| e-texts navigator |
| Wylie |
310b1 ཀྱང་མ་ཡིན། སངས་རྒྱས་ལས་གཞན་པ་ཡང་མ་ཡིན་ཏེ། དཔེར་ན་རྫ་མཁན་གྱི་འཁོར་ལོ་ལ་སོགས་པའི་རྒྱུ་ལྟ་བུར་སེམས་ཅན་གྱི་བྱ་བ་བྱེད་ཅིང་མཚན་རྣམས་དང་ལྡན་པས་ཆོས་སྤྱོད་ཀྱང་རང་གི་ཚུལ་གྱི་གནས་སོ
310b2 རང་གིས་རིག་པའི་སྤྱོད་ཡུལ་བཤད་པ་ནི་མ་ཡིན་ནོ། ། གཞན་ཡང་བློ་གྲོས་ཆེན་པོ་བྱིས་པ་སོ་སོའི་སྐྱེ་བོ་རྣམས་རྣམ་པར་ཤེས་པའི་ཚོགས་བདུན་འགགས་པའི་ཕྱིར་ན་ཆད་པར་ལྟ་བ་སྐྱེད་དོ།། ཀུན་གཞི་རྣམ་པར་ཤེས་པ་མ
310b3 རྟོགས་པའི་ཕྱིར་ནི་རྟག་པར་ལྟ་བ་སྐྱེད་དོ། ། བདག་ཉིད་རྣམ་པར་རྟོག་པའི་ཕྱིར་ནི་ཐོག་མའི་མཐའ་མི་ཤེས་སོ།། རང་གི་རྣམ་པར་རྟོག་པའི་བློ་འགགས་པའི་ཕྱིར་ནི་རྣམ་པར་གྲོལ་བར་འགྱུར་རོ།། གནས་པའི་ས་གཞི་དང་།
310b4 མ་རིག་པ་གནས་ཀྱི་སའི་བག་ཆགས་སྤངས་པའི་ཕྱིར་ཉེས་པ་ཐམས་ཅད་སྤངས་པ་ཡིན་ནོ།། དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་དག་པར་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ།། ཐེག་པ
310b5 གསུམ་ནི་ཐེག་མ་ཡིན། ། དེ་བཞིན་གཤེགས་པ་ཟད་མི་འགྱུར།། ཐམས་ཅད་སངས་རྒྱས་ལུང་བསྟན་ཅིང་།། ཉེས་པ་རྣམས་དང་བྲལ་བར་བཤད།། མངོན་རྟོགས་ཡེ་ཤེས་ཐོབ་བྱ་དང་།། ལྷག་མེད་མྱ་ངན་པ་རད་ར་བ་དང
310b6 ཞུམ་པ་རྣམས་ཀྱང་སྤྲོ་བྱའི་ཕྱིར། ། དེའི་ཕྱིར་དགོངས་ཏེ་བཤད་པ་ཡིན།། སངས་རྒྱས་སྐྱེད་པའི་ཡེ་ཤེས་དག། དེ་ཉིད་རྣམས་འབྱེད་ལམ་དུ་བཤད།། ཐེག་པ་རྣམས་ནི་ཐེག་མ་ཡིན།། དེ་ནི་མྱ་ངན་འདའ་བ་མིན།། འདོད་གཟུགས
310b7 སྲིད་དང་ལྟ་བ་རྣམས། ། གནས་བཞིའི་སར་ནི་བཤད་པ་ཡིན།། ཡིད་ཀྱི་རྣམ་པར་ཤེས་ལས་འབྱུང་།། རྣམ་ཤེས་ཁྱིམ་ཏུ་ཡིད་ནི་གནས།། ཡིད་དང་མིག་སྩོགས་རྣམ་པར་ཤེས།། འགག་པ་ལ་ནི་མི་རྟག་བཤད།། ཡང་ན་བྱེད་ན
310b8 འདས་པར་ལྟ། ། རྟག་པར་གནས་པ་ཉིད་དུ་འདང།། དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་ཚིགས་སུ་བཅད་པས་ཞུ་བཞུས་པ།། བྱང་ཆུབ་སེམས་དཔའ་མ་སོགས་པ།། ཐ་ལར་བྱང་ཆུབ་ཚོར་བདག། ཤ་དང་ཐ་དང་ནག
iiif viewer powered by OpenSeadragon
