| e-texts navigator |
| Wylie |
187b1 ཇིག་ན་ལུས་ཏམ་དུ་ག་རྒྱུ་བར་གྲགས་པ་ལུས་ཆུང་བ་དག་ཀྱང་མཆས་ཏེ། བཅོམ་ལྡན་འདས་བྱའི་རྒྱལ་བ་ནམ་མཁའ་ལྡིང་བཞི་དེར་བབས་ནས་ཀླུ་གཞོན་ནུ་དང་། ཀླུའི་བུམ་ལུས་ཉམ་ཆུང་བ་རྣམས་བཏན་ཏོ་འཆལ་བར
187b2 བགྱིད་ལ། རྒྱ་མཚོའི་ནང་གི་ཀླུའི་རིགས་ཐམས་ཅད་ཀྱང་སྐྲག་པར་བགྱིད་ལགས་ན། ཅི་ནས་རྒྱ་མཚོ་ཆེན་པོའི་ཀླུ་དེ་དག་ཐམས་ཅད་ཀྱང་འཇིགས་པ་མ་མཆིས་པ་དང་། སྐྲག་པ་མ་མཆིས་པར་གནས་པར་འགྱུར་བ་དེ་ལྟ
187b3 བུར་བཅོམ་ལྡན་འདས་ཀྱི་ས་བསྲུང་བ་དང་། བསྐྱབ་པ་དང་། སྦ་བ་མཛད་དུ་གསོལ། དེ་སྐད་ཅེས་གསོལ་པ་དང་བཅོམ་ལྡན་འདས་ཀྱིས་རས་ཕྲག་ཟར་ཕྲག་ལས་ཕབ་ནས་ཀླུའི་རྒྱལ་པོ་རྒྱ་མཚོ་ལ་བཀའ་སྩལ་པ། ཀྱེ་ཀླུའི་བདག
187b4 པོ་རས་ཕྲག་ཟར་འདི་ལོང་ལ། ཀླུའི་རིགས་ཐམས་ཅད་དང་། ཀླུའི་གནས་ཐམས་ཅད་དུ་དུམ་བུ་དྲམ་བུར་གཤེགས་ཏེ། བྱིན་ཅིག་དང་། ཇི་སྲིད་དུ་རས་ཕྲག་ཟར་འདི་ལས་ཐ་ན་ཉག་མ་ཅིག་ཙམ་གནས་པ་དེ་སྲིད་དུ་ཡང་རྒྱ་མཚོ
187b5 ཆེན་པོར་ནམ་མཁའ་ལྡིང་ཐམས་ཅད་རྒྱུ་བར་མི་འགྱུར་རོ། ། དེ་ཅིའི་ཕྱིར་ཞེ་ན། ཀླུའི་བདག་པོ་དེ་བཞིན་གཤེགས་པ་ཚུལ་ཁྲིམས་དང་ལྡན་པའི་མཆོག་གི་ཐུགས་ཀྱིས་སྨོན་པ་ནི་འགྲུབ་པའི་ཕྱིར་རོ།། དེ་ནས་ཀླུ་རྒྱ་པོ་དེ་དག་ཐམས
187b6 ཅད་རས་ཕྲག་ཟར་འདི་ལྟར་ཆུང་བ་འདི་རྒྱ་མཚོ་ཆེན་པོའི་ཀླུ་ཐམས་ཅད་ཀྱིས་ཇི་ལྟར་ཐོབ་པར་འགྱུར་སྙམ་སྟེ། ཞུམ་པར་གྱུར་ཏོ།། དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་དེ་རྣམས་ཀྱི་སེམས་ཀྱི་ཡོངས་སུ་རྟོག་པ
187b7 ཐུགས་ཀྱིས་མ་ཁྱེན་ནས་ཀླུ་རྒྱལ་བ་རྒྱ་མཚལ་བཀའསྩལ་པ། ། ཁྲུའི་བདག་པོགལ་ཏེ་སྟོང་གསུམ་གྱི་སྟང་ཚོན་པའི་འཇིག་རྟེན་གྱི་ཁམས་ཀྱི་སེམས་ཅན་གང་ཡིན་པ་དེ་དག་ཐམས་ཅད་ཀྱིས་རས་ཕྲག་ཟར་འདི་ལས་དུས
187b8 བུ་དུམ་བུར་ཁྱེར་དུ་ཟིན་ཀྱང་རས་ཕྲག་ཟར་འདི་ཡོངས་སུ་ཟད་པར་མི་འགྱུར་ཏེ། དེ་དག་གིས་གོས་ཇི་ཙམ་གྱི་ཚད་དུ་འགྱུར་བར་འདོད་ན་ཡང་དེ་ལས་དེ་དག་གི་གོས་དེ་ཙམ་དུ་འགྱུར་ཏེ། ཀླུའི་བདག་པོ་དེ་བཞིན་གཤེགས
iiif viewer powered by OpenSeadragon
