| e-texts navigator |
| Wylie |
156a1 དེའི་ཉན་ཐོས་ཀྱི་དགེ་འདུན་ནི་ཚད་མེད་དོ།། ཀླུའི་བདག་པོ་དེའི་ཚེ་དེའི་དུས་ན་དེའི་འཁོར་ལོས་བསྒྱུར་བའི་རྒྱལ་པོ་གླིང་ཆེན་པོ་བཞིའི་དབང་ཕྱུག་གི་རྒྱལ་པོ་བསོད་ནམས་མི་ཟད་པ་ཞེས་བྱ་བ་ཞིག་བྱུང་སྟེ། རྒྱལ་པོ་བསོད་ནམས
156a2 མི་ཟད་པ་དེའི་བཙུན་མོ་བུད་མེད་ལྷ་མོ་དང་འདྲ་བ་ཁྲག་ཅིག་བརྒྱ་ཕྲག་བརྒྱད་བཅུ་རྩ་བཞི་ཡོད་དོ། ། དེ་དག་གི་ནང་ན་དེའི་བཙུན་མོ་དམ་པ་ནི་བཞི་ཡོད་པར་གྱུར་ཏེ། འདི་ལྟ་སྟེ། དྲི་མ་མེད་པ་ཞེས་བྱ་བ་དང་། དྲི་མ་མེད་པའི་འོད་ཅེས་བྱ་བ་དང་དག་པ
156a3 ཞེས་བྱ་བ་དང་དགའ་ལྡན་མ་ཞེས་བྱ་བའོ། ། དེའི་བུ་ཡང་བརྒྱད་ཁྲི་བཞི་སྟོང་ཡོད་དེ་མཚན་པོ་ཆེའི་སྟོབས་དང་ལྡན་པ་མཚན་ཉི་ཤུ་རྩ་བརྒྱད་ཀྱི་གཟུགས་དང་ལྡན་པ་ཐེག་པ་ཆེན་པོ་ལ་ཞུགས་པ་ཤ་སྟག་གོ།། ཀླུའི་བདག་པོ་རྒྱལ་པོ་བསོད
156a4 ནམས་མི་ཟད་པ་དེ་ཡང་གྲོང་ཁྱེར་ཆེན་པོ་དགའ་འབྱུང་ཞེས་བྱ་བ་ན་གནས་སོ། ། གྲོང་ཁྱེར་ཆེན་པོ་དེ་ཡང་ཤར་དང་ནུབ་དང་། བྱང་དང་ལྷོའི་ངོས་རེ་རེ་ལ་དཔག་ཚད་དྲུག་བཅུ་རྩ་བཞི་བཞི་ཡོད་པར་གྱུར་ཏོ།། བཅོམ་ལྡན་འདས་དེ་བཞིན
156a5 གཤེགས་པ་ཚངས་པའི་དཔལ་ལྷའི་རྒྱལ་པོ་ཡང་གྲོང་ཁྱེར་ཆེན་པོ་དགའ་འབྱུང་དེ་ཉིད་དུ་སྐུ་གཏམ་མོ། ། གྲོང་ཁྱེར་ཆེན་པོ་དེའི་ནང་དུ་རྒྱལ་པོ་བསོད་ནམས་མི་ཟད་པའི་ཕོ་བྲང་རིན་པོ་ཆེ་སྣ་བདུན་ལས་བྱས་པར་གྱུར་ཏོ།། གྲོང་ཁྱེར་ཆེན་པོ
156a6 དེའི་ནང་ན་ལམ་པོ་ཆེ་དང་སྲང་གི་སྒོ་འབུམ་ཕྲག་བརྒྱད་བཅུ་རྩ་བཞི་ཡོད་པར་གྱུར་ཏོ། ། ལམ་པོ་ཆེ་དང་སྲང་གི་སྒོ་ཐམས་ཅད་ན་ཡང་ཁྱིམ་བྱེ་བ་འབུམ་ཕྲག་བརྒྱད་བཅུ་རྩ་བཞི་གནས་སོ།། གྲོང་ཁྱེར་ཆེན་པོ་དཡང་རབ་རིམ་བདུན
156a7 དང་ལན་ཀན་རིམ་བདུན་དང་། ཏ་ལའི་ཕྲེང་རིམ་བདུན་དང་། དྲིལ་བུ་གཡེར་ཀིབི་དྲ་བ་རིམ་བདུན་གྱིས་བསྐོར་ཏོ།། བསྐྱེད་མོས་ཚལ་ཁྲིས་ཀྱང་བསྐོར་ཏོ།། འོབས་བདུན་རིམ་གྱིས་ཀྱང་བསྐོར་ཏེ། འོབས་དེ་དག་ཀྱང་ཡན་ལག་བརྒྱད
156a8 དང་ལྡན་པའི་ཆུས་ཡོངས་སུ་གང་ལ། མེ་ཏོག་ཨུད་པལ་དང་པད་མ་དང་། ཀུ་མུ་ད་དང་། པད་མ་དཀར་པོ་དང་། དྲི་མཆོག་གི་ཁེབས་པ་དང་དུར་ལ་སོགས་པ་རྟག་ཏུ་སྐད་འབྱིན་བྱིན་པར་འགྱུར་ཏེ། དེ་ལྟར་གྲོང་ཁྱེར་ཆེན་པོ་དེ་བསམ་གྱིས
iiif viewer powered by OpenSeadragon
