| e-texts navigator |
| Wylie |
138a1 གྲངས་མེད་པའི་དོན་མཛད་པའི་ཕྱིར་རོ།། གཞན་ཡང་སེམས་ཅན་གང་ཆོས་ཀྱི་རྣམ་གྲངས་འདི་ཐོས་པ་དེ་དག་ནི་དགེ་བའི་རྩ་བ་ངན་དོན་མ་ཡིན་པ་དང་ལྡན་པ་ཡིན་ན་སེམས་ཅན་གང་དག་ཐོས་ནས་ཀྱང་འཆང
138a2 བར་བྱེད་པ་ལྟ་ཅི་སྨོས་ཏེ། དེ་དག་གིས་ནི་མིར་སྐྱེ་བ་རྙེད་པ་ལེགས་པར་རྙེད་དོ།། དེ་དག་གིས་དེ་བཞིན་གཤེགས་པ་ལེགས་པར་མཐོང་ངོ་།། དེ་དག་གིས་ནི་ཆོས་ཀྱི་རྣམ་གྲངས་འདི་ལེགས་པར་ཐོས་སོ།། ཆོས་ཀྱི་ཚུལ་གྱི་རྣམ་པ་འདི
138a3 ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་གང་ཡིན་པ་དེ་དག་གི་ངན་སོང་ཐམས་ཅད་ནི་བཀག་པར་གྱུར་ཏོ། ། དེ་དག་གི་ལྷ་དང་མིར་སྐྱེ་བའི་སྒོ་རྣམས་ནི་ཕྱེ་བར་གྱུར་ཏོ།། དེ་དག་ནི་ཡོངས་སུ་མྱ་ངན
138a4 ལས་འདས་ཟིན་པར་རིག་པར་བྱའོ་ཞེས་བརྗོད་དོ། ། དེ་ནས་བཅོམ་ལྡན་འདས་ཀྱིས་ལྷའི་བུ་དེ་དག་ལ་ལེགས་སོ་ཞེས་བྱ་བ་བྱིན་ཏེ། གྲོགས་པོ་དག་ལེགས་སོ་ལེགས་སོ།། ཁྱེད་ཀྱིས་ཚིག་འདི་ལེགས་པར་སྨྲས་སོ།། མདོ་སྡེའི་ཚིག
138a5 བསྟན་པ་འདི་ལྟ་བུ་དག་ལ་དགའ་བ་ཐོབ་པའི་སེམས་ཅན་གང་ཡིན་པ་དེ་དག་ནི་སངས་རྒྱས་ཀྱིས་བྱིན་གྱིས་བརླབས་པ་དང་། ཐེག་པ་ཆེན་པོས་འདུལ་བ་ཡིན་ནོ།། སེམས་ཅན་དེ་དག་ནི་སངས་རྒྱས་ཀྱི་ཡེ་ཤེས་ཀྱིས་ཐུགས་སུ་ཆུད།
138a6 པ་དང་། ཕྱིར་མི་ལྡོག་པའི་ཕྱག་རྒྱས་བཏབ་པ་ཡིན་ནོ།། ཆོས་ཀྱི་རྣམ་གྲངས་འདི་ལ་དགའ་བ་ཐོབ་པ་གང་ཡིན་པའི་སེམས་ཅན་དེ་དག་ནི་དེ་བཞིན་གཤེགས་པའི་ཡེ་ཤེས་འབའ་ཤིག་ལ་ཡང་དག་པར་གཞོལ་བ
138a7 མ་གཏོགས་པ་དེ་དག་འགྲོ་བར་མི་འགྱུར་ན་གང་དག་བསྔགས་པ་ཐོས་ནས་འཛིན་པར་བྱེད་པ་དང་། དེ་བཞིན་ཉིད་དུ་སྒྲུབ་པ་རྣམས་ས་ཅི་སྔོས།། ཀླུའི་རྒྱལ་པོ་རྒྱ་མཆོས་ཞུས་པ་ལས་གླེང་གཞིའི་ལེའུ་སྟེ་དང་པོའོ།།
138a8 བམ་པོ་གཉིས་པ། དེ་ནས་ཀླུའི་རྒྱལ་པོ་རྒྱ་མཆོས་བཤད་པ་འདི་ཐོས་ནས་ཚིམ་ནི་དམ་གུལ་ཡིད་རངས་ཏེ། རབ་ཏུ་དགའ་ཞིང་དགའ་བ་དང་ཡིད་བདེ་བ་སྐྱེས་ནས། རྒྱ་མཚོའི་གནས་རྣམ་པར་དག་པར་བྱེད།
iiif viewer powered by OpenSeadragon
