| e-texts navigator |
| Wylie |
190b1 སྟོབས་ཀྱིས་བྱུད་བ་བསམ་གཏན་བློ་གྲོས་སྦྱངས། ། ཤེས་རབ་ས་ལས་ས་ཙུལ་ཁྱོད་ལ་དེ་རིང་མགོས་ཕྱག་འཚལ།། བྱམས་པས་སྙོམས་པའི་ཐུགས་ལྡན་ཐུགས་རྗེ་འགྲོ་ལ་གཟིགས།། འདྲེན་པ་ཐུགས་དགྱེས་རྟག་ཏུ་བཏང་སྙོམས
190b2 ཕ་རོལ་གཤེགས། ། ཀ་ལ་བི་ད་ཀ་ལྟ་བུར་གསུང་སྙན་ཆངས་སྐད་སྟོན།། གསུང་སྙན་སྟོན་པ་ཁྱོད་ལ་དེ་རིང་མགོས་ཕྱག་འཚལ།། བདུད་དཔུང་འཇོམས་པ་བདུད་སྟོབས་ངེས་པར་འཇོམས་མཛད་པ།། བྱང་ཆུབ་བརྟུལ་ཞུགས་སྒྲུབ།
190b3 པ་སྲིད་གསུམ་སྲིད་པས་མཆོད།། དྲི་གསུམ་དྲི་མ་སྦྱོར་བ་རྣམ་ཐར་གསུམ་སྟོན་པ།། འཇིག་རྟེན་གསུམ་གྲགས་ཁྱོད་ལ་དེ་རིང་མགོས་ཕྱག་འཚལ།། བདེན་པའི་བརྟུལ་ཞུགས་བཟང་རྟོག་རྟག་ཏུ་ཆོས་ཀྱིས་འཕགས།། རྟག་ཏུ
190b4 དགོན་པ་སྤྱོད་ཡུལ་རྟག་ཏུ་ཡེ་ཤེས་སྦྱོང་། ། ཉོན་མོངས་དགྲ་འཇོམས་གཟི་བརྗིད་ལྷག་པར་གཟི་བསྐྱེད་པ།། པད་མ་ལྟ་བུའི་སྤྱན་མངའ་དེང་ཁྱོད་མགོས་ཕྱག་འཚལ།། ལྷུན་པོའི་རྩེ་འདྲ་དགོངས་པ་རྡོ་རྗེ་ལྟ་བུར་བསྟན།། དགོངས་པ་ས
190b5 འདྲ་ཡོན་ཏན་རྒྱ་མཚོ་ཕྱག་འཚལ་ལོ། ། འགྲོ་ལ་སྟོང་པ་སྟོན་པཞི་གནས་ཕ་རོལ་ཕྱིན།། རབ་ཏུ་ཞི་བའི་ཐུགས་ལྡན་ཁྱོད་ལ་སྐྱབས་སུ་མཆི།། བདུད་རྩི་དམ་པ་སྟོན་པ་འགྲོ་མིན་འགྲོ་བ་གཅོད།། ལྷ་དང་མིས་མཆོད་ཁྱོད་ལ་དེ་རིང་མགོས
190b6 ཕྱག་འཚལ། ། ས་སྟེང་ལྷ་ཡུལ་གྲགས་པ་སྙན་དང་གྲགས་པ་འཕགས།། ཡོན་ཏན་རྒྱ་ཆེན་མི་ཟད་ཡོན་ཏན་འབྱུང་གནས་འདུད།། ཇི་སྐད་གསུངས་བཞིན་མཛད་ཅིང་ཇི་སྐད་མཛད་བཞིན་གསུང་།། ཇི་སྐད་སྤྱོད་བཞིན་སྩལ་བ་དེང་ཁྱོད
190b7 མགོས་ཕྱག་འཚལ། ། རྒ་ཤི་གྲོལ་མཛད་སྨན་པ་འགྲོ་བས་བསྙེན་བཀུར་བ།། ཐར་པའི་ལམ་སྟོན་ཁྱོད་ལ་དེ་རིང་མགོས་ཕྱག་འཚལ།། ཆུའི་བྱེད་པ་རབ་སྟོན་ལྟ་བའི་མུན་པ་སེལ།། ལམ་མཆོག་སྟོན་པ་རྒྱལ་བ་ཁྱོད་ལ་སྐྱབས་སུ
190b8 མཆི། ། རིན་ཆེན་སྦྱིན་པ་གཅིག་པུ་ཆོས་ཀྱི་དགའ་བ་གསུང་།། ས་འདྲའི་ཐུགས་ལྡན་ཁྱོད་ལ་བདག་ནི་སྐྱབས་སུ་མཆི།། འདྲེན་པ་ཡོན་ཏན་རྒྱ་མཚོ་ཡོན་ཏན་ལས་བསྟོད་པའི།། བདག་གི་བསོད་ནམས་གང་ལགས་དེས་ནི་ཁྱོད་འདྲར
iiif viewer powered by OpenSeadragon
