| e-texts navigator |
| Wylie |
167b1 ལ་ཕྱག་འཚལ་ལོ། ། བསྐལ་པ་དཔག་ཏུ་མེད་པ་མཐའ་ཡས་པར།། སྤྱོད་པ་སྤྱད་ནས་སངས་རྒྱས་ཡེ་ཤེས་བརྙེས།། དེས་ན་འགྲོ་བའི་སྤྱོད་པ་རབ་ཏུ་མཁྱེན།། དེ་བཞིན་དེ་དག་དབང་པོ་བསམ་པ་མཁྱེན།། འཇིག་རྟེན་བཅོམ་ལྡན་གཟུགས་དང
167b2 མཚུངས་མ་མཆིས། ། དེ་ཕྱིར་འགྲོ་བ་ལྟ་བས་ཆོ་ག་མ་འཚལ།། དེ་ཡི་ཉོན་མོངས་སྐྱེ་བར་མི་འགྱུར་ཞིང་།། དེ་ཚེ་ཉོན་མོངས་ཐམས་ཅད་རབ་ཏུ་ཞི།། ཀ་ལ་བིང་ཀ་ཁུ་བྱུག་མི་འམ་ཅི།། དེ་བཞིན་ཚངས་པའི་སྒྲ་དང་ལྷ་མིན་སྒྲ།། ཕྱོགས་བཅུ་དག་ན
167b3 ཡིད་འོད་སྦྲ་དེ་དག། བདེ་གཤེགས་གསུང་གཅིག་གིས་ནི་ཟིལ་གྱིས་མནན།། མཁའ་ལས་ཟླ་བས་ལ་ལུང་ཡང་གདའ།། རྒྱ་མཚོ་སྐམས་ཤིང་རི་རབ་སྙིལ་ཡང་གདའ།། ས་ལ་གནམ་ལྷུང་དུམ་བུ་བརྒྱར་འགྱུར་གདའ།། རྒྱལ་བ་བཀའ་ནི་གཞན
167b4 དུ་ཡོད་མི་གསུང་། ། བདེན་པའི་བརྟུལ་ཞུགས་རབ་འབྲེལ་སྟོན་པས་འདིར།། སངས་རྒྱས་ཡེ་ཤེས་གཙོ་བོས་བདག་ལུང་བསྟན།། བདག་ནི་རྒྱལ་བ་རང་བྱུང་ཡོན་གནས་འགྱུར།། བདག་ལ་ཡིད་གཉིས་སོམ་ཉི་དགོས་མ་མཆིས།། ཕྱོགས
167b5 བཅུ་དག་ཏུ་རིན་ཆེན་ལེགས་སྤྲས་པ། ། བྱེ་བ་མཐའ་ཡས་འདྲེན་པ་རྣམས་ལ་ཕུལ།། བྱང་ཆུབ་སེམས་ཅིག་བསྐྱེད་པ་གང་ལགས་ལ།། བསོད་ནམས་སྔ་མས་འདིའི་ཆར་མི་ཕོད།། གང་ཞིག་བྱང་ཆུབ་སེམས་མཆོག་བསྐྱེད་པར་བགྱི།། དེ་ནི་སངས།
167b6 རྒྱས་མཆོད་པ་མཆོག་ཏུ་འཕགས།། གང་ཞིག་འདྲེན་རྣམས་ཚུལ་འདི་མི་གཅོད་པ།། དེ་ནི་སྟོབས་བཅུ་ཀུན་གྱི་བཀའ་དྲིན་པཟོ།། ཀླུའི་རྒྱལ་པོ་རྒྱ་མཚོའི་བུ་དཔལ་གྱི་གཟི་བརྗིད་ངེས་ཚིགས་སུ་བཅད་པ་མངོན་པར་སྒྲུབ་པ་འདི་སྨྲས་པ་ན།
167b7 སྲོག་ཆགས་ཁྲིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། དེ་དག་གིས་ཚིག་འདི་སྐད་དུ་གང་གི་ཚེ་བཅོམ་ལྡན་འདས་དེ་བཞིན་གཤེགས་པ་མཐོང་བ་དོན་ཡོད་དེས་བྱང་ཆུབ་བརྙེས་པ་དེའི་ཚེ། བདག་ཅག་ཀྱང
167b8 བཅོམ་ལྡན་འདས་དང་ཕྲད་ན། ། འཇིག་རྟེན་གྱི་ཁམས་ཡོངས་སུ་དག་ཅིང་བརྟན་པ་དེར་སྐྱེ་བར་གྱུར་ཅིག། དེ་བཞིན་གཤེགས་པ་དེའི་དམ་པའི་ཆོས་ཡང་ཡོངས་སུ་འཛིན་ཅིང་མཆོད་པ་དང་། བསྙེན་བཀུར་ཡང་བགྱིད་པར་གྱུར་ཅིག།
iiif viewer powered by OpenSeadragon
