| e-texts navigator |
| Wylie |
192a1 དང་། རིན་ཐང་མཉམ་པའི་རིན་པོ་ཆེའི་ཕྲེང་བ་བཅོམ་ལྡན་འདས་ཀྱི་སྐུ་ལ་གསོལ་ནས་སོར་མོ་བཅུའི་ཐལ་མོ་སྦྱར་ཏེ། དེའི་ཚེ་བཅོམ་ལྡན་འདས་ལ་ཚིགས་སུ་བཅད་པ་འདི་དག་སྨྲས་སོ།། བདག་ནི་ཐུབ་པ་ཡེ
192a2 ཤེས་ཡོན་ཏན་ཀུན་གྱི་འབྱུང་གནས་དེ་ཡིས་ལུང་བསྟན་ཏེ། ། བདག་ནི་འདྲེན་པར་འགྱུར་བར་བདག་ལ་ཡིད་གཉིས་ཐེ་ཙོམ་ཅི་ཡང་ཡོད་མ་མཆིས།། སྟོང་གསུམས་གཞི་ཐམས་ཅད་འགས་ཤིང་ཟླ་བས་ལ་ལྷུང་ཡང་གདའ།
192a3 ལྷ་ལས་ལྷག་པའི་ལྷས་མཆོད་སངས་རྒྱས་ཕྱིན་ཅི་ལོག་གི་ཚིག་གསུང་ཡོད་མི་གདའ།། བསམ་པ་བྱམས་པ་བརྩོན་འགྲུས་ཡུལ་ལ་ཐུགས་ནི་འཁྲུག་པར་འགྱུར་བ་མི་མངའ་བལྟོས།། བདག་ནི་སྟོང་པའི་ཡེ་ཤེས་ཡུལ
192a4 གྱི་ཆོས་རྣམས་དག་ལ་གུས་པར་བགྱིད་ལ་བལྟོས། ། བདེ་བར་གཤེགས་པའི་ཡང་དག་སྤྱོད་པ་རྣམས་དང་ཡེ་ཤེས་ཐོགས་པ་མི་མངའ་བལྟོས།། དེ་ཡིས་འདིར་ནི་བདག་གི་སེམས་ཀྱི་ཡུལ་བདེན་མཁྱེན་ནས་དེ་བཞིན་ལུང་ཡང
192a5 བསྟན། ། སྨྱོན་པ་རབ་མཆོག་བདེ་སྦྱིན་སྡུག་བསྔལ་ཀུན་ལས་གྲོལ་བར་མཛད་ལ་ཕྱག་འཚལ་ལོ།། གནས་དང་སྐྱབས་དང་དཔུང་གཉེན་སྐྱོབ་པ་ལེགས་པ་རྣམས་ལ་འཇིགས་མེད་སྦྱིན་མཛད་པ།། རྒྱལ་བ་ལམ་མཆོག
192a6 དམ་པ་སྟོན་མཛད་ལམ་ངན་ཡོངས་སུ་སྤྱོད་ལ་ཕྱག་འཚལ་ལོ། ། འཇིག་རྟེན་རྣམ་པར་གཟིགས་ལ་མཁས་པ་འཇིག་རྟེན་འདས་པའི་འདྲེན་ལ་ཕྱག་འཚལ་ལོ།། འདིར་ནི་ལྷ་དང་མི་རྣམས་གང་དག་སངས་རྒྱས་ཆོས་དང
192a7 ཚོགས་རྣམས་ཐོས་པ་དང་། ། བྱང་ཆུབ་སྤྱོད་ཅིང་བྱང་ཆུབ་བསམ་པ་སེམས་པ་དེ་དག་རྙེད་པ་ལེགས་པར་རྙེད།། དེ་དག་ལ་ནི་ངན་སོང་ངན་འགྲོའི་འཇིགས་པ་མེད་དེ་མི་ཁོམ་བརྒྱད་ལས་ཡོངས་སུ་གྲོལ།། དེ་དང་དེ་དག་ལྷ་དང
192a8 མིའི་བདེ་ལ་ངེས་ཤིང་ཞི་བའི་གོ་ཡང་འཐོབ། ། དེ་ནས་བཅོམ་ལྡན་འདས་ལ་ཀླུའི་རྒྱལ་པོ་རྒྱ་མཚོའི་བུ་མཐོང་དགས་འདི་སྐད་ཅེས་གསོལ་ཏོ།། བཅོམ་ལྡན་འདས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ
iiif viewer powered by OpenSeadragon
