| e-texts navigator |
| Wylie |
169b1 བ་ཀྱིས་གཤེགས་སུ་གསོལ། ། ཚངས་པའི་གསུང་དང་རྣམ་དག་གསུང་ལྡན་དབྱངས་སྙན་པ།། ཀ་ལ་བིང་ཀའི་རྔ་སྒྲ་བདུད་རྩིའི་དོན་སྟོན་པ།། སྨན་པའི་མཆོག་སྟེ་ཉོན་མོངས་སྣ་ཚོགས་མུན་སེལ་བ།། སེམས་ཅན་རིན་ཆེན་གདུགས་ཆོད
169b2 བབ་ཀྱིས་གཤེགས་སུ་གསོལ། ། ཞི་ཞིང་རབ་ཞི་ཐུགས་མངའ་རྟག་ཏུ་ཞི་བར་སྤྱོད།། རྒྱལ་བ་གྲོལ་བ་ལྷ་དང་མི་རྣམས་རབ་གྲོལ་མཛད།། ཆུ་བོ་བཞི་ལས་རྒལ་བ་འགྲོ་བ་སྒྲོལ་བ་བོ།། ཕ་རོལ་གཤེགས་པ་བདེ་སྦྱིན་གདུགས་ཚོད་དུས་ལ
169b3 བ། སྦྱིན་དུལ་ཡང་དག་སྡོམ་བགྱིས་ཚུལ་ཁྲིམས་ཡོངས་སུ་དག། བཟོད་པའི་སྟོབས་དང་ལྡན་ཞིང་བརྩོན་འགྲུས་ཆེན་པོ་བརྙེས།། བསམ་གཏན་རྣམ་ཐར་དགྱེས་པ་ཤེས་རབ་ཡོངས་སུ་རྫོགས།། ཞལ་རས་ཟླ་འདྲ་གདུགས་ཆོད་པབ
169b4 ཀྱིས་གཤེགས་སུ་གསོལ། ། ལམ་མཁྱེན་ལམ་ལ་མཁས་ཤིང་ལམ་སྲང་ངན་པ་སྤངས།། བྱང་ཆུབ་ཡན་ལག་དབང་སྟོབས་བདེན་པ་བཞི་སྟོན་པ།། ཡང་དག་སྤོང་དང་རྫུ་འཕྲུལ་བཞི་དྲན་དང་ལྡན་པ།། ཐམས་ཅད་ཟིལ་གནོན་ཡོན
169b5 ཏན་མངའ་བ་གདུགས་ཆོད་པབ། ། སུམ་བཅུ་རྩ་གཉིས་མཚན་མངའ་བསོད་ནམས་བརྒྱ་ཡི་བཏོག། བསོད་ནམས་འཚལ་རྣམས་བསོད་ནམས་ཞིང་ཆེན་བཅོམ་ལྡན་འདས།། མཆོད་སྦྱིན་དམ་པ་བཞེས་པའི་འོས་ལགས་ཡོན་གྱི་གནས
169b6 བྱམས་ལ་དགྱེས་པ་གདུགས་ཚོད་བབ་ཀྱིས་གཤེགས་སུ་གསོལ། ། ལྷུན་པོ་འདྲ་ཞིང་ས་དང་མཚུངས་ལ་སྦྱོར་བ་སྙོམས།། བྱམས་སྡང་མི་མངའ་ནམ་མཁའི་ངོ་བོ་ཉིད་དང་མཚུངས།། མིའི་དབང་པོ་ཁེངས་པ་མི་མངའ་དམན་མི
169b7 མངའ། སྟོང་དང་རྣམ་པར་ཐར་པ་དགྱེས་པ་གདུགས་ཆོད་བབ།། ཀུན་མཁྱེན་ཀུན་ལ་མཁས་པ་དུས་དང་ཆོ་ག་མཁྱེན།། ཆོས་རྣམས་དཀྱིལ་མཁས་པ་རྟག་ཏུ་དུལ་བཞིན་སྤྱོད།། སེམས་ཅན་བསམ་པ་རབ་མཁྱེན་དོན་རིག
169b8 མཁྱེན་པ་ལྡན། ། ཆོས་ཀྱི་ངོ་བོ་ཉིད་མཁྱེན་གདུགས་ཚེད་དུས་ལ་བབ།། དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་རྒྱ་མཚོས་གདུགས་ཆོད་བབ་པདེ་ཐུགས་སུ་ཆུད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཀླུའི་རྒྱལ་པོ་རྒྱ
iiif viewer powered by OpenSeadragon
