| e-texts navigator |
| Wylie |
131b1 པ་ཡིན་ནོ། ། སེམས་དག་པ་ནས་སྲན་ཐུབ་ཅིང་སེམས་རྟག་པར་གནས་པ་མེད་ལ། གཙང་གདང་ལ་གོས་པ་མེད་ཅང་ཁམས་གསུམ་ལམ་ཆགས་ན་དེ་ན་ཚུལ་ཁམས་ཀྱ་པ་རལ་ཏུ་ཕྱིན་པ་ཡིན་ནོ།། སོང་པ་སྤྱང་ངམ་བུ
131b2 བཅད་ལ་ཡོད་པ་རྣམས་ལ་མི་རྟེན་ན་ལས་གསུམ་སྟོང་མི་གཡོ་སྟེ། ལུས་དང་སེམས་ལ་ཡང་མི་ཆགས་ན་དེ་ནི་བཟོད་པའི་ཕ་རོལ་ཏུ་ཕྱིན་པ་ཡིན་ནོ།། མིང་གིས་བགྲང་བ་ཡོངས་སུ་བྲལ་ལ་སྟོང་པ་དང་ཡོད་པར་མཐོང་བ
131b3 བཅད་དེ། ཕུང་པོའི་སྟོང་པར་ཟབ་དུ་ཞུགས་པ་དེ་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡིན་ནོ།། སྟོང་པ་དང་མི་གཡོ་བ་གཉིས་ཁ་དོག་དང་བྲལ་ལ་སྟོར་པའོ་ཅོག་ལ་མ་ཆགས་ཏེ། སེམས་འདུག་པ་མེད་པའི་སྟོང་པ་ཆེན་པོ་ལ
131b4 གནས་པ་དེ་ནི་བསམ་གཏན་གྱི་ཕ་རོལ་ཏུ་ཕྱིན་པ་ཡིན་ནོ། ། སེམས་ལ་སེམས་ཀྱི་འདུ་ཤེས་མེད་དོ།། སྟོང་པ་ལ་མི་ཆགས། སྤྱོད་དོ་ཅོག་ལ་མི་སྐྱེ། སྟོང་ཞིང་ཞི་བར་ཡང་མི་གནས། སེམས་ལ་འབྱུང་འཇུག་ཀྱང་མེད་དོ།། ངོ་བོ
131b5 ཉིད་རྟག་པར་བཏང་སྙོམས་པས་ཆོས་རྣམས་ཀྱི་ཡང་དག་པའི་དབྱིངས་མི་འགྱུར་བའི་ངོ་བོ་ཉིད་རྣམས་ལ་ཡང་མི་གནས། ཤེས་རབ་ལ་ཡང་མི་ཆགས་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ནོ།། པོ་དགེ་བ་དེ་ལྟ་བུ་བ
131b6 རོལ་ཏུ་ཕྱིན་པ་དྲུག་གིས་ནི་གྱི་མོའི་བཟོད་པ་ཐོབ་སྟེ། ཡང་དག་པར་མི་འགྱུར་བའི་ངོ་བོ་ཉིད་དུ་ཆུད་པས་འཇིག་རྟེན་ནས་འཕགས་ཏེ་བྱུང་ལ་རྟོགས་པ་གྲོལ་ཐར་ཏོ།། པོ་དགེ་བ་དེ་ལྟ་བུའི་གྲོལ་ཐར་པའི་ཆོས་ཀྱི་མཚན་མ་ནི
131b7 མཚན་མར་སྤྱོད་པ་སྟེ། གྲོལ་བ་དང་མ་ཆགས་པ་ཡང་མེད་པ་དེའི་མིང་གྲོལ་ཐར་པའོ།། ཇི་ལྟར་ཞེ་ན། གྲོལ་ཐར་པའི་མཚན་མ་ལ་ནི་མཚན་མ་ཡང་མེད། སྤྱོད་པ་ཡང་མེད།། གཡོ་བ་ཡང་མེད། འཁྲུག་པ་ཡང་མེད་དེ། སྟོང་པ་མི
131b8 གཡོ་བའི་མྱ་ངན་ལས་འདས་པ་ན་མྱ་ངན་ལས་འདས་པའི་མཚན་མ་ལ་ཡང་མ་ཆགས་ན། གྲོལ་ཐར་བྱང་ཆུབ་སེམས་དཔས་ཚིག་འདི་སྐད་ཐོས་ནས་ཡོད་མ་མྱོང་བ་ཐོབ་པས་སེམས་ལ་ཤིན་དུ་དགའ་སྟེ། དེའི་ཡིད་བསླབ་པར
iiif viewer powered by OpenSeadragon
