| e-texts navigator |
| Wylie |
144b1 བརྩོན་འགྲུས་དང་བསམ་གཏན་དང་། ཤེས་རབ་ཤེས་པ་དང་། ཡི་གེ་དང་། གྲངས་དང་། བགྲང་བ་དང་། ལག་རྩིས་ཤེས་པ་དང་། འབྱུང་ཁུངས་ཤེས་པ་དང་། སྔགས་དང་། སྨན་དང་། གསོ་བཤེས་པ་དང་། ལས་དང་། གརྦ
144b2 གནས་ཤེས་པ་དང་། མཚན་མ་དང་ཅས་པ་དང་། ཆེད་དུ་བྱ་བ་དང་བཅས་པ་དང་། ཟང་ཟིང་དང་བཅས་པ་དང་། རྒྱུ་བ་དང་བཅས་པ་དང་། རྫས་དང་བཅས་པ་ཤེས་པ་དང་། འཇིག་རྟེན་པ་དང་། ཁམས་གསུམ་ན་སྤྱོད་པ་གང་ཡིན་པ་དེ
144b3 དག་ནི་སངས་རྒྱས་ཀྱི་གསུང་མ་ཡིན་ནོ། ། ཀླུའི་བདག་པོ་སངས་རྒྱས་བཅོམ་ལྡན་འདས་རྣམས་འབྱུང་བར་འགྱུར་བའི་ཆོས་སྔོན་མ་ཐོས་པ་ལས་ཐོས་པ་གང་དག་ཡིན་པ་འདི་ལྟ་སྟེ། མི་རྟག་པའི་དོན་དང་། སྡུག་བསྔལ་བའི
144b4 དོན་དང་། བདག་མེད་པའི་དོན་དང་ཞི་བའི་དོན་དང་། སྡུག་བསྔལ་ཡོངས་སུ་ཤེས་པའི་དོན་དང་། ཀུན་འབྱུང་བ་སྤང་བའི་དོན་དང་། འགོག་པ་མངོན་སུམ་དུ་བྱ་བའི་དོན་དང་། ལམ་སྒོམ་པའི་དོན་དང་། སྟོང་པ་ཉིད་སྒོམ་པའི་དོན་དང་། མཚན
144b5 མ་མེད་པས་ངེས་པར་རྒལ་བའི་དོན་དང་། སྨོན་པ་མེད་པའི་ངེས་པར་འབྱུང་བའི་དོན་དང་། མངོན་པར་འདུ་བྱ་བ་མེད་པ་དང་། མ་སྐྱེས་པ་དང་། མ་བྱུང་བའི་དོན་དང་། དྲན་པ་ཉེ་བར་བཞག་པ་བཞི་དང་། ཡང་དག་པར་སྤོང་བ་དང་།
144b6 འཕྲུལ་གྱི་རྐང་པ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ལམ་དང་། ཞིག་ནས་དང་། ལྷག་མཐོང་གི་དོན་དང་། ཇི་ལྟ་བ་བཞིན་དུ་རང་བཞིན་གྱིས་མ་སྐྱེས་པའི་དོན་དང་། ཕུང་པོ་དང་། ཁམས་དང་། སྐྱེ་མཆེད
144b7 དབེན་པའི་དོན་དང་། ཆོས་གང་རྗེས་སུ་རྟོགས་ནས་ཆོས་རྣམས་དང་། ཚེས་མ་ཡིན་པ་རྣམས་གཉིས་སུ་མི་འབྱེད་པ་དང་། ཆོས་ཐམས་ཅད་ཀྱང་བསྟན་དུ་མངོན་པར་མི་འགྲུབ་པར་རབ་ཏུ་ཤེས་པ་དང་། སྐྱེ་བ་མེད་པ་དང་། ཆད་པ་མེད།
144b8 པ་དང་། རྟག་པ་མེད་པ་དང་། རྟེན་ཅིང་འབྲེལ་བར་འབྱུང་བ་ཐོབ་པ་རྣམས་དང་། རང་བཞིན་གྱིས་འདོད་ཆགས་དང་བྲལ་བ་ཐོབ་པ་རྣམས་དང་། དེ་ལྟར་འདུས་མ་བྱས་པའི་ཆོས་མཐོང་བས་ཡང་དག་པར་ངེས་པ་ལ་འཇུག་ལ།
iiif viewer powered by OpenSeadragon
