| e-texts navigator |
| Wylie |
129a1 རྒྱས་བྱམས་པའི་ཐུགས་རྗེས་སེམས་ཅན་ཕྱི་མའི་སླད་དུ་མི་འགྱུར་བ་ཡང་དག་པའི་བདེན་པའི་ཆོས་ཀྱི་རོ་གཅིག་པ་བཤད་དེ་སེམས་ཅན་དེ་དག་ལ་སོགས་པ་འཐུན་པར་ཀྲོལ་ཐར་པར་བགྱིར་སྨོན་ཏོ། ། སངས
129a2 རྒྱས་ཀྱིས་གསུངས་པ། སྐྱེས་བུ་དགེ་བ་ཁྱོད་ང་ལ་འཇིག་རྟེན་ནས་འབྱུང་བའི་རྒྱུ་འདི་འདྲ་བ་མཁས་ཏེ། སེམས་ཅན་ལ་བསྟན་ལ་སེམས་ཅན་དེ་དག་འཇིག་རྟེན་ལས་བྱུང་བའི་འབྲས་བུ་ཐོབ་པར་བྱ་བ་ནི་དོན་ཆེན་པོ་གཅིག་ཡིན
129a3 ཏེ་བསམ་གྱིས་མི་ཁྱབ་བོ། ། བྱམས་པ་ཆེན་པོ་སྤྱད། སྙིང་རྗེ་ཆེན་པོ་སྤྱད་པའི་ཕྱིར་ངས་མ་བཤད་ན་སེར་སྣ་དང་བརྐམ་པའི་ནང་དུ་ལྷུང་ངོ་།། ཁྱེད་ལ་སོགས་པ་སེམས་གཅིག་དུ་བརྟོགས་པར་ཉོན་ཅིག་དང་ཁྱོད་ལ་དགྲོལ་ཞིང་བཤད
129a4 རོ། ། སྐྱེས་བུ་དགེ་བ་སེམས་ཅན་ལ་སྟོན་སློབ་པ་སྟོན་པའི་སེམས་སྐྱེ་བ་ཡང་མེད། མི་སྟོན་པའི་སེམས་སྐྱེ་བ་ཡང་མེད་ན་དེ་ནི་སྟོན་པ་ཆེན་པོ་ཞེས་བྱ་སྟེ། དེ་ནི་སེམས་ཅན་ཀུན་རའི་སེམས་དང་བྲལ་བའོ།། ངའི་སེམས་ཐམས་ཅད་ཕྱི་མ
129a5 ནམ་སྟོང་པ་མི་གཡོ་བ་སྟེ། སྟོང་པའི་སེམས་ཐོབ་ནས་སེམས་སྒྱུ་མར་སྤྲུལ་པ་མེད་དོ།། སྒྱུ་མ་ཡང་མེད་དོ།། སྤྲུལ་པ་ཡང་མེད་ན་གདོད་སྐྱེ་བ་མེད་པ་འཐོབ་པོ།། སྐྱེ་བ་མེད་པའི་སེམས་ནི་སྤྲུལ་པ་གནས་སོ།། གྲོལ་ཐར་བྱང་ཆུབ
129a6 སེམས་དཔས་སངས་རྒྱས་ལ་གསོལ་པ། བཙུན་པ་སེམས་ཅན་གྱི་སེམས་ཀྱི་ངོ་བོ་ཉིད་ཕྱི་མོ་ནས་སྟོང་ཞིང་མི་གཡོའོ།། སྟོང་ཞིང་མི་གཡོ་བའི་སེམས་ནི་ཡིད་ལ་གཟུགས་དང་མཚན་མ་མཆིས་ན། ཇི་ལྟར་སྤྱད་སྦྱངས་ན་ཕྱི་མོའི
129a7 སེམས་སྟོང་པ་ཐོབ་པར་རུང་བ་སངས་རྒྱས་ཀྱི་བྱམས་པའི་ཐུགས་དང་བདག་ལ་དཀྲོལ་ཞིང་བཤད་པར་བསྟན་ཏོ། ། སངས་རྒྱས་ཀྱིས་གསུངས་པ། བྱང་ཆུབ་སེམས་དཔའ་སེམས་སོ་ཅོག་གི་མཚན་མ་ནི་ཕྱི་མོ་ནས་ཕྱི་མ་མེད་དོ།།
129a8 ཕྱི་མོ་ནས་ཕྱི་མའི་གནས་མེད་དེ་སྟོང་ཞིང་མི་གཡོ་ལ་སྐྱེ་བ་མེད་དོ།། སེམས་ལ་སྐྱེ་བ་མེད་ན་གདོད་སྟོང་པ་མི་གཡོ་བར་ཞུགས་པའོ།། སྟོང་པ་མི་གཡོ་བའི་སེམས་ཀྱིས་ནས་སྐྱེས་བུ་མེད་བཞིན་སེམས་སྟོང་པ་ཐོབ་པོ།།
iiif viewer powered by OpenSeadragon
