| e-texts navigator |
| Wylie |
141a1 བླངས་ཏེ་སེམས་ལ་བཤད་པ། སངས་རྒྱས་བྱམས་ཤིང་ཐུགས་བརྩེ་བས་བདག་ལ་བཀྲོལ་བཤད་པར་སྨོན་ཏོ།། སངས་རྒྱས་ཀྱིས་གསུངས་པ། པོ་དགེ་བ་བརྟགས་པར་ཉོན་ཅིག་དང་། ཁྱོད་ལ་བཀྲོལ་བཤད
141a2 དོ། ། པོ་དགེ་བ་མི་དགེ་བའི་ཆོས་ནི་སེམས་ལས་གྱུར་ཏེ་སྐྱེས་སོ།། ཁམས་ཐམས་ཅད་ནི་ཡིད་དང་ཚིག་གིས་བྱེ་བྲག་བྱེའོ།། གནས་གཅིག་ཏུ་བགགས་རྐྱེན་མང་པོ་ཆོད་ཅིང་མེད་དེ། ཇི་ལྟར་ཞེས་བྱས་ན། པོ་དགེ་བ་ཕྱི་མོ་གཅིག
141a3 མ་གཡོས་ན་སྤྱད་པ་གསུམ་སྤྱད་དུ་མེད་དོ། ། མི་གཡོ་བའི་གཞུང་ལ་འདུག་ན་ལམ་དྲུག་གི་སྒོ་བཀག་གོ། རྐྱེན་བཞིན་མ་གལ་ན་ཚུལ་ཁྲིམས་གསུམ་པོ་ཆོག་ཚད་།། ཤཱ་རིའི་བུས་གསོལ་བ། ཇི་ལྟ་བུར་ན་རྐྱེན་བཞིན་དུ
141a4 མགལ་ན། ཚུལ་ཁྲིམས་གསུམ་པོ་ཆོ་ག་ཚང་ཞེས་བགྱི། སངས་རྒྱས་ཀྱིས་གསུངས་པ། རྐྱེན་བཞི་ཞེས་བྱ་བ་གཅིག་ནི་བཏམས་ཏེ་སྩལ་པ། བྱས་པའི་སྟོབས་ཀྱི་རྐྱེན་གྱིས།། ཚུལ་ཁྲིམས་ཀྱི་ཆོ་གའི་ལུགས་བསྡུས་སོ།།
141a5 གཉིས་ནི་ཕྱི་མོ་ནས་བཟད་པའི་གཙང་མ་རྩ་བ་རྣོ་བའི་བཟོད་པའི་སྟོབས་ཀྱིས་སྦྱངས་སོ་ཅོག་གི་རྐྱེན་གཡོས་པས་དགེ་བའི་ཆོས་ཀྱི་ཚུལ་དེ་ལྟ་བུ་སྤྱོད་པས་ན་གདོད་རིག་པར་ནུས་སོ།། མཐུ་ཆེན་བྱང་ཆུབ་སེམས་དཔས
141a6 གསོལ་པ། ཡང་དག་པའི་དབྱིངས་ཀྱི་ཚོར་བའི་བསོད་པ་ལས་འབྱུང་འཇུག་མ་མཆིས་ན། གང་ལ་སོགས་པའི་ཆོས་ནི་སེམས་ཀྱིས་ཡང་དག་པའི་དབྱིངས་སུ་ཆུད་པར་རུང་། སངས་རྒྱས་ཀྱིས་གསུངས་པ། དབྱིངས་ཀྱི
141a7 ཆོས་ནི་དབྱིངས་མེད་དེ་དབྱིངས་མེད་པའི་སེམས་ཀྱིས་ན་གདོང་ཡང་དག་པའི་དབྱིངས་སུ་ཆུད་དོ། ། མཐུ་ཆེན་བྱང་ཆུབ་སེམས་དཔས་གསོལ་པ། དབྱིངས་མེད་པའི་སེམས་ཀྱི་ཡེ་ཤེས་ནི་འགྲམ་མེད་དོ།། འགྲམ་མེད་པའི
141a8 སེམས་ཀྱིས་སེམས་རང་དབང་ཐོབ་སྟེ། རང་དབང་གི་ཡེ་ཤེས་ཀྱིས་ནི་ཡང་དག་པའི་དབྱིངས་སུ་ཆུད་པར་རུང་ངོ་།། དཔེར་ན་མི་ཐ་མལ་པ་སེམས་ཞན་པ་དེ་ལྟ་བུའི་སེམས་ལ་དབུགས་རྒྱུ་བ་མང་ན་ཆོས་གང་སྤྱད་དེ་ཐུལ་ན
iiif viewer powered by OpenSeadragon
