| e-texts navigator |
| Wylie |
132b1 མ་མཆིས། ། སྐྱེ་བ་ཐམས་ཅད་ཟད་པར་བགྱིས།། བག་ཡོད་ཟད་པ་ཐོབ་ལགས་སམ།། བདུད་དང་སྟོང་པ་སེམས་པ་མཆད།། དེ་ནི་སྐྱེ་བ་མ་མཆིས་ལགས།། ཇི་ལྟར་སྐྱེ་བ་མ་མཆིས་ལ།། སྐྱེ་བ་མེད་པའི་མནགས་པ་མཆིས།།
132b2 དེ་ནས་སངས་རྒྱས་ཀྱིས་སེམས་ཀྱི་རྒྱལ་པོ་བྱང་ཆུབ་སེམས་དཔའ་ལ་བཀའ་སྩལ་པ། ཕོ་དགེ་བ་སྐྱེ་བ་མེད་པའི་ཆོས་ཀྱི་མནགས་པ་ནི་ཆོས་ལ་ཕྱི་མོ་ནས་སྐྱེ་བ་མེད་དོ།། སྤྱོད་དོ་ཅོག་སྐྱེ་བ་མེད་དེ། སྐྱེ་བ་མེད་པ་སྤྱོད་པས་ཡང
132b3 མེད་ན། སྐྱེ་བ་མེད་པའི་མནགས་པ་ཐོབ་པ་ནི་སྦྲུམ་མི་བདེན་པ་ཡིན་ནོ།། སེམས་ཀྱི་རྒྱལ་པོ་བྱང་ཆུབ་སེམས་པས་གསོལ་པ། བཙུན་པ་བསྐྱེད་པའི་མནགས་པ་ཐོབ་པ་སྒྱུམ་མི་བདེན་པ་ལགས་ན་ཐོབ་པ་ཡང་མ་མཆིས།
132b4 མནགས་པ་ཡང་མ་མཆིས་ན། སྣུ་མ་མི་བདེན་པ་ལགས་པ་རིགས་སོ།། སངས་རྒྱས་ཀྱིས་གསུངས་པ་ཡིན་ནོ།། ཙ་ལྟ་ཞེ་ན། ཐོབ་པ་ཡང་མེད། མནགས་པ་ཡང་མེད་ན་དེ་ནི་ཐོབ་པ་ཡོད་པ་ཡིན་ནོ།། ཐོབ་པ་ཡོད་ཆགས
132b5 པ་ཡོད་ན་དེ་ནི་སྐྱེ་བ་ཡོད་པ་ཡིན་ནོ། ། སྐྱེ་བ་ཡོད་ལ་ཐོབ་པ་ཡོད་ན་ཐོབ་པ་ཡོད་པའི་ཆོས་ཏེ། ཀུན་ཀྱང་སྒྱུ་མ་མི་བདེན་པ་ཡིན་ནོ།། སེམས་ཀྱི་རྒྱལ་པོ་བྱང་ཆུབ་སེམས་དཔས་གསོལ་པ། བཙུན་པ་ཇི་ལྟ་བུར་ན་མནགས
132b6 པ་མ་མཆིས། སྐྱེ་བ་མ་མཆིས་པའི་སེམས་སྒྱུ་མ་མི་བདེན་པ་ལགས་ཤེས་བགྱི། སངས་རྒྱས་ཀྱིས་གསུངས་པ། མནགས་པ་མེད་སྐྱེ་བ་མེད་པའི་སེམས་ཤེས་བྱ་བ་ནི་སེམས་ལ་གཟུང་བ་དང་། མཚན་མ་མེད་དེ། དཔེར
132b7 ན་མེའི་རང་བཞིན་དང་མཚུངས་ཏེ་ཤིང་གི་ནང་ན་འདུག་མོད་ཀྱི་ག་ལ་འདུག་པའི་གནས་མེད་དོ། ། རང་བཞིན་མི་འགྱུར་ཡང་དག་ན། མིང་དང་མཁན་ཡོད་དུ་ཟད་ཀྱི་རང་བཞིན་བཙལ་དུ་མི་བརྙེད་དོ།། དེའི་གཞུང་བརྗོད་པའི
132b8 ཕྱིར་མིང་བརྟན་མ་བཤད་ན། མིང་རྙེད་པར་མི་རུང་ནས་སེམས་ཀྱི་མཚན་མ་ཡང་དེ་བཞིན་ཏེ་གནས་མི་མཐོང་ངོ་།། སེམས་ཏེ་དེ་ལྟ་བུ་ཡིན་པར་རིག་ན་གདོད་སྐྱེ་བའི་སེམས་མེད་དེ། ཕོ་དགེ་བའི་སེམས་དེའི་རང་བཞིན་གྱི་མཚན་མ
iiif viewer powered by OpenSeadragon
