| e-texts navigator |
| Wylie |
158b1 ད་ལ་ལྷའི་རྒྱལ་པོས་དེའི་རྒྱལ་པོ་བསོད་ནམས་མི་ཟད་པ་དེ་ལ་བསྟན་པ་དེ་གཞན་ཞིག་ཡིན་སྙམ་དུ་སེམས་ན་ཁྱོད་ཀྱིས་དེ་ལྟར་མི་བལྟའོ། ། དེ་ཅིའི་ཕྱིར་ཞེ་ན། མི་ཟད་པའི་ཟ་མ་ཏོག་གི་གཟུངས་འདི་ཉིད་དེའི་ཚེ་རིན་པོ་ཆེའི་ཐ་མ་ཏོག་ཅེས་བྱའོ།།
158b2 བདག་པ་དེ་ལྟར་ན་དེ་བཞིན་གཤེགས་པ་ནི་སངས་རྒྱས་ཀྱི་སྤྱན་ཆགས་པ་མེད་པས་རྣམ་པར་གཟིགས་ནས་སེམས་ཅན་རྣམས་ལ་སྔོན་གྱི་རྒྱལས་བྱུང་བའི་ཆོས་ཀྱི་གཏམ་བརྗོད་པ་མཛད་དོ།། ཀླུའི་བདག་པོ་ཁྱོད་ཀྱིས་དེ་བཞིན་གཤེགས
158b3 མང་པོ་ལས་མི་ཟད་པའི་ཐམ་ཏོག་གི་གཟུངས་འདི་ཐོས་སོ། ། ཁྱོད་ཀྱིས་སངས་རྒྱས་འབུམ་ཕྲག་མང་པོ་ལས་གཟུངས་འདི་དོན་ཡང་དང་ཡང་དུ་ཐོས་ཏེ། དེས་ན་ཀར་ཁྱོད་འདི་ལྟར་དྲན་པ་དང་ལྡན་པ་དང་། འདི་ལྟར་བློ་ཟོས་དང་ལྡན་པ་དང
158b4 འདི་ལྟར་རྟོགས་པ་དང་འདི་ལྟར་སྤོད་བ་ཕུན་སུམ་ཚོགས་པ་དང་འདི་ལྟར་ཤེས་རབ་དང་ཡེ་ཤེས་དང་ལྡན་པ་ཡིན་ནོ། ། ཀླུའི་བདག་པོ་གང་དག་མི་ཟད་པའི་ཟ་མ་ཏོག་གི་གཟུངས་འདིའི་མིང་ཙམ་འམ། བསྟན་པའི་ཕྱོགས་ཙམ་ཐོས་པ་དེ
158b5 དག་ཐམས་ཅད་ཀྱང་སྤོབས་པ་མི་ཟད་པར་ངེས་པར་འབྱུང་བར་འགྱུར་རོ། ། དེ་ཅིའི་ཕྱིར་ཞེ་ན། གཟུངས་འདིའི་རྒྱུ་དང་འཐུན་པ་ནི་དེ་ཡིན་པའི་ཕྱིར་རོ།། ཀླུའི་བདག་པོ་གཟུངས་ཀྱི་ངེས་པར་འབྱུང་བའི་བསྲུང་བ་འདི་ཕྱི་མའི་དུས་ཕྱི་མའི
158b6 ཚེ་སྤྱོད་པར་འགྱུར་བ་གང་ཡིན་པ་དེ་དག་ཐམས་ཅད་ཀྱང་དེ་བཞིན་གཤེགས་པའི་བྱིན་གྱི་བརླབས་ཁོ་ན་ལས་གྱུར་པར་བལྟ་བར་བྱའོ། ། ཀླུའི་བདག་པོ་དེ་ལ་གཟུངས་འདི་ནི་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གི་སྒོ་ཡིན་ནོ།། སྤྱོད་པ
158b7 བརྒྱད་ཁྲི་བཞི་སྟོང་ལ་འཇུག་པ་ཡིན་ནོ། ། ཏིང་ངེ་འཛིན་བརྒྱད་བྲི་བཞི་སྟོང་གི་རྗེས་སུ་འགྲོ་བ་ཡིན་ནོ།། གཟུངས་བརྒྱད་ཁྲི་བཞི་སྟོང་གི་རྩ་བ་ནི་མི་ཟད་པའི་ཟ་མ་ཏོག་གི་གཟུངས་འདི་ཉིད་ཡིན་ནོ།། ཀླུའི་བདག་པོ་བྱང་ཆུབ་སེམས་དཔས་ཕྱོགས་བཅུ
158b8 ཆགས་པ་མེད་ཅིང་ཐོགས་པ་མེད་པར་སོ་སོ་ཡང་དག་པར་རིག་པ་བཞིས་ཆོས་ཀྱི་ཆར་ཆེན་པོ་རབ་ཏུ་འབེབས་པ་གང་ཡིན་པ་དེ་ཡང་མི་ཟད་པའི་མ་ཏོག་གི་གཟུངས་འབའ་ཤིག་གི་རྒྱུ་དང་འཐུན་པ་ལས་གྱུར་པ་ཡིན་ནོ། ། ཀླུའི་བདག་པོ
iiif viewer powered by OpenSeadragon
