| e-texts navigator |
| Wylie |
143b1 ནས་ཡང་དག་པར་གཤེགས་པ་དང་། ཡང་དག་པར་གཤེགས་པའི་བདེན་པའི་མཚན་མར་ཕྱིན་པ་ནི་གྲལ་རྣམ་པ་ལྔ་ལ་གནས་ཏེ། གཅིག་ནི་ཡིད་ཆེས་པའི་གྲལ་ཡིན་ཏེ། ལུས་འདིའི་ནང་གི་ཡང་དག་པའི་མི་གཡོ་བའི།
143b2 ས་བེ་ན་མི་བདེན་པར་བསྒྲིབས་པར་ཡིད་ཆེས་ཏེ། མི་བདེན་པའི་སེམས་བཏང་བྲལ་ན་དད་པའི་སེམས་དཀར་གཅང་སྟེ།། ཁམས་ཀྱི་རྣམས་ཡིད་དང་ཚིག་གིས་བྱེ་བྲག་ཕྱེད་པར་རིག་གོ།། གཉིས་ནི་བསམ་པའི་བྲལ
143b3 བསམ་པ་ནི་བྲལ་རྣམས་ལས་བརྟགས་ན་ཡིད་དང་ཚིག་འབའ་ཞིག་སྟེ། ཡིད་དང་ཚིག་གིས་བྱེ་བྲག་ཕྱེད་ནས་ཡིད་བཞིན་མངོན་པར་སྣ་ན་ཁམས་མཐོང་ངོ་ཅོག་ཀུན་བདག་གི་ཕྱི་མོའི་ཤེས་པ་མ་ཡིན་ནོ།། ཕྱི་མ
143b4 ཤེས་པ་འདི་ལ་ནི་ཆོས་ཀྱང་མེད། གཞུང་ཡང་མེད། བླང་དོ་ཅོག་བླང་ནུས་པ་མེད་པར་རིག་གོ། གསུམ་ནི་སྤྱོད་པའི་གྲལ་ཏེ། རྟག་པར་གཡོ་ནུས་པ་གཡོས་ན། གཡོ་བ་འཐུན་པའི་ཚེ་སྔར་ཤེས་རབ་ཀྱིས་དྲངས་ཏེ།
143b5 བསྒྲིབས་པ་དང་བགེགས་ཀྱི་རྣམས་བསལ་ནས་བཀབ་པ་དང་། དཀྲིས་པ་ལས་བྱུང་བྲལ་ལོ།། བཞི་ནི་སྤྱད་པའི་གྲལ་ཏེ་སྤྱད་པའི་ས་རྣམས་དང་བྲལ་ལ། སེམས་ལ་བླང་བ་དང་གཏད་པ་མེད་དེ་ཤིན་ཏུ་དག་པ་ལས
143b6 རྩ་བ་རྣོས་ཏེ། སེམས་མི་གཡོ་བས་ན་ཡང་དག་པར་མི་འགྱུར་བའི་བདེན་པའི་དབྱིངས་མྱ་ངན་ལས་འདས་པ་ཆེན་པོ་སྟེ། ངོ་བོ་ཉིད་སྟོང་པ་ཆེན་པོ་འབའ་ཞིག་གོ། ལྔ་ནི་བཏང་སྙོམས་ཀྱི་གྲལ་ཏེ་བཏང་སྙོམས་ནི་ངོ་བོ་ཉིད
143b7 སྟོང་པའི་དྲང་པོའི་ཤེས་རབ་ལ་ཡང་མི་གནས་ཏེ། སྙིང་རྗེ་ཆེན་པོ་ལ་འབབ་ཅིང་འཁོར་ཀྱང་མཚན་མ་མི་གཡོའོ།། མཚན་མ་ནི་མི་གཡོ་བ་ལ་ཡང་མ་ཆགས་ཏེ། གཡུང་དྲུང་རྫོགས་པའི་བྱང་ཆུབ་ཀྱི་སྟོང་པའི་སེམས་ཀྱང
143b8 ཐོབ་པ་མེད། སེམས་ལ་མུ་མེད་མཐའ་མེད་དེ། གནས་ཀྱང་མི་མཐོང་བ་དེ་ནི་ཡང་དག་པར་གཤེགས་པའི་ཕྱིན་པའོ།། པོ་དགེ་བ་གྲལ་ལྔ་ནི་ཚོར་བ་གཅིག་ཕྱི་མོ་བསོད་པ་ནས་ཞུགས་ཏེ། སེམས་ཅན་བསྟན་པ་ནི་ཕྱི་མོའི
iiif viewer powered by OpenSeadragon
