| e-texts navigator |
| Wylie |
179a1 སྟོང་པ་ཉིད་ལ་ངེས་པར་སེམས་པ་དང་། མཚན་མ་མེད་པ་ལ་གནས་པ་དང་། སྨོན་པ་དང་བྲལ་བ་དང་། མངོན་པར་འདུ་བྱེད་པ་མེད་པ་ཤེས་པ་སྟེ་བཞི་པོ་དེ་དག་གོ།། ཀླུའི་བདག་པོ་ཆོས་ལྔས་ལས་ཀྱི་སྒྲིབ་བརྒྱན་ཆད་པར་འགྱུར་ཏེ། ལྔ་གང་ཞེ་ན།
179a2 འདི་ལྟ་སྟེ། བདག་མེད་པ་ཉིད་དང་། སེམས་ཅན་མེད་པ་ཉིད་དང་། སྲོག་མེད་པ་ཉིད་དང་། གང་ཟག་མེད་པ་ཉིད་དང་། གསོ་བ་མེད་པ་ཉིད་དེ་ལྔ་པོ་དེ་དག་གོ།། ཀླུའི་བདག་པོ་ཆོས་དྲུག་གིས་ལས་ཀྱི་སྒྲིབ་པ་རྒྱུན་ཆད་པར་འགྱུར་ཏེ། དྲུག་གང་ཞེ་ན། འདི་ལྟ་སྟེ།
179a3 མོས་པ་དང་། ཡིད་ཆེས་པ་དང་། གཅིག་ཏུ་ངེས་པ་དང་། ཐེ་ཙོམ་མེད་པ་དང་། ཡང་དག་པ་ལ་སོ་སོར་རྟོག་པ་དང་། ལྷག་པའི་བསམ་པས་བྱ་བ་ལ་འཇུག་པ་སྟེ་ཆོས་དྲུག་པོ་དེ་དག་གིས་ལས་ཀྱི་སྒྲིབ་པ་རྒྱུན་ཆད་པར་འགྱུར་རོ།། དེ་སྐད་ཅེས་བཀའ་སྩལ་པ་དང་།
179a4 བཅོམ་ལྡན་འདས་ལ་ཀླུའི་རྒྱལ་པོ་རྒྱ་མཚོས་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་ཁྱད་པར་དུ་མཆི་བ་ལགས། བཅོམ་ལྡན་འདས་ཀྱིས་བཀའ་སྩལ་པ། ཀླུའི་བདག་པོ་ཆོས་བཅུ་དང་ལྡན་ན་བྱང་ཆུབ་སེམས
179a5 དཔའ་ཁྱད་པར་དུ་འགྲོ་བར་འགྱུར་ཏེ། བཅུ་གང་ཞེ་ན་འདི་ལྟ་སྟེ། དེ་ལ་མ་ཆགས་པ་དང་། ལྷག་པའི་བསམ་པ་ཡོངས་སུ་དག་པ་དང་། ཐབས་ལ་མཁས་པས་བརྩོན་འགྲུས་བརྟན་པ་དང་། སེམས་ཅན་ལ་ལྟ་ཞིང་སྙིང་རྗེ་ཆེ་བ་དང་། བསོད་ནམས་ལ་ཆོག་མི
179a6 ཤེས་པ་དང་། ཐོས་པ་བཙལ་བ་ལ་ཆོག་མི་ཤེས་པ་དང་། བག་ཡོད་པ་དང་། བྱང་ཆུབ་ཀྱི་སྙིང་པོ་རྗེས་སུ་དྲན་པ་དང་། སངས་རྒྱས་ཀྱི་ཡེ་ཤེས་མངོན་སུམ་དུ་འཐོབ་པ་དང་། བྱང་ཆུབ་ཀྱི་སེམས་མི་གཏོང་བ་སྟེ། ཆོས་བཅུ་པོ་དེ་དང་ལྡན་ན་བྱང་ཆུབ་སེམས
179a7 དཔའ་ཀྱང་བར་དུ་འགྲོ་བར་འགྱུར་རོ། ། དེ་ནས་བཅོམ་ལྡན་འདས་ལ་ལྷ་མ་ཡིན་གྱི་དབང་པོ་སྒྲ་གཅན་གྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་ཡོན་ཏན་ཐམས་ཅད་ཀྱིས་མན་མང་འཕགས་པར་འགྱུར་བ་ལགས།
179a8 བཅོམ་ལྡན་འདས་ཀྱིས་བཀའ་སྩལ་པ། ལྷ་མ་ཡིན་གྱི་དབང་པོ་ཆོས་བརྒྱད་དང་ལྡནན་བྱང་ཆུབ་སེམས་དཔའ་ཡོན་ཏན་ཐམས་ཅད་ཀྱིས་མངོན་པར་འཕགས་པར་འགྱུར་ཏེ། བརྒྱད་གང་ཞེ་ན། འདི་ལྟ་སྟེ། སྒྲ་མན་ཆེན་པོ་འདིདེ་ལ་བྱང་ཆུབ་སེམས་དཔའ་ནི
iiif viewer powered by OpenSeadragon
