| e-texts navigator |
| Wylie |
156b1 མི་ཁྱབ་པའི་ཡོན་ཏན་གྱི་རྒྱན་བཀོད་པ་ལྡན་པར་གྱུར་ཏོ། ། བཅོམ་ལྡན་འདས་དེ་བཞིན་གཤེགས་པ་ཚངས་པའི་དཔལ་ལྷའི་རྒྱལ་པོ་དེ་ཡང་གྲོང་ཁྱེར་ཆེན་པོ་དགའ་འབྱུང་དེ་ཉིད་ན་ནགས་ཚལ་སྤོས་མཆོག་འོད་ཅེས་བྱ་བ་གང་དུ་རྒྱལ་པོ
156b2 བསོད་ནམས་མི་ཟད་པས་བཅོམ་ལྡན་འདས་དེའི་གཙུག་ལག་ཁང་བྱས་པ་ན་བཞུགས་སོ། ། རྒྱལ་པོ་བསོད་ནམས་མི་ཟད་པ་བུ་དང་བཅས་བཙུན་མོ་དང་བཅས་གཉེན་མདབ་དང་ཚལ་ཟའི་འཁོར་དང་བཅས་པས་བསྐལ་པ་འབུམ་ཐམ
156b3 པའི་བར་དུ་དེ་བཞིན་གཤེགས་པ་དེ་ལ་ཡིད་དུ་འོང་བའི་བདེ་བའི་ཡོ་བྱད་དང་ལོངས་སྤྱོད་ཐམས་ཅད་ཀྱིས་བསྙེན་བཀུར་བྱས་སོ། ། ཀླུའི་བདག་པོ་དེ་ནས་རྒྱལ་པོ་བསོད་ནམས་མི་ཟད་པ་དེ་འཁོར་དེ་དག་དང་ལྷན་ཅིག་ཏུ་བཅོམ་ལྡན་འདས
156b4 དེ་བཞིན་གཤེགས་པ་ཚངས་པའི་དཔལ་ལྷའི་རྒྱལ་པོ་ག་ལ་བ་དེར་སོང་ནས་བཅོམ་ལྡན་འདས་དེའི་ཞབས་ལ་མགོ་བོས་ཕྱག་འཚལ་ཏེ་ཕྱོགས་ཅིག་ཏུ་འདུག་གེ། དེ་འོངས་པར་ཐུགས་སུ་ཆུད་ནས་དེ་བཞིན་གཤེགས་པ་ངེས
156b5 འདི་སྐད་ཅེས་བཀའ་སྩལ་ཏོ། ། རྒྱལ་པོ་ཆེན་པོ་ཆོས་བཞི་དང་ལྡན་ན། རྒྱལ་རིགས་སྤྱི་བོ་ནས་དབང་བསྐུར་བའི་རྒྱལ་པོ་ཆོས་ཀྱི་དབང་ཕྱུག་ཐོབ་པར་གྱུར་ལ་དགེ་བའི་ཆོས་རྣམས་ཀྱིས་ཀྱང་ཁྱད་པར་དུ་འགྲོ་བར་འགྱུར་ཏེ། བཞི་གང
156b6 ཞེ་ན་དད་པ་ལ་གནས་ཏེ། དགེ་བ་གང་ཡིན་པ་ཚོལ་ཞིང་ང་རྒྱལ་མེད་པར་འཕགས་པ་དག་གི་ཐད་དུ་འགྲོ་བ་དང་། ཆོས་དོན་དུ་གཉེར་ཏེ། ཆོས་འདོད་ཅིང་ཆོས་ཀྱི་ཀུན་དགའ་ལ་དགའ་བས་དགའ་སྟེ། རྟག་ཏུ་དོན་གྱི་རྗེས་སུ་ལྟ་བ་དང་།
156b7 མི་རྟག་པའི་ཆོས་ཉིད་ལ་སོ་སོར་རྟོག་པ་དང་། འདུས་བྱས་ཀྱི་ཉེས་པ་རྟོགས་པ་དང་། ཡོངས་སུ་འཛིན་པ་ཐམས་ཅད་ལ་རྣམ་པར་འགྱུར་བའི་ཆོས་ཅན་ཡིན་ནོ།། སྙམ་དུ་དྲན་པས་ཉེ་བར་གནས་པར་བྱེད་པ་དང་བག་ཡོད་པར
156b8 བྱེད་དེ། འདོད་པའི་ཡོན་ཏན་ཐམས་ཅད་ལ་ལྷག་པར་ཞེན་པ་མེད་ཅིང་དགེ་བའི་རྩ་བ་ཐམས་ཅད་ཀྱང་ཟད་པར་མི་བྱེད་ལ་གོ་དུ་ཡང་རྣམ་པར་འཕེལ་བར་བྱེད་པ་དང་བྱང་ཆུབ་ཀྱི་སེམས་ཀྱི་བསམ་པ་ཡང་རྣམ་པར་མི་སྤོང་བ་སྟེ།
iiif viewer powered by OpenSeadragon
