| e-texts navigator |
| Wylie |
141b1 སྲན་ཐུབ་པའི་སེམས་པར་བགྱིས་ལ། ཡང་དག་པའི་དབྱིངས་སུ་ཆུད་པར་རུང་། སངས་རྒྱས་ཀྱིས་གསུངས་པ། བྱང་ཆུབ་སེམས་དཔའ་དེའི་སེམས་ཀྱི་དབུགས་ནི་ཕྱི་ནང་སྤྱད་པས་མངགས་ཏེ། མངགས་པ་བཞིན་དུ
141b2 འབབ་ཅིང་རྒྱུ་བས་ཐིགས་པས་མཚོར་ལངས་ཏེ། གནམ་གྱི་རླུང་གིས་དཔའ་བསྐྱོད་པས་ཀླུ་ཆེན་པོ་སྔངས་འདྲོགས་སོ།། སྔངས་འདྲོགས་པའི་སེམས་ཀྱིས་ནི་དབུགས་རྒྱུ་བ་མང་བར་བྱས་སོ།། བྱང་ཆུབ་སེམས
141b3 དཔའ་སེམས་ཅན་དེས་གསུམ་མ་ཉམས་ཤིང་གཅིག་བསྲུང་བར་བྱས་ན་ཡང་དག་པར་གཤེགས་པའི་བསམ་གཏན་དུ་ཆུད་དེ། བསམ་གཏན་གྱི་བསམ་གཏན་ཐུབ་པར་སྤྱད་པས་ན། སེམས་ལ་དབུགས་མེད
141b4 དོ། ། མཐུ་ཆེན་བྱང་ཆུབ་སེམས་དཔས་གསོལ་པ། ཇི་ལྟ་བུར་ན་གསུམ་མ་ཉམས་ལ་གཅིག་བསྲུངས་ན། ཡང་དག་པར་གཤེགས་པའི་བསམ་གཏན་དུ་ཆུད་ཅེས་བགྱི། སངས་རྒྱས་ཀྱིས་གསུངས་པ། གསུམ་མ
141b5 ཉམས་ཤེས་བྱ་བ་ནི་གྲོལ་ཐར་གསུམ་མཉམས་པ་གཅིག་བསྲུངས་པ་ནི་སེམས་མི་གཡོ་བ་གཅིག་བསྲུང་ངོ་། ། ཡང་དག་པར་གཤེགས་པའི་བསམ་གཏན་དུ་ཆུད་ཅེས་བྱ་བ་ནི་གཞུང་ལ་བརྟགས་རྟག་པ་དེ་ལྟ་བུའི
141b6 སེམས་ཀྱིས་ནི་ཡང་དག་པའི་དབྱིངས་སུ་ཆུད་དོ། ། མཐུ་ཆེན་བྱང་ཆུབ་སེམས་དཔས་གསོལ་པ། གྲོལ་ཐར་གསུམ་གྱི་ཆོས་ནི་གང་ལ་སོགས་པའི་དོན་ལགས། གཞུང་གིས་བཏགས་པའི་ཏིང་ངེ་འཛིན་ནི་ཆོས་གང
141b7 ལ་འཇུག། སངས་རྒྱས་ཀྱིས་གསུངས་པ། གྲོལ་ཐར་གསུམ་ཞེས་བྱ་བ་ནི་སྟོང་པའི་གྲོལ་ཐར། རྡོ་རྗེའི་གྲོལ་ཐར། ཤེས་རབ་ཀྱི་གྲོལ་ཐར་ཏོ།། གཞུང་ལ་བརྟགས་རྟག་ཞེས་བྱ་བ་ནི་སེམས་གཙང་གཞུང་གཙང་ན།
141b8 སེམས་མེད་ཅེས་བྱར་རུང་ངམ། མཐུ་ཆེན་བྱང་ཆུབ་སེམས་དཔས་གསོལ་པ། ཇི་ལྟ་བུར་ན་མ་ཉམས་པར་སྤྱད། ཇི་ལྟ་བུར་ན་བརྟག། སངས་རྒྱས་ཀྱིས་གསུངས་པ། སེམས་རྣམས་གཉིས་སུ་མེད་ན། དེའི་མ་ཉམས
iiif viewer powered by OpenSeadragon
