| e-texts navigator |
| Wylie |
304b1 བྱས་སོ། ། གང་དེའི་རྗེས་སུ་ཞུགས་ནས་ཡང་དག་པར་རྟོགས་ཤིང་ཆད་པ་དང་། རྟག་པ་མེད་པ། རྣམ་པར་རྟོག་པ་མི་འབྱུང་བ། སོ་སོ་རང་གིས་རིག་པ། འཕགས་པའི་ཡེ་ཤེས་ཀྱི་ཚུལ་དང་རྗེས་སུ་འཐུན་པ། མུ་སྟེགས་ཅན
304b2 དང་། ཉན་ཐོས་དང་། རང་སངས་རྒྱས་ཐམས་ཅད་ཀྱིས་མི་དམིགས་པའི་མཚན་ཉིད་དེ་ནི་ཡང་དག་པའི་ཡེ་ཤེས་ཤེས་བྱའོ།། བློ་གྲོས་ཆེན་པོ་དེ་དག་ནི་ཆོས་ལྔ་ཞེས་བྱ་སྟེ། རང་བཞིན་རྣམ་པ་གསུམ་དང་། རྣམ་པར་ཤེས་པ་བརྒྱད་དང
304b3 བདག་མེད་པ་གཉིས་དང་། སངས་རྒྱས་ཀྱི་ཆོས་ཐམས་ཅད་ཀྱང་དེར་འདུས་ཏེ། དེ་ལྟ་བས་ན་བློ་གྲོས་ཆེན་པོ་དེ་ལ་བདག་ཉིད་ཀྱིས་ནན་ཏན་དུ་བསླབ་པར་བྱ་ཞིང་གཞན་ལ་ཡང་བསླབ་པར་བྱ་སྟེ། གཞན་གྱི་རྗེས་སུ་འབྲང་བར་མི
304b4 བྱའོ། ། དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ།། ཆོས་ལྔ་དང་ནི་རང་བཞིན་གསུམ།། རྣམ་ཤེས་བརྒྱད་པོ་ཉིད་དག་དང་།། བདག་མེད་དོན་ནི་རྣམ་གཉིས་པོར།། ཐེག
304b5 ཆེན་ཐམས་ཅད་བསྡུས་པ་ཡིན། ། མིང་དང་རྒྱུ་མཚན་རྣམ་པར་རྟོག། རང་བཞིན་གཉིས་ཀྱི་མཚན་ཉིད་དེ།། ཡང་དག་ཡེ་ཤེས་དེ་བཞིན་ཉིད་ཡོངས་སུ་གྲུབ་པའི་མཚན་ཉིད་དེ།། དེ་ནས་བྱང་ཆུབ་སེམས་དཔའ་བློ་གྲོས་ཆེན
304b6 ཡང་བཅོམ་ལྡན་འདས་ལ་འད་སྐད་ཅེས་གསོ་ཏོ། ། ལྟར་བཅོམ་ལྡན་འདས་ཀྱིས་གསུངས་པ་ལྟར་ན་འདས་པའི་སངས་རྒྱས་རྣམས་ན་གང་གཱབ་ཀཱང་གི་བྱེ་མ་སྙེད་པ། མའོངས་པ་དག། དི་ལྟར་གྱི་ཡང་དེ་བཞིན་ནོ།། 6
304b7 བཀའ་སྩལ་ན། བཅོམ་ལྡན་འདས་འདི་ལ་སྣ་དེ་བཞིན་དུ་དོན་གཟུང་བར་བགྱི་འམ། འོན་ཏེ་དོན་གཞན་ཞིག་མཆིས་ལགས། བཅོམ་ལྡན་འདས་ཐུགས་བརྩེ་བར་དགོངས་ཏེ་བཤད་དུ་གསོལ། བཅོམ་ལྡན་འདས་ཀྱིས
304b8 བཀའ་རྩུབ་པ་བློ་གྲོས་ཆེན་པོ་སྒྲ་ཇི་གཞན་དུ་དོན་གཟུང་བར་མི་བྱ་སྟེ། དུས་གསུམ་གྱི་དེ་བཞིན་གཤེགས་པ་རྣམས་ནི་ཡང་དག་པར་གང་གཱའི་ཀླུང་གི་བྱེ་མ་སྙེད་དུ་མ་ཡིན་ནོ།། དེ་ཅིའི་ཕྱིར་ཞེ་ན། འཇིག་རྟེན་པའི
iiif viewer powered by OpenSeadragon
