| e-texts navigator |
| Wylie |
154b1 གཞན་དག་ནི་གཞན་དག་ན་སྒྲོལ་བ་ཞེས་བྱའོ། ། འདི་ན་སོ་སོ་ཡང་དག་པར་རིག་པ་ཞེས་བྱ་བ་གང་ཡིན་པ་དེ་དག་ནི་གཞན་དག་ན་མངོན་སུམ་གྱི་སྒོ་ཞེས་བྱའོ།། འདི་ན་ཆོས་ཀྱི་སྦྱིན་པ་ཞེས་བྱ་བ་གང་ཡིན་པ་དེ་ནི་གཞན་དག་ན་ལེགས་པར
154b2 སྲུད་བ་ཞེས་བྱའོ། ། འདི་ན་ཞི་གནས་དང་། ལྷག་མཐོང་ཞེས་བྱ་བ་གང་ཡིན་པ་དེ་དག་ནི་གཞན་དག་ན་ཉེ་བར་ཞི་བ་དང་། རྣམ་པར་ལྟ་བ་ཞེས་བྱའོ།། འདི་ན་རྣམ་པར་ཐར་པ་ཞེས་བྱ་བ་གང་ཡིན་པ་དེ་དག་ནི་གཞན་དག་ན་དོན་ཡོད་པ་ཞེས་བྱའོ།། 2ང
154b3 ན་བསོད་ནམས་ཞེས་བྱ་བ་གང་ཡིན་པ་དེ་ནི་གཞན་དག་ལ་ཕན་པ་ཞེས་བྱ་འོ། འདི་ནི་ཡེ་ཤེས་ཞེས་བྱས་པ་གང་ཡིན་པ་དེ་ནི་གཞན་དག་ན་རྟོགས་བྱེད་ཅེས་བྱའོ།། འདི་ན་རབ་ཏུ་འབྱུང་བ་ཞེས་བྱ་བ་གང་ཡིན་པ་དེ་ནི་གཞན་དག་ན་ལམ་གྱི་རྗེས་སུ
154b4 འགྲོ་བ་ཞེས་བྱའོ། ། འདི་ན་བསྙེན་པར་རྫོགས་པ་ཞེས་བྱ་བ་གང་ཡིན་པ་དེ་ནི་གཞན་དག་ན་འདའ་བར་མི་བྱ་ཞེས་བྱའོ།། འདི་ན་མྱ་ངན་ལས་འདས་པ་ཞེས་བྱ་བ་གང་ཡིན་པ་དེ་ནི་གཞན་དག་ན་ཉེ་བར་ཞི་བ་ཞེས་བྱའོ།། འདི་ན་སངས་རྒྱས
154b5 བཅོམ་ལྡན་འདས་རྣམས་ནི་བསྔགས་པ་མཐའ་ཡས་པ་དང་ལྡན་པའོ། ། ཞེས་བྱ་བ་གང་ཡིན་པ་དེ་ནི་འཇིག་རྟེན་གྱི་ཁམས་གཞན་དག་ན་སངས་རྒྱས་བཅོམ་ལྡན་འདས་རྣམས་ནི་དགེགས་མེད་པའི་ཚུལ་ཅན་ནོ་ཞེས་བྱའོ།། །
154b6 ཀླུའི་བདག་པོ་ངེས་པའི་ཚིག་གི་ཚིག་དང་། བརྡའི་ཚིག་གི་ཚིག་འདི་དག་ནི་སངས་རྒྱས་ཀྱི་ཚིག་གཞན་དང་གཞན་དག་ཏུ་འབྱུང་སྟེ། མི་ཟད་པའི་ཟ་མ་ཏོག་གི་གཟུངས་ལ་གནས་པའི་བྱང་ཆུབ་སེམས་དཔས་ནི་སངས་རྒྱས་ཀྱི་ཞིང་ཐམས
154b7 ཅད་དུ་དེ་དག་གི་ངེས་པའི་ཚིག་ཅེས་བྱའོ། ། ཀླུའི་བདག་པོ་ངེས་པའི་ཚིག་གི་ཚིག་དང་། རྔའི་ཚིག་གི་ཚིག་བསྟན་པ་ཕྱོགས་བཅུ་དག་ཏུ་འབྱུང་བ་གང་ཡིན་པ་དེ་དག་ནི་བསྐལ་པ་འམ་བསྐལ་པ་ལས་ལྷག་པར་ངམ་བསྟན་ཀྱང་སངས
154b8 རྒྱས་ཀྱི་ཞིང་གི་ངེས་པའི་ཚིག་གི་ཚིག་དང་། བརྡའི་ཚིག་གི་ཚིག་བསྟན་པ་རྣམས་མཐར་ཐུག་པ་གང་ཡང་མེད་དོ།། མེ་ཟད་པའི་ཟ་བ་ཏོག་གི་གཟུངས་འདི་བསྟན་པ་ན་བྱང་ཆུབ་སེམས་དཔའ་དྲུག་ཁྲིས་གཟུང་ས་ཐོབ་པར་གྱུར་ཏོ།། བྱང་ཆུབ
iiif viewer powered by OpenSeadragon
