| e-texts navigator |
| Wylie |
148a1 དེའི་ཚེ་བྱང་ཆུབ་སེམས་དཔའ་སའི་སྤྱིང་ཐོས་པ་ལ་མང་པོའི་ནང་ནས་ལངས་ནས་སངས་རྒྱས་ཀྱི་མདུན་དུ་ཕྱིན་ནས་ཐལ་མོ་སྦྱར་བ་དང་། བྲས་མོ་བཅུགས་ཏེ་སངས་རྒྱས་ལ་གསོལ་པ། བཙུན་པ་བདག་གིས
148a2 ཕལ་བརྟགས་ན་སེམས་ཅན་ལ་དོགས་པ་མཆིས་ཏེ་ད་དུང་མཐུལ་ཏོ། ། ཡང་དག་པར་གཤེགས་པས་དོགས་པ་བསལ་བར་བགྱིས་ན་བདག་གིས་ཕལ་མང་པོའི་སླད་དུ་དོགས་པ་བཞིན་དུ་དྲི་བར་འཚལ་ན། སངས་རྒྱས
148a3 བྱམས་པས་ཐུགས་རྗེས་གཟིགས་ཏེ་གནང་བར་སྨོན་ཏོ། ། སངས་རྒྱས་ཀྱིས་གསུངས་པ། བྱང་ཆུབ་སེམས་དཔའ་སེམས་དཔའ་ཆེན་པོ་ཁྱོད་ཀྱིས་དེ་ལྟ་བུར་སེམས་ཅན་གྱིར་མངའ་བྱ་ཞིང་བསྒྲལ་ནུས་ན་དེ་ལྟ་བུའི་སྙིང
148a4 རྗེ་ཆེན་པོ་ནི་བསམ་གྱིས་མི་ཁྱབ་བོ། ། ཁྱོད་ཀྱིས་རྒྱ་ཆེན་པོ་དྲིས་ཤིག་དང་ཁྱོད་ལ་དཀྲོལ་བཤད་དོ།། བྱང་ཆུབ་སེམས་དཔའི་སའི་སྙིང་པོས་གསོལ་པ།། ཆོས་སོ་ཅོག་ཐམས་ཅད་ཇི་ལྟར་ན་རྐྱེན་ལས་མ་སྐྱེས། དེ་ནས་ཡང་དག
148a5 པར་གཤེགས་པས་གཞུང་འདི་བཤད་པར་དགོངས་ནས་ཚིགས་སུ་བཅད་པས་བཤད་དོ། ། ཆོས་རྐྱེན་ལས་སུ་སྐྱེས་ན་ནི།། ཆོས་རྐྱེན་བྲལ་ན་ཆོས་མེད་དམ།། ཇི་ལྟ་བུར་ན་ཆོས་ཉིད་མེད།། རྐྱེན་གྱིས་སུ་ནི་ཆོས་སྐྱེས་སམ།། །
148a6 དེ་ནས་བྱང་ཆུབ་སེམས་དཔའ་སའི་སྙིང་པོས་གསོལ་པ། ཆོས་ལ་སྐྱེ་བ་མ་མཆིས་སུ་ལགས་ན་ཇི་ལྟ་བུར་ན་བཤད་པ་ལ་སེམས་ལས་བྱུང་ཞེས་བགྱི།། དེ་ནས་བཙུན་པས་ཚིགས་སུ་བཅད་པ་འདི་གསུངས་པ། སེམས
148a7 ལས་སྐྱེས་པའི་ཆོས་ཀྱིས་ནི། ། ཆོས་དེས་བླང་པ་བྲད་ནུས་ཏེ།། དཔེ་རུ་ར་རོ་མིག་གིས་སུ།། སྟོང་པའི་མེ་ཏོག་མཐོང་དང་མཚུངས།། ཆོས་འདི་ངོ་བོ་ཉིད་བཤད་པ།། དེ་དག་དང་ནི་མཚུངས་མ་ཡིན།། དེ་ནས་བྱང་ཆུབ་སེམས
148a8 དཔའ་སའི་སྙིང་པོས་གསོལ་པ། ། ཆོས་དེ་ལྟ་བུ་ལགས་སུ་ལགས་ན། ཆོས་ལ་སྡོད་པ་མཆིས་ཏེ་སྡོད་པ་མ་མཆིས་ན་ཆོས་རབ་གྲུབ་པའི་རིགས་སོ།། དེ་ནས་བཙུན་པས་ཚིགས་སུ་བཅད་པ་བཤད་དོ།། ཆོས་ཀྱི་ཕྱི་མོ་ཡོད
iiif viewer powered by OpenSeadragon
