| e-texts navigator |
| Wylie |
146b1 དཔའ་ཡང་ཡི་གེ་ཅི་ཡང་རུང་བ་དེ་དང་ཚིག་ཅི་ཡང་རུང་བ་དེ་དང་། ངེས་པའི་ཚིག་གང་ཡང་རུང་བ་གང་ཡིན་པ་དེ་ནི་སངས་རྒྱས་ཀྱི་གསུང་ཡིན་ནོ་ཞེས་བྱ་བ་ལ་འཇུག་སྟེ། དེས་ན་དེ་ནི་ཆགས་པ་མེད་ཅིང་ཐོགས་པ་མེད་པར་བསྐལ་པ་སྟོང་གི
146b2 བར་དུ་ཡང་སྟོན་ཅིང་འཆད་དེ་ཐོགས་པ་ཡང་མེད་དོ། ། དེ་ཅིའི་ཕྱིར་ཞེ་ན། ཀླུའི་བདག་པོ་འདི་ནི་མི་ཟད་པའི་ཟ་མ་ཏོག་ཅེས་བྱ་བའི་གཟུངས་ཡིན་ཏེ། གཟུངས་དེ་ཐོབ་པའི་བྱང་ཆུབ་སེམས་དཔའ་ནི་ཚིག་དང་ཡི་གེ་མི་ཟད་པའི་མེས་པའི
146b3 ཚིག་ལེགས་པ་བྱས་པ་རྣམས་དང་། སྔོན་གྱི་མཐའ་དང་ཕྱི་མའི་མཐའ་ཕན་ཚུན་གྱི་ཉེས་པ་སྤངས་པ་རྣམས་དང་། ཐོགས་པ་མེད་པ་རྣམས་དང་འཐད་པ་རྣམས་དང་། ཀུན་རྫོབ་ཀྱི་བདེན་པས་བརྒྱན་པ་རྣམས་དང་དོན་དམ་པ་དང་།
146b4 ལྡན་པ་རྣམས་དང་རྟེན་རྣམ་པར་དག་པ་རྣམས་དང་། དྲང་བའི་དོན་དང་། ངེས་པའི་དོན་མཉམ་པར་རྟག་པ་རྣམས་དང་། ཀུན་ནས་ཉོན་མོངས་པ་དང་། རྣམ་པར་བྱང་བའི་གཞི་ཇི་ལྟ་བ་བཞིན་དུ་བསྟན་པ་རྣམས་དང་སེམས་ཅན་ཐམས་ཅད
146b5 ཀྱི་སྤྱོད་པ་ལ་འཇུག་པར་རྟོགས་པའི་བསྟན་པ་འཆད་པ་རྣམས་དང་། དབང་པོ་བརྒྱ་ཁྲི་བཞི་སྟོང་རྐྱེན་ཇི་ལྟ་བ་བཞིན་དུ་རབ་ཏུ་རྣམ་པར་འབྱེད་པ་རྣམས་དང་། ཡི་གེ་རྣམས་ཀྱིས་ཀྱང་ཆོས་དེ་དག་སྲེད་པར་བྱེད་ན། འོན་ཀྱང་དེའི
146b6 ཡི་གེ་ཟད་པའམ་ཆོས་བརྗོད་པ་ཟད་པ་འམ། དཔེར་བྱ་བ་བཀོད་པ་ཟད་པ་འམ། དུས་བསྟན་པ་ཟད་པ་འམ། རྒྱུ་དང་འབྲས་བུ་བསྟན་པ་ཟད་པའམ། ཚོད་དང་གནས་དང་མཚམས་ཟད་པ་འམ། སེམས་ཀྱི་འཇུག་པ་ཟད་པ་འམ། ཨ
146b7 ཞེས་བྱ་བའི་སྒོའི་ཚིག་ཟད་པའམ། ཨ་ཞེས་བྱ་བའི་མཚམས་སྦྱོར་བའི་ཚིག་ཟད་པ་འམ། དེ་བཞིན་དུ་སྦྱར་ཏེ། བ་ཞེས་བྱ་བའི་ཟད་པ་ནས་ལ་ཞེས་བྱ་བའི་བར་དུ་ཟད་པ་འམ་རྣམ་པར་བྱང་བ་རྣམ་པར་གཞག་པའི་བར
146b8 ཟད་པའམ་ཆོས་ཀྱི་ངེས་པའི་ཚིག་གི་གཏམ་ཟད་པའམ། སྣ་ཚོགས་དང་ཟབ་མེའི་གཏམ་ཟད་པ་འམ། སྣརེལ་གཞིའི་རྒྱུད་སྟོན་པའི་གཏམ་ཟད་པ་འམ། སྤྱིའུ་ཚུགས་དང་མཐུན་པའི་གཏམ་ཟད་པ་འམ། འཐུན་པ་དང་མི
iiif viewer powered by OpenSeadragon
