| e-texts navigator |
| Wylie |
135a1 དཕྱི་མོ་མ་མཆིས་པའི་གནས་སུ་ཕྱིན་ཏེ། སངས་རྒྱས་ཀྱིས་གསུངས་པ། ཁྱོད་ཕྱི་མོ་ནས་འོངས་པ་ཡང་མེད་དོ།། དེ་ཕྱིན་པའི་གནས་ཀྱང་མེད་དེ།། ཁྱོད་ཀྱིས་ཕྱི་མོ་བསོད་ནམས་ཐོབ་སྟེ། བསམ་གྱིས་མི་ཁྱབ་པོ།།
135a2 དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ངེས་མོད་བཞིན་འོད་ཆེན་པོ་བཏང་སྟེ། ཁམས་སུ་ཁྱབ་པར་སྣང་ནས་ཚིགས་སུ་བཅད་པ་བཤད་དོ།། ཤིན་ཏུ་ཆེ་བའི་ཆང་ཐུབ་རྣམས།། ཀུན་ཀྱང་ཤེས་རབ་གང་ཤིང་རྒྱས།།
135a3 རྟག་པར་ཕྱི་མོ་བསོད་ནམས་སྤྱད།། སེམས་ཅན་རྣམས་ལ་ཕན་ཞིང་བསོད།། ཆོ་ག་རྣམ་པ་བཞི་སྤྱད་དེ།། རྟག་པར་ཕྱི་མོ་བསོད་ནམས་གནས།། མང་པོ་ཕལ་རྣམས་ཀུན་དྲངས་ཏེ།། སོང་ཞིང་འོངས་པ་ཡང་མེད་དོ།། དེ་ནས
135a4 ཆགས་མེད་བྱང་ཆུབ་སེམས་དཔས་སངས་རྒྱས་ལ་གསོལ་པ། བཙུན་པ་ཕན་པ་ཅི་སྤྱད་དེ་བསྒྱུར་ལ། སེམས་ཅན་གྱི་སེམས་ཡིད་ཐམས་ཅད་བསྒྱུར་ཏེ་གཙང་དག་པའི་ཤེས་པར་ཆུད། སངས་རྒྱས་ཀྱིས་གསུངས་པ། ཡང་དག
135a5 པར་གཤེགས་པའི་སངས་རྒྱས་རྣམས་ཀྱིས་ནི་རྟག་པར་ཚོར་བ་གཅིག་སྤྱད་དེ། རྣམ་པར་ཤེས་པ་བསྒྱུར་བས་གཙང་དག་པའི་ཤེས་པར་ཆུད་དོ།། ཇི་ལྟ་ཞེ་ན། སེམས་ཅན་ཐམས་ཅད་ཕྱི་མོ་ནས་ཚོར་རབས་ན།། རྟག་པར་ཚོར་བ
135a6 གཅིག་སྤྱད་དེ། སེམས་ཅན་གྱི་རྣམས་ཚོར་བར་བྱས་སོ།། སེམས་ཅན་དེ་དག་ཕྱི་མོའི་ཚོར་བ་ཐོབ་པར་བྱས་ཏེ། སེམས་ཡིད་རྣམས་ཚོར་བས་སྟོང་ཞིང་མི་གཡོ་ལ་སྐྱེ་བ་མེད་དོ།། ཇི་ལྟ་ཞེ་ན། ཕྱི་མོའི་ངོ་བོ་ཉིད་ཡང་དག་པར་མི
135a7 འགྱུར་བས་ན་ཕྱི་མོ་ནས་གཡོ་བ་མེད་དོ། ། ཆགས་མེད་བྱང་ཆུབ་སེམས་དཔས་གསོལ་པ། རྣམ་པར་ཤེས་པ་ཀུན་རྐྱེན་གྱི་ཁམས་ལས་ལངས་ནས་གཅིག་པུ་ཇི་ལྟ་བུར་མི་གཡོ་བར་རུང་། སངས་རྒྱས་ཀྱིས་གསུངས་པ།
135a8 ཁམས་གསུམ་ཐམས་ཅད་ཀྱང་ཕྱི་མོ་ནས་སྟོང་། རྣམ་པར་ཤེས་པ་ཐམས་ཅད་ཀྱང་ཕྱི་མོ་ནས་སྟོང་པ་ལ་རྐྱེན་གྱི་རང་བཞིན་མེད་ན་ཇི་ལྟ་བུར་རྐྱེན་ལས་ལངས་ཤེས་བྱ། ཆགས་མེད་བྱང་ཆུབ་སེམས་དཔས་གསོལ་པ།
iiif viewer powered by OpenSeadragon
