| e-texts navigator |
| Wylie |
201a1 དང་མཐུ་མེད་དེ། ལ་ལ་ཞིག་འདོན་ཏམ། ཀློག་ཀྱང་མི་གཅིག་འགའ་ཡང་དགེ་སྦྱོང་གི་འབྲས་བུ་བཞི་ཐོབ་པ་མེད་དོ།། དེ་ལྟར་དེའི་སློབ་མ་རྣམས་ཀྱང་རྒྱལ་སྲིད་སྟོར་བ་འམ། བྱ་འདབ་མ་མེད་པ་དང་འདྲ
201a2 སྟེ། གཙུག་ལག་ཁང་དང་། མཆོད་རྟེན་ཡང་སྟོངས་ཤིང་ཞིག་ལགས་པ་ཡང་མེད་དེ།། དེ་ལྟར་སུ་གཟུགས་དང་། བ་དན་དང་། རིན་པོ་ཆེའི་གདུགས་ཡོད་པ་ཡང་དགྲ་ཆ་ཞིག་པ་འདྲ་སྟེ།། བུག་རོན་དང་། བྱེའུ་དང་། ཤ
201a3 ཁྱི་དང་། ལུག་ལ་སོགས་པའི་ཚད་དང་། གནས་སུ་འགྱུར་རོ།། དགེ་སློང་སོ་སོ་ན་འདྲག་པའི་གནས་ནི་བྱི་དོར་བཟང་དུ་བྱེད་དོ།། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། འདི་ཡང་ཁྱེད་ལ་མདོ་ཙམ་ཞེག
201a4 བཤད་པ་ཡིན་ནོ། ། དགའ་བོས་སངས་རྒྱས་ཀྱིས་གསུངས་པ་ཐོས་ནས་མཆི་མ་བླགས་ཏེ་དུས་སོ།། དེ་ལྟར་དགའ་བོས་ཡིད་གདུང་ཞིང་དུ་བ་མ་བཏང་བ་ལས། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། ཁྱོད་དེ
201a5 ལྷར་མ་དུ་བར་མདོ་སྡེ་འདི་གཟུངས་སུ་བཟུང་ལ་འཇིག་རྟེན་དུ་རྒྱས་པར་སྤེལ་ཅིག། དེ་ནས་དགའ་བོས་གདོང་མཆིམ་ཕྱིས་ནས་བཅོམ་ལྡན་འདས་ལ་བག་ཟླའོ།། ། ཞེས་གསོལ་ཏོ།། བརྒྱ་བྱིན་དང་། ལྷ་དང་།
201a6 མི་རྣམས་ཀྱིས་ཀྱང་དགའ་བོ་ལ་འདི་སྐད་ཅེས་སྨྲས་སོ།། བཙུན་པ་བདག་ཅག་གིས་ཡོངས་སུ་བཟུང་སྟེ། གང་ཞིག་མདོ་སྡེ་འདི་རིའམ། ཚལ་ལམ། ཤིང་དྲུང་ངམ། ཟས་མཐའ་འམ། དུར་ཁྲོད་ན་གནས་ཏེ་འདོན་ཏམ།
201a7 ཀློག་ན་བདག་ཅག་གིས་ལྷ་དང་། མིའི་འཁོར་དང་། མི་མ་ཡིན་པ་དང་བཅས་ཏེ། གནས་དེར་འགྲོ་ཞིང་། ཆུང་ངུ་ན་ཚིགས་སུ་བཅད་པ་གཅིག་གམ། ཚིག་གཅིག་ཙམ་ཡང་མི་བརྗེད་མ་ཉམས་པར་བཟུང་ངོ་ཞེས་གསོལ་ཏོ།།
201a8 མདོ་སྡེ་འདི་གསུངས་པའི་ཚེ་དགེ་སློང་སྟོང་སྙེད་ཀྱིས་དགེ་སྦྱོང་གི་འབྲས་བུ་ཐོབ་པར་གྱུར་ཏོ།། དགེ་སློང་མ་སྟོང་ལྔ་བརྒྱས་རྒྱུན་དུ་ཞུགས་པའི་འབྲས་བུ་ཐོབ་པར་གྱུར་ཏོ།། དགེ་བསྙེན་ལྔ་བརྒྱས་ཡོངས་སུ་དག་པར་གྱུར་ཏེ།
iiif viewer powered by OpenSeadragon
