| e-texts navigator |
| Wylie |
129b1 པོ་དགེ་བ་མཚན་མ་མེད་པའི་སེམས་ལ་ནི་སེམས་ཀྱང་མེད།། ང་ཡང་མེད་ཆོས་སོ་ཅོག་གི་མཚན་མ་ནི་དེ་དང་མཚུངས་སོ།། གྲོལ་ཐར་བྱང་ཆུབ་སེམས་དཔས་སངས་རྒྱས་ལ་གསོལ་པ། བཙུན་པ་སེམས་ཐམས་ཅད་ལ
129b2 ང་ཡོད་པ་དང་སེམས་ཡོད་པ་ཆོས་གང་སྤྱད་པས་ཚེར་ཏེ། སེམས་ཅན་དེ་དག་བཅིངས་པ་འདི་ལས་འབྱུང་ཞིང་འབྲལ་བར་བགྱི། སངས་རྒྱས་ཀྱིས་གསུངས་པ། སྐྱེས་བུ་པོ་དགེ་བར་ཡོད་པ་ནི་རྒྱུ་རྐྱེན་བཅུ་གཉིས་ལ་རྟག་ཏུ
129b3 བཅུག་ན། རྒྱུ་རྐྱེན་བཅུ་གཉིས་ནི་ཐོག་མ་དང་རྒྱུ་དང་འབྲས་བུ་ལས་བྱུང་ངོ་།། རྒྱུ་དང་འབྲས་བུའི་གཡོ་བ་ནི་སེམས་ཀྱི་སྤྱོད་པ་ལས་ལངས་ཏེ་སེམས་ཀྱང་མེད་ན་ལུས་མེད་པ་ལྟ་སྨོས་ཀྱང་ཅི་དགོས། ང་ཡོད་ནི་ན་མཐོང་བ་ཡོད
129b4 པ་ཡང་ཞི་བར་བྱའོ། ། ང་མེད་ན་ནི་མཐོང་བ་མེད་པ་ཡང་ཞི་བར་བྱའོ།། སེམས་སྐྱེས་ན་ནི་ཞི་བའི་རང་བཞིན་ཡང་ཞི་བར་བྱའོ།། སེམས་ཞིན་ནི་སྐྱེ་བའི་རང་བཞིན་ཡང་ཞི་བར་བྱའོ།། མཐོང་བའི་རང་བཞིན་དེ་ཞེ་ན་གདོད་ཡང་དག
129b5 པའི་དབྱིངས་སུ་ཞུགས་སོ། ། དེ་ཅིའི་ཕྱིར་ཞེ་ན། ཕྱི་མོ་ནས་སྐྱེ་བ་མཞིའོ།། མ་ཞིམ་སྐྱེས་ན་མི་སྐྱེ་མི་ཞི་སྟེ་ཆོས་སོ་ཅོག་ཀྱང་དེ་བཞིན་ནོ།། གྲོར་ཐར་བྱང་ཆུབ་སེམས་དཔས་ཡང་སངས་རྒྱས་ལ་གསོལ་པ། བཙུན་པ་སེམས་ཅན
129b6 ལ་ལས་ཆོས་སྐྱེ་བར་མཐོང་བའི་ཚེ་མཐོང་བ་གང་ཞི་བར་བགྱིད། སངས་རྒྱས་ཀྱིས་བཀའ་སྩལ་པ། བཙུན་པ་བྱང་ཆུབ་སེམས་དཔའ་ལ་ལས་ཆོས་སྐྱེ་བར་མཐོང་བ་ཡང་ཞི་བར་བྱའོ།། ཆོས་ཞི་བར་བྱ་བ་མཐོང་བ་ཡང་ཞི་བར་བྱའོ།།
129b7 མཐོང་བཞི་ན་མེད་པ་ཡང་དག་པའི་ཆོས་ཐོབ་སྟེ། མི་འགྱུར་བའི་ངོ་བོ་ཉིད་དུ་ཞུགས་ནས་མི་འགྱུར་བ་ལ་སྐྱེ་བ་མེད་དོ།། གྲོལ་ཐར་བྱང་ཆུབ་སེམས་དཔས་སངས་རྒྱས་ལ་གསོལ་པ། བཙུན་པ་སེམས་ཅན་དེ་དག་གར་སྐྱེ་བ་མ་མཆིས
129b8 པ་ལ་གནས་པར་བགྱིས་ན་དེ་དེའི་སྐྱེ་བ་མ་མཆིས་པ་ལགས་སམ། སངས་རྒྱས་ཀྱིས་བཀའ་སྩལ་པ། སྐྱེ་བ་མེད་པ་གནས་པ་ཉིད་ནི་སྐྱེ་བ་མ་ཡིན་ནོ།། དེ་ཅིའི་ཕྱིར་ཞེ་ན། གནས་པ་ཡང་མེད་སྐྱེ་བ་ཡང་མེད་ན་གདོད་སྐྱེ་བ་མེད་པ་ཡིན
iiif viewer powered by OpenSeadragon
