| e-texts navigator |
| Wylie |
137b1 བསམ་གྱིས་མི་བྱབབོ།། ཚོར་བའི་སེམས་མ་སྐྱེས་ན། དེའི་སེམས་བདེ་ཡངས་ཏེ་ཕྱི་མོའི་ཚོར་བའི་བཟོད་པ་ལགས་སོ།། བཟོད་པ་ལ་གཡོ་བ་མ་མཆིས་པས་རྟག་པར་མཆིས་ཏེ་མ་མཆིས་པ་མ་ལགས་སོ།། མ་མཆིས་པ
137b2 ཡང་མཆིས། ཚོར་བ་མ་མཆིས་པ་ཡང་མ་ལགས། ཚེ་རབས་ཚོར་བ་མ་མཆིས་པར་རིག་ན། ཕྱི་མོའི་བསོད་པ་དང་། ཕྱི་མོའི་ཚོར་བའོ།། ཚོར་བ་གཙང་དང་བལ་གོས་པ་མ་མཆིས་པས་མི་འགྱུར་མི་ལྡོག་སྟེ། ངོ་བོ་ཉིད་ཡང
137b3 དག་པར་མི་འགྱུར་བས་ན་བསམ་གྱིས་མི་ཁྱབ་པོ། ། སངས་རྒྱས་ཀྱིས་གསུངས་པ་དེ་ཡིན་ནོ།། ཆགས་མེད་བྱང་ཆུབ་སེམས་དཔས་ཚིག་དེ་སྐད་ཐོས་པ་དང་ཡོད་མ་མྱོང་བ་ཐོས་ཏེ་ཚིགས་སུ་བཅད་པ་བཤད་དོ།།
137b4 བཙུན་པ་ཚོར་ཆེན་བཙུན་པ་ཡིས།། བསམ་པ་མེད་པའི་ཆོས་སྟེ་བཤད།། སེམས་སྐྱེ་མེད་ཅིང་བསམ་པ་མེད།། སེམས་རྟག་སྐྱེ་ཞིང་ཞི་བ་མེད།། གཅིག་ཚོར་ཕྱི་མོ་ཚོར་བ་བསོད།། གསེར་གྱི་དོང་ཚེ་རྙེད་དང
137b5 མཚུངས། ། རྙེད་པ་ཉིད་ནི་རྙེང་མ་ཡིན།། དེ་ནས་ཕལ་མང་པོས་ཚིག་དེ་བཤད་པ་ཐོས་ནས་ཀུན་གྱིས་ཕྱི་མོའི་ཚོར་བའི་བསོད་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཐོབ་བོ།། རྡོ་རྗེའི་ཏིང་ངེ་འཛིན་གྱི་ཆོས་ཀྱི་ཡི་གེ་ལེའུ་ལྔ་སྟེ།
137b6 ཡང་དག་པ་བདེན་པའི་དབྱིངས་སུ་འཇུག་པའི་ལེའུའོ།། །། དེ་ནས་ཡང་དག་པར་གཤེགས་པས་ཚིག་འདི་སྐད་དུ་གསུངས་སོ།། བསྐལ་ཏུ་རུང་བའི་སེམས་ཅན་ཕྱིན་ཆད་དུས་གཞན་གྱི་ཚེ་ཡང་ཆོས་འདི་བཞིན
137b7 བཤད་པའི་རིགས་སོ། ། དུས་དང་བཟོད་པ་ལྷན་མི་ཅིག་གོ།། འགལ་བ་དང་མི་འགལ་བར་བཤད་པ་འཐུན་པ་ཡང་མེད། ཐ་དད་པ་ཡང་མེད་དེ། མཚན་མ་ཡང་དེ་བཞིན་བཤད་པའི་རིགས་སོ།། ཐམས་ཅད་ཀྱི་ཡིད་ཀྱིས
137b8 ཤེས་རབ་དྲངས་ལ། ཐམས་ཅད་མཁྱེན་པའི་ཡེ་ཤེས་ཀྱི་མཚོར་ཆུད་པར་ཕབ་སྟེ་རུང་བ་རྣམས་སྟོང་པའི་རླུང་ལ་བརླབས་པ་བཞིན་མ་བྱས་པར་ཕལ་དེ་དག་ཀུན་རོ་གཅིག་པའི་འཕྲུལ་གྱིའོ།། མ་ཐོབ་པར་བྱོས་ཤིག།
iiif viewer powered by OpenSeadragon
