| e-texts navigator |
| Wylie |
135b1 ཁམས་སོ་ཅོག་སྟོང་པ་ཇི་ལྟ་བུར་མཐོང་། སངས་རྒྱས་ཀྱིས་གསུངས་པ།། མཐོང་བ་ཉིད་མི་བདེན་པ་ཡིན་ནོ།། ཇི་ལྟ་ཞེས་བྱ་ན། ཡོད་དོ་ཅོག་ཐམས་ཅད་ཀྱང་སྐྱེ་བ་མེད། མཚན་མ་ཡང་མེད་དེ། ཕྱི་མོ་ནས་རང་གི་མིང་མེད་པས་ཀུན་ཀྱང
135b2 སྟོང་པ་མི་གཡོ་སྟེ། ཆོས་སོ་ཅོག་གི་མཚན་མ་ཡང་དེ་དང་མཚུངས་སོ།། སེམས་ཅན་ཐམས་ཅད་ཀྱི་ལུས་ཀྱང་དེ་དང་མཚུངས་ཏེ། ལུས་ཀྱང་མེད་ན་ཇི་ལྟར་མཐོང་ཞེས་བྱ། ཆགས་མེད་བྱང་ཆུབ་སེམས་དཔས་གསོལ་པ།། ཁམས
135b3 ཐམས་ཅད་ཀྱང་སྟོང། ལུས་ཐམས་ཅད་ཀྱང་སྟོང་། རྣམ་པར་ཤེས་པ་ཐམས་ཅད་ཀྱང་སྟོང་ན་ཚོར་བ་ཡང་སྟོང་པའི་རིགས་སོ།། སངས་རྒྱས་ཀྱིས་གསུངས་པ། ཚོར་བ་གཅིག་པོ་ཞེས་བྱ་བ་ནི་མི་ཞིགས་མི་དངས་ཏེ། ཡང་དག
135b4 པར་མི་འགྱུར་བའི་ངོ་བོ་ཉིད་ནི་སྟོང་པ་ཡང་མ་ཡིན། མི་སྟོང་པ་ཡང་མ་ཡིན། སྟོང་པ་ཡང་མེད། མི་སྟོང་པ་ཡང་མེད་དོ།། ཆགས་མེད་བྱང་ཆུབ་སེམས་དཔས་གསོལ་པ། ཁམས་ཀྱི་རྣམས་ཀྱང་དེ་བཞིན་ཏེ། སྟོང་པའི་མཚན་མ་ཡང།
135b5 མ་མཆིས། སྟོང་པའི་མཚན་མ་མཆིས་པ་ཡང་མ་མཆིས་སོ།། སངས་རྒྱས་ཀྱིས་གསུངས་པ་མ་ཡིན་ནོ།། ཁམས་ཤེས་བྱ་བ་ནི་ཕྱི་མོའི་ངོ་བོ་ཉིད་ཡང་དག་པར་མི་འགྱུར་བས་ཡང་དག་པར་མི་འགྱུར་བའི་ཕྱི་མོའི་ངོ་བོ་ཉིད་ལ
135b6 གནས་མལ་མེད་དོ། ། ཆགས་མེད་བྱང་ཆུབ་སེམས་དཔས་གསོལ་པ། ཚོར་བ་ཡང་དེ་དང་མཚུངས་ཏེ། གནས་མལ་མ་མཆིས་སོ།། སངས་རྒྱས་ཀྱིས་གསུངས་པ་དེ་ཡིན་ནོ།། ཚོར་བ་ལ་གནས་མལ་མེད་པས་ན་གཙང་གདང་ངོ་།།
135b7 གཙང་གདང་བལ་ཚོར་བ་ཡང་མེད་དོ།། ཅི་ཡང་གནས་མེད་པས་ན་གཙང་གདང་སྟེ། གཙང་གདང་བལ་ལ་དོག་མེད་དོ།། ཆགས་མེད་བྱང་ཆུབ་སེམས་དཔས་གསོལ་པ། སེམས་དང་མིག་དང་རྣམ་པར་ཤེས་པ་ཡང་དེ་དང་མཚུངས
135b8 བསམ་གྱིས་མི་ཁྱབ་པོ། ། སངས་རྒྱས་ཀྱིས་གསུངས་པ། སེམས་དང་། མིག་དང་། རྣམ་པར་ཤེས་པ་ཡང་དེ་དང་མཚུངས་ཏེ། བསམ་གྱིས་མི་ཁྱབ་པོ།། ཇི་ལྟ་ཞེས་བྱ་ན། ཁ་དོག་ལ་གནས་མལ་མེད་པས་གཙང་གདང་སྟེ།
iiif viewer powered by OpenSeadragon
