| e-texts navigator |
| Wylie |
196b1 ལྟ་བ་བཞིན་དུ་མི་དེ་དག་གི་ཡང་དེ་དང་འདྲ་བར་འགྱུར་རོ། ། འཇིག་རྟེན་གྱི་ཁམས་ཆོས་ཀྱི་སྒྲ་གྲག་པ་ཞེས་བྱ་བ་དེ་ནི་རིན་པོ་ཆེ་ཐམས་ཅད་ལས་གྲུབ་པའི་ཤིང་ཏ་ལའི་ཕྲེང་བ་དག་འབྱུང་བར་འགྱུར་ཏེ། ཤིང་ཏ་ལ་དེ་དག་གི་ལོ་མ
196b2 དང་མེ་ཏོག་དང་། འབྲས་བུ་ཐམས་ཅད་ལས་ཆོས་ཀྱི་སྒོ་ཁྲག་ཁྲིག་ཕྲག་འབུམ་མང་པོ་དག་འབྱུང་ངོ་།། འཇིག་རྟེན་གྱི་ཁམས་དེ་ན་སྒྲ་ཇི་སྙེད་འབྱུང་བ་འདི་ལྟ་སྟེ། ལྷའི་སྒྲའམ། མིའི་སྒྲའམ། མི་མ་ཡིན་པའི་སྒྲའམ། སྤྲུལ་པའི་སྒྲ
196b3 འམ། བྱའི་སྒྲ་འམ། རླུང་གི་སྒྲ་ཡང་རུང་སྟེ། སྒྲ་དེ་དག་ཐམས་ཅད་ཆོས་དང་ལྡན་པར་འབྱུང་བར་འགྱུར་རོ།། དེ་བཞིན་དུ་ཞི་དང་ལྡན་པ་དང་། རབ་ཏུ་ཞི་བ་དང་། ལྡན་པ་དང་ཉེ་བར་ཞི་བ་དང་ལྡན་པ་དང་། དགའ་བ་དང་དབེན་པ་དང་ལྡན་པ་དང་།
196b4 སངས་རྒྱས་ཀྱི་ཆོས་དང་ལྡན་པ་དང་། ཕ་རོལ་དུ་ཕྱིན་པ་དང་ལྡན་པ་དང་། སྡུ་བའི་དངོས་པོ་དང་ལྡན་པ་དང་། ཐབས་ལ་མཁས་པ་དང་ལྡན་པ་དང་། སྐྱོ་བ་དང་། འདོད་ཆགས་དང་བྲལ་བ་ཇི་ལྟ་བ་དང་ལྡན་པ་དང་། སྟོང་པ་ཉིད་དང་མཚན་མ
196b5 མེད་པ་དང་། སྨོན་པ་མེད་པ་དང་། མངོན་པར་འདུ་བྱེད་པ་མེད་པ་དང་ལྡན་པའི་སྒྲ་དག་བྱུང་བར་འགྱུར་ཏེ། དེའི་ཕྱིར་འཇིག་རྟེན་གྱི་ཁམས་དེའི་མིང་ཆོས་ཀྱི་སྒྲ་གྲག་པ་ཞེས་བྱ་བར་འགྱུར་རོ།། འཇིག་རྟེན་གྱི་ཁམས་དེ་ལྟར་ལྷ་དང
196b6 མི་གང་དག་སྐྱེ་བ་དེ་དག་ཐམས་ཅད་ཀྱང་ཆོས་ཀྱི་དགའ་བའི་ཟས་ཁོ་ན་དང་ལྡན་པར་འགྱུར་ཞིང་མངོན་པར་ཤེས་པའི་ཤེས་པ་ལ་མཁས་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐེ་ཙོམ་མེད་པ་ཤ་སྟག
196b7 གོ། བཅོམ་ལྡན་འདས་དེ་བཞིན་གཤེགས་པ་ཤིན་ཏུ་དྲི་མ་མེད་ཅིང་ཡོངས་སུ་དག་ལ། ཡོན་ཏན་གྱི་ཚོགས་མཐའ་ཡས་པ་ལས་བྱུང་བའི་རྒྱལ་པོ་དེ་ཡང་གང་གི་ཚེ་ཆོས་སྟོན་པར་གཞེད་པ་དེའི་ཚེ། དེ་ཉིད་ཀྱི་སྐུ་ལས
196b8 འོད་འགྱེད་པར་མཛད་དེ། འོད་དེས་སངས་རྒྱས་ཀྱི་ཞིང་ཐམས་ཅད་སྣང་བར་འགྱུར་རོ།། དེ་བཞིན་གཤེགས་པའི་འོད་དེ་ལས་ཀྱང་སངས་རྒྱས་བྱེ་བ་ཕྲག་སྟོང་གསུང་བའི་ཆོས་སྟོན་པ་འབྱུང་བར་འགྱུར་རོ།། དེ་ནི་ལྷ་དང་མི་རྣམས
iiif viewer powered by OpenSeadragon
