| e-texts navigator |
| Wylie |
134a1 ཤ་སི་སྐྱེའོ། ། སྟོང་པཞི་བའི་སེམས་དང་། སྐྱེ་བ་མེད་པའི་སེམས་སྐྱེས་སུ་ཟིན་ན།། དེ་ནི་སྨྲ་བ་སྤྱོད་པ་ཡོད་པ་ཡིན་ཏེ་སྐྱེ་བ་སྤྱོད་པ་མེད་པ་མ་ཡིན་ནོ།། ནང་ལོགས་སུ་བླངས་པ་གསུམ་དང་། སྤྱོད་པ་གསུམ་དང་། ཚུལ་ཁྲིམས་གསུམ་སྐྱེ་བས།
134a2 སྟོང་ཞིང་ཞི་སྟེ་མ་སྐྱེས་ན་སེམས་མི་སྐྱེ་ཞིང་སེམས་བརྟག་པར་སྟོང་ཞིང་ཞི་སྟེ། དོན་ཡང་མེད་སྤྱོད་པ་ཡང་མེད་པས་སྟོང་ཞིང་ཞི་བའི་མཚན་མ་ཡང་མི་རིགས་ཏེ། རེག་པ་མེད་པ་ལ་མི་ཆགས་སོ།། གནས་པ་མེད་པར་འདུག་སྟེ།
134a3 མཚན་མ་མེད་པའི་དོན་མདོ་བཟུང་ན་གདོང་བླངས་པ་གསུམ་མེད་དེ། ཀུན་སྟོང་ཞིང་གནས་གཅིང་དག་སྟེ། ཆགས་པ་མེད་ནས་ཏིང་ངེ་འཛིན་ཏུ་ཡང་མི་འཇུག། བསམ་གཏན་ལ་ཡང་མི་འཇུག། སྨྲ་བ་ཡང་མེད། སྤྱོད་པ་ཡང
134a4 མེད་དོ། ། སེམས་ཀྱི་རྒྱལ་པོ་བྱང་ཆུབ་སེམས་དཔས་གསོལ་པ། བསམ་གཏན་གྱིས་གཡོ་བ་བསྡུ་བ་དང་། སྒྱུ་མ་འཁྲུགས་པ་རྣམས་ཐུབ་པར་ནུས་ན་ཅིའི་སླད་ནས་བསམ་གཏན་མི་བགྱིད། སངས་རྒྱས་ཀྱིས་གསུངས་པ།
134a5 བྱང་ཆུབ་སེམས་དཔའི་བསམ་གཏན་ནི་གཡོ་བ་ཡིན་ནོ།། མི་གཡོན་བསམ་གཏན་མ་ཡིན་ཏེ། སྐྱེ་བ་མེད་པའི་བསམ་གཏན་ཡིན་ནོ།། བསམ་གཏན་གྱི་ངོ་བོ་ཉིད་སྐྱེ་བ་མེད་དོ།། བསམ་གཏན་སྐྱེ་བའི་མཚན་མ་དང
134a6 བྲལ་ལོ། ། བསམ་གཏན་གྱི་ངོ་བོ་ཉིད་ལ་ཆགས་པ་མེད་དོ།། བསམ་གཏན་གཡོ་བའི་ཆགས་པ་དང་བྲལ་ན་བསམ་གཏན་གྱི་ངོ་བོ་ཉིད་ལ་གཡོ་བ་དང་། མི་གཡོ་བ་མེད་པར་རིག་པས་སྐྱེ་བ་མེད་པ་འཐོབ་པོ།། སྐྱེ་བ་མེད་པའི་ཤེས
134a7 རབ་ནི་སྐྱེ་བ་ལ་ཡང་མི་གནས་ཏོ། ། སེམས་ཀྱང་མི་གཡོའོ།། དེ་ལྟ་བུའི་ཤེས་རབ་སྤྱད་པས་ན་སྐྱེ་བ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ཐོབ་བོ།། སེམས་ཀྱི་རྒྱལ་པོ་བྱང་ཆུབ་སེམས་དཔས་གསོལ་པ། བཙུན་པ་།
134a8 བ་མ་མཆིས་པའི་ཤེས་རབ་ནི་གནས་ཐམས་ཅད་ལ་ཆགས་པ་ཡང་མ་མཆིས། གནས་ཐམས་ཅད་དང་བྲལ་བ་ཡང་མ་མཆིས་ཏེ། སེམས་ལ་འདུག་པ་ཡོད་པའི་གནས་མ་མཆིས་གནས་ལ་སེམས་འདུག་པའི་གནས
iiif viewer powered by OpenSeadragon
