| e-texts navigator |
| Wylie |
145a1 རྒྱས་ཀྱི་ཆོས་སོ་ཅོག་ནི་ལེའུ་གཅིག་གི་ནང་དུ་འདུས་སོ། ། ཤཱ་རིའི་བུས་གསོལ་པ། ཇི་ལྟ་བུར་ན་ཚིག་བཞི་ལེའུ་གཅིག་ཅེས་བགྱི་བ་བཤད་པར་སྨོན་ཏོ།། དེ་ནས་བཙུན་པས་ལེའུ་བཤད་དེ་གསུངས
145a2 པ། རྒྱུ་དང་རྐྱེན་ལས་སྐྱེས་པའི་གཞུང་།། གཞུང་དེ་ཡོད་མེད་སྐྱེ་བ་མེད།། སྐྱེ་དང་ཤི་རྣམས་གཞུང་མེད་ན། གཞུང་དེ་སྐྱེ་དེ་ཤི་བ་མེད། དེ་ནས་ཕལ་མང་པོས་ལེའུ་བཤད་པ་ཐོས་ནས་ཐམས་ཅད་ཀུན་ཤིན་ཏུ་དགའ་སྟེ།
145a3 ཀུན་སྐྱེ་ཤི་མེད་པར་བྱས་པ་ཐོས་ནས་ཤེས་རབ་ཀྱིས་ངོ་བོ་ཉིད་སྟོང་པའི་ཡེ་ཤེས་ཀྱི་ཆོས་སྐྱེས་སོ།། རྡོ་རྗེའི་ཏིང་ངེ་འཛིན་གྱི་ཆོས་ཀྱི་ཡི་གེ་ལེའུ་བདུན་ཏེ། ཡང་དག་པར་གཤེགས་པའི་མཛོད་ཀྱི་ལེའུའོ།།
145a4 དེའི་ཡ་རབས་ཚངས་པར་སྤྱོད་པ་སྔོན་གྱི་གནས་ནས་ལངས་ཏེ་སངས་རྒྱས་ལ་གསོལ་པ། བཙུན་པ་སྐྱེ་བའི་གཞུང་ནི་མ་བཀག། ཤི་བའི་གཞུང་ནི་མི་སྐྱེ། དེ་ལྟ་བུ་མི་གཡོ་བའི་གཞུང་ནི་སངས་རྒྱས་ཀྱི་བྱང་ཆུབ
145a5 ལགས་སོ། ། བྱང་ཆུབ་ཀྱི་ངོ་བོ་ཉིད་ལ་ནི་རྣམ་པར་རྟོག་པ་མ་མཆིས། རྣམ་པར་རྟོག་པའི་ཤེས་རབ་མ་མཆིས་སོ།། རྣམ་པར་རྟོག་པའི་གྲངས་མ་མཆིས་པའི་མཚན་མ་ནི་རྣམ་པར་རྟོག་པ་འབའ་ཞིག་གིས་བཀབ་པོ།། །
145a6 དེ་ལྟ་བུའི་གཞུང་གི་མཚན་མ་ནི་བསམ་གྱིས་མི་ཁྱབ་པོ།། བསམ་གྱིས་མི་ཁྱབ་པའི་ནང་ན་རྣམ་པར་རྟོག་པ་མ་མཆིས་ན། བཙུན་པ་ཆོས་སོ་ཅོག་གྲངས་ནི་དཔག་ཏུ་མ་མཆིས། མུ་མ་མཆིས་པའི་ཆོས་ཀྱི་མཚན་མ་ནི
145a7 ཡང་དག་པ་གཅིག་གི་གཞུང་གི་ངོ་བོ་ཉིད་དེ། ངོ་བོ་ཉིད་གཅིག་འབའ་ཞིག་ལ་གནས་པ་དེའི་དོན་ཇི་ལྟ་བུ། སངས་རྒྱས་ཀྱིས་གསུངས་པ། ཡ་རབས་བསམ་གྱིས་མི་ཁྱབ་པ་ནི་ངས་ཆོས་རྣམས་ལ་བཤད་པ་ལ་བསླད་བ
145a8 རྣམས་ཀྱི་ཕྱིར་ཐབས་ཀྱི་ལམ་སྤྱོད་དོ། ། ཆོས་སོ་ཅོག་གི་མཚན་མ་ནི་ཡང་དག་པ་གཅིག་གི་གཞུང་གི་ཤེས་རབ་བོ།། ཇི་ལྟ་ཞེ་ན། དཔེར་ཚེང་དུས་གཅིག་ལ་སྒོ་ཆེན་པོ་བཞི་ཕྱེ་བ་དང་། མཚུངས་ཏེ། སྒོ་ཆེན་པོ་བཞི་ཀུན་ནི
iiif viewer powered by OpenSeadragon
