| e-texts navigator |
| Wylie |
311b1 ལཟུང་ཤིག་དང་ངས་ཁྱོད་ལ་བཤད་དོ། ། བླ་གྲོས་ཆེན་པོས་བཅོམ་ལྡན་འདས་ལ་གསལ་པ།། དེ་བཞིན་དུ་འཚལ་ལོ་ཞེས་བཀའ་མཉན་པ་དང་། བཅོམ་ལྡན་འདས་ཀྱིས་བཀའ་སྩལ་པ། བླ་གྲས་ཆེན་པོརྒྷ་ཎྜན
311b2 ཚད་མེད་པའི་ཕྱིར་ཤ་རྣམས་བཟའ་བར་མི་བྱ་སྟེ། འོན་ཀྱང་འདིར་ཁྱོད་ལ་མདོ་ཙམ་ཞིག་བཤད་པར་བྱའོ།། འདི་ལྟ་སྟེ། སྲོག་ཆགས་རྣམས་ནི་ཡུན་རིང་པོ་ནས་ཕན་ཚུན་གྱི་རྒྱུ་རྐྱེན་གྱིས་རྟག་པར་གཉེན་དུ་གྱུར་ཏེ།
311b3 འདི་ལྟར་གཉེན་དུ་གྱུར་པའི་འདུ་ཤེས་ཀྱི་ཕྱིར་ཤ་རྣམས་བཟའ་བར་མི་བྱའོ།། བོང་བུ་དང་། དྲེའུ་དང་། རྔ་མོ་དང་། ཝ་དང་། ཁྱི་དང་། གླང་དང་། རྟ་དང་། མི་དང་། གཅན་ཟན་གྱི་ཤ་ལ་སོགས་པ་ནི་ཤན་པ་དག་འདྲེས་པར་འཚ
311b4 བར་བྱེད་པས་དེའི་ཕྱིར་ཤ། བཟའ་བར་མི་བྱའོ།། ཤ་ནི་ཁུ་ཆུ་དང་ཁྲག་ལས་བྱུང་བའི་ཕྱིར་ཤ་བཟའ་བར་མི་བྱའོ།། སེམས་ཅན་གྱིས་དེའི་དྲི་ཚོར་ན། ཡང་ཐམས་ཅད་འཇིགས་ཤིང་སྐྲག་པར་འགྱུར་ཏེ། ཤན་པ་དང་། གདོལ
311b5 པ་ལ་སོགས་པ་བཞིན་དུ་ཁྱི་རྣམས་ཀྱིས་མཐོང་ན་ཡང་དེ་ལ་སྡང་ཞིང་འཇིགས་པས་ཁྱིས་ཟུགས་པའི་ཕྱིར་ཤ་བཟའ་བར་མི་བྱའོ། ། གཞན་ཡང་རྣལ་འབྱོར་པ་རྣམས་ཀྱི་བྱམས་པའི་སེམས་སྐྱེ་བར་མི་བྱེད་པའི་ཕྱིར།
311b6 ཤ་བཟའ་བར་མི་རིགས་སོ།། འཕགས་པ་མ་ཡིན་པའི་སྐྱེ་བོ་དག་བརྐམ་ཞིམ་དྲི་མི་ཞིམ་པར་འགྱུར་ལ་སྙན་པའི་གྲགས་པ་མེད་པའི་ཕྱིར་ཤ་བཟའ་བར་མི་བྱའོ།། རིགས་བསྔགས་རྣམས་སྒྲུབ་པ་འགྲུབ་པར་མི་འགྱུར
311b7 བའི་ཕྱིར་ཤ་བཟའ་བར་མི་བྱའོ། ། འདི་ལྟར་སྲོག་གཅོད་པ་ནི་གཟུགས་མཐོང་མ་ཐག་ཏུ་མངོན་པར་ཆགས་པའི་སེམས་སྐྱེད་པར་བྱེད་པའི་ཕྱིར་ཤ་མི་ཟའོ།། གང་ཤ་ཟ་བ་དེ་དག་ལ་ནི་ལྷ་རྣམས་ཀྱི་སྤང་བར་བྱེད་པའི
311b8 ཕྱིར་ཤ་བཟའ་བར་མི་བྱའོ། ། ཁའི་དྲི་མི་ཞིམ་པར་འགྱུར་བའི་ཕྱིར་ཡང་ཤ་བཟའ་བར་མི་བྱའོ།། རྨི་ལམ་ངན་པ་མང་བའི་ཕྱིར་ཤ་བཟའ་བར་མི་བྱའོ།། དགོན་པའི་གནས་ནགས་ཚལ་དག་ན་གནས
iiif viewer powered by OpenSeadragon
