| e-texts navigator |
| Wylie |
160a1 བ་དང་ཇིསྐད་སྨྲས་པ་དེ་བཞིན་བྱེད་པའི་ཕྱིར་ཕྱིན་ཙམ་ལོག་པ་མི་འཇིགས་པ་ཐོབ་པར་འགྱུར་བ་དང་སེམས་ཅན་རྣམས་ལ་འདུད་པའི་ཕྱིར་ད་རྒྱལ་མེད་པ་མི་འཇིགས་པ་ཐོབ་པར་འགྱུར་བ་དང་། ལྡན་ཐས་པ་ལགས
160a2 པར་གཟུང་བའི་ཕྱིར་ཚིག་དང་ཡི་གེ་ཟད་མི་ཤེས་པ་མི་འཇིགས་པ་ཐོབ་པར་འགྱུར་བ་དང་། ཆོས་ཚད་མེད་པ་རྟོགས་པའི་ཕྱིར་ཐམས་ཅད་ཀྱི་དྲི་བ་སྐབས་འབྱེད་པ་མི་འཇིགས་པ་ཐོབ་པར་འགྱུར་བ་དང་། བདག་ཉིད་ཡོངས་སུ
160a3 དག་པར་བྱེད་པའི་ཕྱིར་འཁོར་ཐམས་ཅད་མངོན་པར་མགུ་བར་བྱེད་པ་མི་འཇིགས་པ་ཐོབ་པར་འགྱུར་བ་དང་། ཉོན་མོངས་པ་ཐམས་ཅད་ཡོངས་སུ་ཤེས་པའི་ཕྱིར་བདུད་དང་ཕྱིར་རྒོལ་བ་བཅོམ་པ་མི་འཇིགས་པ་ཐོབར་འགྱུར་བ།
160a4 ཞེའགྲས་པ་མེད་པའི་སེམས་དང་ལྡན་པའི་ཕྱིར་བྱམས་པ་ཆེན་པོ་མི་འཇིགས་པ་ཐོབ་པར་འགྱུར་བ་དང་། སེམས་ཅན་ཐམས་ཅད་རྗེས་སུ་བསྲུང་བའི་ཕྱིར་སྙིང་རྗེ་ཆེན་པོ་མི་འཇིགས་པ་ཐོབ་པར་འགྱུར་བ་དང་། ཆོས་ཀྱི་རྒྱལ་པོ་བྱེད
160a5 པའི་ཕྱིར་སངས་རྒྱས་ཀྱི་ཡེ་ཤེས་མི་འཇིགས་པ་ཐོབ་པར་འགྱུར་བ་སྟེ། ཀླུའི་བདག་པོ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་མི་ཟད་པའི་ཟ་མ་ཏོག་གི་གཟུངས་ཉན་པ་དང་། མོས་པ་དང་སྒྲུབ་པ་ན་མི་འཇིགས
160a6 པ་སུམ་བཅུ་རྩ་གཉིས་པོ་དེ་དག་ཐོབ་པར་འགྱུར་རོ། ། མི་འཇིགས་པ་སུམ་བཅུ་རྩ་གཉིས་པ་དེ་དག་རྒྱུན་མི་ཆད་པས་ན། དེས་མཐར་གྱིས་དེ་བཞིན་གཤེགས་པའི་མི་འཇིགས་པ་བཞི་ཐོབ་པར་འགྱུར་ཏེ། མི་འཇིགས་པ་དེ་དག་དང
160a7 ལྡན་པས་ལྷ་དང་བཅས་པའི་འཇིག་རྟེན་གྱི་མདུན་དུ་དེ་བཞིན་གཤེགས་པ་སེང་གེའི་སྒྲ་སྒྲོགས་སོ། ། སེམས་ཅན་ཐམས་ཅད་ཀྱི་དྲི་བ་ལུང་བསྟན་པའི་ཕྱིར་ཡང་སྐབས་འབྱེད་དོ།། སེམས་ཅན་གྱི་རིས་ན་གང་དེ་བཞིན་གཤེགས
160a8 པ་ལ་ཆོས་དང་འཐུན་པར་རྒོལ་ནུས་པ་འམ། དེ་བཞིན་གཤེགས་པའི་ཆོས་གསུང་པ་མཛད་པ་ལ་གཅོད་ནུས་པ་དེ་ལྟ་བུའི་སེམས་ཅན་ནི་གང་ཡང་མེད་དོ།། ཀླུའི་བདག་པོ་དེ་ལྟ་བས་ན་བྱང་ཆུབ་སེམས་དཔས་མི་ཟད
iiif viewer powered by OpenSeadragon
