| e-texts navigator |
| Wylie |
133b1 པར་མ་འགྱུར་བ་དང་། སྨོན་པ་མད་པ་ཤེས་པས་འབྱུང་བ་དང་འཇིག་པར་ལྟ་བར་མི་འགྱུར་བ་དང་། རྟེན་ཅིང་འབྲེལ་བར་འབྱུང་བ་ཤེས་པས་ཆད་པ་དང་། རྟག་པར་བལྟ་བར་མི་འབྱུང་བ་སྟེ། ཆོས་བན་པོར་དདང་ལྡན་ན།
133b2 བྱང་ཆུབ་སེམས་དཔའ་རྣམས་ལྟ་བར་གྱུར་པ་ཐམས་ཅད་དུ་ལྟ་བར་མི་འགྱུར་རོ།། ཀླུའི་བདག་པོ་ཆོས་དྲུག་དང་ལྡན་ན་བྱང་ཆུབ་སེམས་དཔའ་རྣམས་མངོན་པར་ཤེས་པའི་ཤེས་པས་རྣམ་པར་བརྩེ་བར་འགྱུར་ཏེ།
133b3 དྲུག་གང་ཞེ་ན། སེམས་ཅན་ཐམས་ཅད་ལ་ཁོང་ཁྲོ་བ་མེད་པའི་སྟ་བས་དེའི་ལྷའི་མིག་རྣམ་པར་དག་པར་འགྱུར་བ་དང་། ངན་དུ་སྨྲས་པའི་ཚིག་དང་དུ་ལེན་པས་ལྷའི་རྣབ་རྣམ་པར་དག་པར་འགྱུར་བ་དང་། སེམས་ཅན་ཀུན་ནས་ཉོན་མོངས་པ་མེད་པས
133b4 གཞན་གྱི་སེམས་ཤེས་པ་རྣམ་པར་དག་པར་འགྱུར་བ་དང་། སྔོན་བྱས་པའི་དགེ་བའི་རྩ་བ་སེམས་ཅན་ཐམས་ཅད་ལ་གཏོང་བས་སྔོན་གྱི་གནས་རྗེས་སུ་དྲན་པ་ཤེས་པ་རྣམ་པར་དག་པར་འགྱུར་བ་དང་། འཐུན་པར་བྱེད་པ་དང་། དཀའ་བློ་བདེ
133b5 བ་དང་། ཇི་སྐད་སྨྲས་པ་བཞིན་བྱེད་པས་རྫུ་འཕྲུལ་བྱ་བ་ཤེས་པ་རྣམ་པར་དག་པར་འགྱུར་བ་དང་། ཆོས་རྣམས་ལ་སློབ་དཔོན་གྱི་དེཔེ་མཁྱུད་མེད་པས་ཟག་པ་ཟད་པ་ཤེས་པ་རྣམ་པར་དག་པར་འགྱུར་བ་སྟེ། དྲུག་པོ་དེ་དག་གོ།། ཀླུའི་བདག་པོ་གཞན
133b6 ཡང་མར་མེ་བྱིན་པས་ནི་ལྷའི་མིག་རྣམ་པར་དག་པར་འགྱུར་རོ། ། སིལ་སྙན་དང་། ཕག་རྡོབ་པ་དང་། གླུའི་དབྱངས་ཐམས་ཅད་བྱིན་པས་ནི་ལྷའི་རྣ་བ་རྣམ་པར་དག་པར་འགྱུར་རོ།། ཀུན་ནས་ཉོན་མོངས་པ་མེད་པར་བྱིན་པས་ནི་གཞན་གྱི་སེམས
133b7 ཤེས་པ་རྣམ་པར་དག་པར་འགྱུར་རོ། ། དགེ་བའི་ཆོས་དྲན་པར་བྱེད་ཅིང་བསྐུལ་བས་ནི་སྔོན་གྱི་གནས་རྗེས་སུ་དྲན་པ་ཤེས་པ་རྣམ་པར་དག་པར་འགྱུར་རོ།། སྒྲིབ་པ་དང་། འགྱོད་པ་བསལ་བས་ནི་རྫུ་འཕྲུལ་གྱི་བྱ་བ་ཤེས་པ་རྣམ་པར
133b8 དག་པར་འགྱུར་རོ། ། ཆོས་བྱིན་པས་ནི་ཟག་པ་ཟད་པ་ཤེས་པ་རྣམ་པར་དག་པར་འགྱུར་རོ།། ཀླུའི་བདག་པོ་གཞན་ཡང་དེ་བཞིན་གཤེགས་པ་ལ་ལྟ་བས་ནི་ལྷའི་མིག་རྣམ་པར་དག་པར་འགྱུར་རོ།། དམ་པའི་ཆོས་མཉན་པས་ན་ལྷའི
iiif viewer powered by OpenSeadragon
