| e-texts navigator |
| Wylie |
162b1 མཁས། རྟག་དང་ཆད་པར་ལྟ་བར་མི་འགྱུར་ཏེ། མཐར་འཛིན་ཐམས་ཅད་རྣམ་པར་སྤངས་པ་ཡིན།། གང་ཚེ་དེ་ཡིས་གཟུངས་འདི་ཐོབ་གྱུར་ན།། ཡི་གེ་དང་ནི་ཚིག་རྣམས་འབྱེད་ལ་མཁས།། སྐད་རྣམས་མང་པོ་དུ་མ་ཐ་དད་ཤེས།།
162b2 དོན་དང་ཡི་གེ་ལ་ཡང་མཁས་པར་འགྱུར།། དེའི་ལྷ་ཡི་མིག་ཀྱང་དྲི་མེད་འགྱུར།། དེ་ཡི་ལྷ་ཡི་རྣ་པའང་རྣམ་པར་དག། ཤེས་རབ་མཐའ་ཡས་ཕ་རོལ་སེམས་ལ་མཁས།། འདས་པ་དང་ནི་མ་འོངས་བསྐལ་པ་དྲན།། དེ་བཞིན
162b3 རྫུ་འཕྲུལ་རྐང་པ་ཐོབ་གྱུར་ནས། ། ཞིང་རྣམས་བྱེ་བ་མཐའ་ཡས་སྐད་ཅིག་འགྲོ།། འཇིག་རྟེན་འདྲེན་རྣམས་ལ་ནི་མཆོད་པ་བྱེད།། དེ་བཞིན་གཟུངས་ལ་ཐོས་པས་ཆོས་ཀྱང་འཛིན།། བདུད་རྣམས་འབུམ་ཕྲག་ཇི་སྙེད་ཡོད་པ།།
162b4 ཡིས།། དེ་ཡི་འགྲོ་བའི་ཡུལ་རྣམས་མི་ཤེས་ལ།། མུན་བསལ་སེམས་ཅན་དག་པ་ཉོན་མོངས་མེད།། མདོ་སྡེ་སྟོང་ཕྲག་ཚད་མེད་སྟོན་པར་བྱེད།། ཆུ་ཡི་ནང་ན་པད་མོ་མ་གོས་བཞིན།། དེ་ནི་འཇིག་རྟེན་ཆོས་རྣམས་གོས་མེད
162b5 སྤྱོད། རྗེས་ཆགས་ཁྲོད་ཁྲོ་རྣམས་ལས་རྟག་ཏུ་གྲོལ།། འཇིག་རྟེན་ཀུན་ལ་སེམས་ནི་མཁའ་ལྟར་སྙོམས།། མཚན་གྱི་དམ་པ་གཟུགས་འཆད་དག་པ་སྟེ།། དེ་ལ་ལྟ་བས་སྐྱེ་བོ་ཚིག་མི་ཤེས།། སྤྱོད་ལམ་དང་ནི་སྤྱོད་པ་ཤེས་བཞིན་རྒྱུ།། འགྲོ
162b6 ལ་ཕན་དོན་བྱེད་ཅིང་འཇིག་རྟེན་རྒྱུ། ། གང་ཚེ་གཟུངས་འདི་ཐོབ་པར་གྱུར་པ་ན།། བརྒྱ་བྱིན་དེ་བཞིན་ཚངས་པ་འཇིག་རྟེན་སྐྱོང་།། དེ་ཡི་རྐམ་ཐིལ་དུ་ནི་གུས་པར་འདུད།། འོན་ཀྱང་དེ་ཡིད་གང་དུའང་ཁེངས་པ་མེད།། དེ་ནི་སྐད་སྙན་ཚད་པའི།
162b7 དབྱངས་དང་ལྡན།། སྐྱེ་བའི་ཡིད་ནི་རྣམ་སྐྱོང་མགུ་བར་བྱེད།། སྐྱོན་མེད་སྙན་ཅིང་དག་ལ་དུས་སུ་སྨྲ།། དེ་ཡི་བསྟན་པ་དོན་མེད་ཡིད་མི་འགྱུར།། གང་ཚེད་ཡིས་གཟུངས་ནི་ཐོབ་གྱུར་ན།། དེ་ནི་འཁོར་གྱི་ནང་དུ་འཇིགས་པ་མེད།།
162b8 སེང་གེའི་སྒྲ་ཅན་མི་འཇིགས་སྒྲོགས་པར་བྱེད།། ཕ་རོལ་ཚོགས་རྣམས་ཐམས་ཅད་རབ་ཏུ་འཇོམས།། སེམས་ཅན་གཡོན་ཅན་གདུལ་ག་ང་རྒྱལ་ཁེངས།། མངོན་པའི་ང་རྒྱལ་སྐྱོན་ལྡན་གང་ཡིན་པ།། དེ་དག་མཁས་པའི
iiif viewer powered by OpenSeadragon
