| e-texts navigator |
| Wylie |
165b1 རྣམས་ཀྱི་སངས་རྒྱས་ལ་དམགས་པ་སམས་གཅག་ཙམ་བསྐྱེད་པ་ཡང་ཆབ་འཚལ་བར་མི་འགྱུར་ཏེ། དེ་ནི་དེ་དག་ག་ཡོངས་སུ་མྱ་ངན་ལས་འདའ་བའི་བར་དུ་ཆུར་འགྱུར་བ་ལགས་ས།། བཅོམ་ལྡན་འདས་བདག་ཀྱང་བླན
165b2 མེད་པ་ཡང་དག་པར་རྫོགས་པའི་བྱང་ཆུབ་འདི་ལྟ་སྟེ། མཐོང་བ་དང་ཐོས་པའི་དན་མཆིས་པར་སེམས་བསྐྱེད་པར་འཚལ་ལོ།། བྱང་ཆུབ་ཀྱི་སྙིང་པོ་ལ་ཐུག་གི་བར་དུ་བདག་གི་བྱང་ཆུབ་སེམས་དཔའ་སྤྱོད་པ་དོན་མཆིས
165b3 པར་གྱུར་ཅིག། བདག་སེམས་རྨོངས་པར་མ་གྱུར་ཅིག། དགེ་བ་ལ་རྨོངས་པ་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་ལ་རྨོངས་པར་མ་མུར་ཅིག། བདག་ཚེ་རབས་ཐམས་ཅད་དུ་སངས་རྒྱས་མཐོང་བ་དང་། ཆོས་ཐོས་པ
165b4 དང་། འཕགས་པའི་དགེ་འདུན་ལ་བསྙེན་བཀུར་བགྱིད་པ་དང་། སེམས་ཅན་ཡོངས་སུ་སྨིན་པར་བགྱིད་པ་དང་འབྲལ་བར་མ་གྱུར་ཅིག། དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་རྒྱ་མཚོའི་བུ་དཔལ་གྱི་གཟི་བརྗིད་ལ་ལེགས
165b5 སོ་ཞེས་བྱ་བ་བྱིན་ཏེ། བཞིན་བཟངས་ཁྱོད་ཀྱིས་སེམས་ཅན་ཐམས་ཅད་ཀྱི་རྟེན་གྱི་སེམས་བསྐྱེད་པ་ལེགས་སོ་ལེགས་སོ།། འདི་ལྟ་བུའི་ལྷག་པའི་བསམ་པ་དང་། འདི་ལྟ་བུའི་སྙིང་རྗེ་ཆེན་པོས་བྱང་ཆུབ་ཏུ་སེམས་བསྐྱེད་པ་འདིའི
165b6 དགེ་བའི་རྩ་བའི་རྣམ་པར་སྨིན་པ་དེ་ནི་དེ་བཞིན་གཤེགས་པས་ལོ་བདུན་དང་། ཟླ་བ་བདུན་དང་། ཞག་བདུན་དུ་བཤད་ཀྱང་མཐར་བྱིན་པར་བཤད་པར་མི་སྐྱེད་དེ།། ཁྱོད་ཀྱིས་དགེ་བའི་རྩ་བའི་ཚོགས་དེ་ཙམ་དུ་ཚད་མེད་པ་འདི་ཡོངས་སུ
165b7 བཟུང་ངོ་། ། དེ་ནས་བཅོམ་ལྡན་འདས་ཀྱིས་ཀྭའི་རྒྱལ་པོ་རྒྱ་མཚོའི་བུ་དཔལ་གྱི་གཟི་བརྗིད་ཀྱི་ལྷག་པའི་བསམ་པ་ཐུགས་སུ་ཆུད་ནས་དེའི་ཚེ་འཛུམ་པ་མཛད་དོ།། འདི་ནི་སངས་རྒྱས་བཅོམ་ལྡན་འདས་རྣམས་གང་གི་ཚེ་འཛུམ་པ
165b8 མཛད་པའི་ཆོས་ཉིད་དེ། དེ་ནས་དེའི་མོད་ལ་བཅོམ་ལྡན་འདས་ཀྱི་ཞལ་གྱི་སྒོ་ནས་འོད་ཟེར་འདི་ལྟ་སྟེ། སྔོན་པོ་དང་སེར་པོ་དང་། དམར་པོ་དང་། དཀར་པོ་དང་། བཙོང་ཁ་དང་། ཤེལ་དང་། དངུལ་གྱི་ཁ་དོག་ལྟ་བུ་དག་བྱུང་ངོ་། འོད་ཟེར་དེ་དག་གི
iiif viewer powered by OpenSeadragon
