་རྣམས་ནི་མིང་དང་། མཚན་མའི་རྗེས་སུ་འབྲང་བའི་རྣམ་པར་ཤེས་པ་ཅན་ཡང་མ་ཡིན་ནོ།། རྒྱལ་པོ་ཆེན་པོ་ལུང་བསྟན་པ་འདི་འཇིག་རྟེན
198a4 བརྡ་སྤྲད་པར་ཟད་དེ། འདི་ལ་གང་ལུང་བསྟན་པར་བྱ་བའི་ཆོས་གང་ཡང་ནང་ངམ་ཕྱི་རོལ་ན་མི་དམིགས་སོ།། རྒྱལ་པོས་སྨྲས་པ། ཀླུའི་བདག་པོ་བཟོད་པ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ལུང་བསྟན་པ་མེད་དམ
198a5 སྨྲས་པ། རྒྱལ་པོ་ཆེན་པོ་བཟོད་པ་དེ་ཡང་སྐད་གཅིག་པ། ཟད་པའི་མཚན་ཉིད་མི་ཟད་པའི་མཐའ་ཅན། ཡང་དག་པའི་མཐར་ངེས་པ། མཉམ་པའི་མཐའ་ཅན། གཉིས་སུ་མེད་པའི་མཐར་ངེས་པ་སྟེ། གཉིས་སུ་མེད་པའི་མཐའ་ནི་ཡང
198a6 དག་པའི་མཐའོ། ། ཡང་དག་པའི་མཐའ་ནི་གཏན་དུ་མི་འབྱུང་བའི་མཐའོ།། མཐའ་ཅན་གང་ཡིན་པ་དེ་ནི་འདོད་ཆགས་དང་། ཞེ་སྡང་དང་། གཏི་མུག་རྣམས་སོ།། དེའི་མཐའ་ཅན་ནི་རྣམ་པར་གྲོལ་བའི་མཐའོ།། གང་མཐའ་དེའི་སྒོར
198a7 ཞུགས་པ་ནི་གང་དུ་ཡང་མངོན་པར་ཞེན་པ་མེད་དོ། ། གང་མངོན་པར་ཞེན་པ་དེ་ནི་ཐ་སྙད་ཀྱིས་བརྟ་ལ་ཆགས་པ་མེད་དོ།། མ་ཆགས་ན་གྲོལ་བར་འགྱུར་རོ།། གྲོལ་ན་ཕྱིན་ཆད་མི་ནུ་རབ་ཏུ་མི་རྒྱུའོ།། མི་རྒྱུ་རབ་ཏུ་མི་རྐུན་གང་དུ
198a8 ཡང་ཉམས་པར་མི་འགྱུར་རོ། ། བློ་མ་ཉམས་ན་ཐམས་ཅད་ལས་ངེས་པར་འབྱུང་བར་མཐོང་སྟེ། ཇི་ལྟར་རྣམ་པར་མཐོང་བ་དེ་ནི་དེ་ལྟར་ཡང་མཐོང་ངོ་།། གང་གི་ཚེ་རྣམ་པར་མི་མཐོང་བ་དེའི་ཚེ་གཉིས་སུ་མི་འབྱེད་དོ།། གཉིས་སུ་མེད་པ
iiif viewer powered by OpenSeadragon
