| e-texts navigator |
| Wylie |
186b1 རྒྱས་ཀུན་དུ་རྣམ་པར་གཟིགས་ཤེས་བྱ་བར་འགྱུར་རོ། ། འཇིག་རྟེན་གྱི་ཁམས་སྣང་བ་ཅན་དེ་ཡང་དེ་བཞིན་གཤེགས་པ་དེའི་འོད་ཀྱིས་རྟག་ཏུ་སྤང་བར་འགྱུར་རོ།། ནམ་རིང་བ་བྱང་ཆུབ་སེམས་དཔའ་ནི་བྱེ་བ་ཕྲག་དགུ་བཅུ་རྩ་གཉིས་སུ་འགྱུར་རོ།།
186b2 དེའི་ཚེའི་ཚད་ནི་བར་གྱི་བསྐལ་པ་བཅུར་འགྱུར་རོ།། དེ་ནས་ཀླུའི་བུ་མོ་ཁྲི་པོ་དེ་དག་གིས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་གང་གི་ཚེ་དེ་བཞིན་གཤེགས་པ་ཀུན་ཏུ་རྣམ་པར་གཟིགས་དེས་བྱང་ཆུབ་བརྙེས་པ
186b3 དེའི་ཚེ། བདག་ཅག་འཇིག་རྟེན་གྱི་ཁམས་དེར་སྐྱེ་བར་གྱུར་ཅིག་ཅེས་གསོལ་ནས། དེ་དག་ཀྱང་བཅོམ་ལྡན་འདས་ཀྱིས་འཇིག་རྟེན་གྱི་ཁམས་དེར་སྐྱེ་བར་ལུང་བསྟན་ཏོ།། དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད
186b4 ཅེས་གསོལ་ཏོ། ། བཅོམ་ལྡན་འདས་སུམ་བཅུ་རྩ་གསུམ་པའི་ལྷ་འདི་དག་ནི་ལྷ་མ་ཡིན་གྱིས་འཇིགས་པས་རྟག་ཏུ་སྲེག་བཞིན་དུ་གནས་ལ་ལྷ་དང་། ལྷ་མ་ཡིན་གཡུལ་འགྱེད་པ་ན་ཡང་ཕན་ཚུན་རྩོད་ཅིང་འགྱེད་པར་བགྱིད་དེ། དེ་ལས
186b5 ནི་བཅོམ་ལྡན་འདས་དེ་བཞིན་གཤེགས་པས་ཅི་ནས་སེམས་ཅན་ཐམས་ཅད་སེམས་འཐུན་པར་འགྱུར་བ་དེ་ལྟ་བུར་ཆོས་བསྟན་ན་ལེག་སོ་ལེགས་སོ། ། འཁོར་འདིར་ལྷ་དང་ལྷ་མ་ཡིན་འདུས་པ་འདི་དག་ཐམས་ཅད་ཀྱང་། ཅི་ནས་གཅིག་ལ་གཅིག
186b6 འཐུན་པར་བགྱིད་པ་དང་། བྱམས་པར་སེམས་པ་དང་། ཕན་པར་སེམས་པ་དང་། གནོད་པར་སེམས་པར་མི་འགྱུར་བ་དེ་ལྟ་བུར་སེམས་དད་པར་བཅོམ་ལྡན་འདས་ཀྱིས་མཛད་དུ་གསོ།། དེ་ནས་བཅོམ་ལྡན་འདས་ཀྱིས་ལྷ་མ་ཡིན་གྱི་དབང
186b7 པོསྒྲག་ཅན་དང་། ལྷ་མ་ཡིན་གྱི་དབང་པོ་བདེ་མཆོག་དང་། ཐགས་ཟངས་རིས་དང་། ལག་བཟངས་དང་། སེམ་བྱེད་རྣམས་ལ་བཀའ་སྩལ་པ། གྲོགས་པོ་དག་བྱམས་པ་ནི་སངས་རྒྱས་ཐམས་ཅད་ཀྱིས་བསྔགས་སོ།། བྱམས་པའི་རྗེས་སུ་འཇུ
186b8 པའི་སྐྱེས་བུ་གང་ཟག་གིས་ནི་ཚེ་འདི་དང་། ཚེ་ཕྱི་མའི་དོན་ཐོབ་པར་འགྱུར་རོ།། གྲོགས་པོ་དག་ཚེ་འདི་ནི་ཡུན་ཐུང་ངོ་།། ཚེ་ཕྱི་མར་ནི་འགྲོ་དགོས་སོ།། འབྱོར་པ་ཐམས་ཅད་ཀྱི་མཐའ་ནི་རྒུད་པའོ།། རྒྱལ་པོའི་ལོངས་སྤྱོད་དང་དབང་ཕྱུག་རྣམས་ནི་མི
iiif viewer powered by OpenSeadragon
