| e-texts navigator |
| Wylie |
159a1 རྒྱ་གར་སྐད་དུ། ཨཱརྱ་ཨ་ཏ་ཛྙཱ་ན་ནཱ་མ་མ་ཧཱ་ཡཱ་ན་སུ་ཏྲ།། བོད་སྐད་དུ། འཕགས་པ་འདའ་ཁ་ཡེ་ཤེས་ཞེས་བྱ་བ་ཐེག་པ་ཆེན་པོའི་མདོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།།
159a2 འདི་སྐད་བདག་གིས་ཐོས་པ་དུས་གཅིག་ནི། བཅོམ་ལྡན་འདས་འག་མིན་ལྷའི་རྒྱལ་པོའི་ཁང་བཟངས་ན་བཞུགས་ཏེ་འཁོར་ཐམས་ཅད་ལ་ཆོས་སྟོན་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས
159a3 བཅོམ་ལྡན་འདས་ལ་ཕྱག་འཚལ་ནས་འདི་སྐད་ཅེས་གསོལ་ཏོ། ། བཅོམ་ལྡན་འདས་བྱང་ཆུབ་སེམས་དཔའ་ནམ་མཆི་ཁ་མའི་སེམས་ཇི་ལྟར་བལྟ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ནམ་མཁའི་སྙིང་པོ་བྱང་ཆུབ
159a4 སེམས་དཔའ་ནམ་མཆི་བའི་དུས་ཀྱི་ཚེ་འདལ་ལ་ཡེ་ཤེས་བསྒོམ་པར་བྱའོ། ། དེ་ལ་འདའ་ལ་ཡེ་ཤེས་ནི་ཆོས་ཐམས་ཅད་རང་བཞིན་གྱིས་རྣམ་པར་དག་པས་ན་དངོས་པོ་མེད་པའི་འདུ་ཤེས་རབ་ཏུ་བསྒོམ་པར་བྱའོ།། ཆོས་ཐམས་ཅད་བྱས
159a5 ཆུབ་ཀྱི་སེམས་སུ་འདུས་པས་ན་སྙིང་རྗེ་ཆེན་པོའི་འདུ་ཤེས་རབ་ཏུ་བསྒོམ་པར་བྱའོ། ། ཆོས་ཐམས་ཅད་རང་བཞིན་གྱིས་བོད་གསལ་བས་ན་མི་དམིགས་པའི་འདུ་ཤེས་རབ་ཏུ་བསྒོམ་པར་བྱའོ།། དངོས་པོ་ཐམས་ཅད་མི་རྟག
159a6 པས་ན་ཅི་ལ་ཡང་མི་ཆགས་པའི་འདུ་ཤེས་རབ་ཏུ་བསྒོམ་པར་བྱའོ། ། སེམས་རྟོགས་ན་ཡེ་ཤེས་ཡིན་པས་སངས་རྒྱས་གཞན་དུ་མི་བཙལ་བའི་འདུ་ཤེས་རབ་ཏུ་བསྒོམ་པར་བྱའོ།། བཅོམ་ལྡན་འདས་ཀྱིས་ཚིགས་སུ་བཅད
159a7 དེ་བཀའ་སྩལ་པ། ཆོས་རྣམས་རང་བཞིན་རྣམ་དག་པས།། དངོས་པོ་མེད་པའི་འདུ་ཤེས་སྒོམ།། བྱང་ཆུབ་སེམས་དང་རབ་ལྡན་པས།། སྙིང་རྗེ་ཆེན་པོའི་འདུ་ཤེས་བསྒོམ།། ཆོས་རྣམས་རང་བཞིན་འོད་གསལ་བས། དམིགས་པ
159a8 མེད་པའི་འདུ་ཤེས་བསྒོམ། ། དངོས་པོ་ཐམས་ཅད་མི་རྟག་པས།། ཆགས་པ་མེད་པའི་འདུ་ཤེས་བསྒོམ།། སེམས་ནི་ཡེ་ཤེས་འབྱུང་བའི་རྒྱུ།། སངས་རྒྱས་གཞན་དུ་མ་ཚོལ་ཅིག། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ
iiif viewer powered by OpenSeadragon
