| e-texts navigator |
| Wylie |
126b1 ཀྱི་བཅོམ་ལྡན་འདས་ལ་མཆོད་པ་བྱས་ནས། བཙུན་པོའི་འབོད་དང་བཅས་པ་དང་། གཉེན་འདབ་ཀྱི་འཁོར་དང་བཅས་པས་དེཀྱི་ག་བཅོམ་ལྡན་འདས་ལ་ཚུལ་དང་འཐུན་པའི་ཚིགས་སུ་བཅད་པ་འདི་དག་གིས་མངོན་པར་བསྟོད་དོ།། འཇིག་ཏན་དགན
126b2 འཇིག་རྟེན་པན་པར་བཞེད་པ་འཇིག་རྟེན་གྱིས་མཆོད་འཇིག་རྟེན་མིག་སྦྱིན་པ། ། འཇིག་རྟེན་དུ་སྐྱེས་འཇིག་རྟེན་དྲི་མ་རྣམས་ཀྱིས་མགོས་པད་མ་ཆུས་མི་ཆགས་པ་བཞིན།། འཇིག་ཏན་སྣང་བ་རྣམ་པར་གཟིགས་པ་སྤྱན་གསུམ་མངའ་བ་འཇིག
126b3 རྟེན་བདེ་བ་སྦྱིན་མཛད་པ། ། འཇིག་རྟེན་ཉི་མ་རྐྱེན་ལ་མཁས་པ་འཇིག་རྟེན་གཙོ་བོ་ཁྱོད་ལ་དེ་རིང་བདག་ཕྱག་འཚལ།། དུལ་ཞིང་དུལ་བས་ཡོངས་བསྐོར་སྟོབས་བཅུ་མངའ་བ་སྦྱིན་པ་རྣམས་དང་དུལ་བ་རྣམས་ཀྱིས་འཕགས།། འདྲེན་པ།
126b4 ཉོན་མོངས་རྡུལ་དང་མུན་པ་དང་ནི་དྲི་མ་ཐབ་བསྲེགས་ཤིང་མྱུ་གུ་བསྲེགས།། སྙིང་རྗེས་ནོར་གྱི་གཙོ་བོ་བདུན་པོ་སྦྱིན་པར་མཛད་ཅིང་སེམས་ཅན་རྣམས་ལ་བྱམས་པས་འཕགས།། བསོད་སྙོམས་ཞིང་སྟེ་འཇིག་རྟེན་རྩ་ལག་བརྟན་པོ་ཁྱོད་ལ་བདག་ནི་མགོ་བོས་ཕྱག
126b5 འཚལ་ལོ། ། ཁྱོད་ཀྱི་ཞལ་གྱི་སྨིན་མཚམས་མཛོད་སྤུ་འབར་བ་མེ་ཏོག་ཀུན་དུ་ཟླ་བ་དུང་མདོག་འདྲ།། འདི་ན་ཚངས་པའི་གནས་ན་འཁོད་པའི་ལྷ་རྣམས་ཀྱིས་ཀྱང་ཁྱོད་ཀྱི་སྤྱི་གཙུག་མཐོང་མི་འགྱུར། ཟླ་བ་ལྟ་བུའི་ཞལ་ནས་བྱུང་བའི་རྨད་བུད་འོད་ཀྱིས་འགྲོ་བ་མ་ལུས
126b6 སྣང་བར་མཛད། ། དེ་ཡིས་རེག་པར་གྱུར་པའི་དབང་གིས་མཚམས་མེད་སེམས་ཅན་རྣམས་ཀྱང་བདེ་བ་ཉིད་དུ་གྱུར།། ཁྱོད་ཀྱི་གསུང་ནི་ཤིན་ཏུ་ཡིད་འོད་ཚིག་སྟེ་ཟླ་བ་བཞིན་དུ་ཡིད་ཀྱང་ཚིམ་པར་བགྱིད།། ལྷ་དང་མིའི་སྒྲ་སྐད་ཟིལ་གྱིས་གནོན་ཅིང་གཅིག་ཏུ་ངེས་པར
126b7 དག་ལ་གཙང་བ་སྟེ། ། འདོད་ཆགས་ཞེ་སྡང་མུན་པ་རྡུལ་རྣམས་རབ་ཏུ་ཞི་བར་བགྱིད་ཅིང་ཤེས་རབ་གསལ་བར་བགྱིད།། དགའ་དང་མགུ་བགྱིད་བདེ་བ་ཤིན་ཏུ་བསྐྱེད་པར་བགྱིད་ཅིང་ཐར་པ་ཡང་དག་སྟོན་པ་ལགས།། ཁྱོད་ཀྱི་ཡེ་ཤེས་དུས་གསུམ་གཏོགས་པ
126b8 ཐོགས་པ་མ་མཆིས་གར་ཡང་ཆགས་པ་མ་མཆིས་ཏེ། ། ཁྱོད་ཀྱིས་སེམས་ཅན་རྣམས་ཀྱི་སྤྱོད་པ་ཆུང་དང་འབྲིང་དང་དམ་པ་མ་ལུས་ཐུགས་སུ་ཆུད།། གང་དག་གི་ནི་དབང་པོ་བསམ་པ་དག་དང་འགྲོ་དང་ཐར་པ་ཐ་དད་ཅི་འདྲ་བ།། ཐམས་ཅད་ཁྱོད་ཀྱིས་སྐད་ཅིག
iiif viewer powered by OpenSeadragon
