| e-texts navigator |
| Wylie |
133a1 ནི་ཤིང་ཏོག་ཨ་མ་ལིག་དང་མཚུངས་ཏེ་ཕྱི་མོ་རང་ལས་ཀྱང་མ་སྐྱེས། གཞན་ལས་ཀྱང་མ་སྐྱེས། ཕྱི་ལས་ཀྱང་མ་སྐྱེས། རྒྱུ་རྐྱེན་མཆེད་ལས་སྐྱེས་པ་ཡང་མ་ཡིན། སྐྱེ་བ་ཡང་མེད། ཅི་ལྟ་ཞེ་ན། རྐྱེན་བརྗེས་ཤིང་འདས
133a2 པའི་ཕྱིར་རོ། ། རྐྱེན་གཡོས་པ་ཡང་སྐྱེ་བ་མེད། རྐྱེན་འདས་པ་ལ་ཞི་བ་མེད་དེ་མངོན་པ་དང་མི་མངོན་པའི་མཚན་མ་མེད་དོ།། ཕྱི་མོ་གཞུང་སྟོང་ཞིང་ཞི་སྟེ། མེད་པའི་གནས་ན་འདུག་པས་འདུག་པའི་གནས་སུ་མི་མཐོང་སྟེ། ངོ་བོ་ཉིད
133a3 ཡང་དག་པར་མི་འགྱུར་བས་ཡང་དག་པར་མི་འགྱུར་བའི་ངོ་བོ་ཉིད་ནི་གཅིག་ཀྱང་མི་གཅིག་ཐ་དད། མི་དང་། མི་རྟག་མི་ཆད། མི་ཞུགས་མི་འབྱུང་། མི་སྐྱེ་མི་ཤི་ཏེ་སྐུར་པ་དང་བཞི་དང་བྲལ་ལ། སྨྲ་བའི་ཚིག་གི་ལམ་བཅད་དོ།།
133a4 སྐྱེ་བ་མེད་པའི་སེམས་ཀྱི་ངོ་བོ་ཉིད་ཀྱང་དེ་དང་མཚུངས་ན་ཇི་ལྟ་བུར་སྐྱེ་བ་མེད།། སྐྱེ་བ་དང་། མ་ནགས་པ་ཡོད་པ་དང་། མནགས་པ་མེད་པ་བཤད་ན་ལ་ལ་ཞིག་སེམས་ལ་ཐོབ་པ་ཡོད། གནས་དང་སྟོང་པ་ཡོད་ཅེས་བཤད་ན་དེས
133a5 ནབླ་ན་མེད་པའི་གཡུང་དྲུང་རྫོགས་པའི་ཤེས་རབ་མི་ཐོབ་སྟེ། དེ་ནི་ཁོར་བོར་མཚན་མོ་སེམས་ཀྱི་ངོ་བོ་ཉིད་མངོན་པར་བྱེ་བྲག་ཕྱེད་ལ་སེམས་ཀྱི་ངོ་བོ་ཉིད་དེ་ལྟར་ཡིན་པར་རིག་ན། ངོ་བོ་ཉིད་ཀྱང་དེ་དང་མཚུངས་ཏེ་སྐྱེ་བ་སྤྱོད་པ
133a6 མེད་དོ། ། སེམས་ཀྱི་རྒྱལ་པོ་བྱང་ཆུབ་སེམས་དཔས་གསོལ་པ། བཙུན་པ་སེམས་ཕྱི་ནས་མི་གཡོན་སྤྱོད་པ་སྐྱེ་བ་མ་མཆིས་སོ།། སྤྱོད་པ་རྣམས་མི་སྐྱེ་ན་སྐྱེ་བ་མི་སྤྱོད་པ་མི་སྐྱེའོ།། སྤྱོད་པ་མེད་པ་ཡང་མི་སྐྱེ་ན་གདོད་སྐྱེ
133a7 བ་མེད་དོ། ། སངས་རྒྱས་ཀྱིས་གསུངས་པ། ཕོ་དགེ་བ་ཁྱོད་ཀྱིས་སྐྱེ་བ་མེད་པ་སྤྱད་ན། སྐྱེ་བ་མེད་པ་སྤྱད་པར་རིག་གམ། སེམས་ཀྱི་རྒྱལ་པོ་བྱང་ཆུབ་སེམས་དཔས་གསོལ་པ། མ་ལགས་སོ།། ཇི་ལྟ་ཞེ་ན། སྐྱེ་བ་སྤྱོད་པ་མ
133a8 མཆིས་ན། ངོ་བོ་ཉིད་ཀྱི་མཚན་མ་སྟོང་ཞིང་མི་གཡོ་སྟེ། མཐོང་བ་ཡང་མ་མཆིས།། ཐོས་པ་ཡང་མ་མཆིས། སྟོང་པ་ཡང་མ་མཆིས། བཏང་བ་ཡང་མ་མཆིས་ན། ཇིཿཁུང་རིག་བླང་ཞེས་ཀྱེ།། རིག་ཏུ་ལགས་ན་དེ་ནི་རྩོད་ཅིང་བརྗོད་པའོ།། རྩོད
iiif viewer powered by OpenSeadragon
