| e-texts navigator |
| Wylie |
300b1 ཀྱིས་བློ་གྲོས་ཆེན་པོ་ལ་འདི་སྐད་ཅེས་བཀའ་སྩལ་ཏོ། ། དེ་བཞིན་གཤེགས་པའི་སྙིང་པོ་དགེ་བ་དང་མི་དགེ་བའི་རྒྱུར་གྱུར་པ་ནི་འགྲོ་བའི་སྐྱེ་བ་ཐམས་ཅད་དུ་ཁྱབ་པར་བྱེད་པས་གར་མཁན་བཞིན་དུ་འགྲོ་བ་རྣམས་རྣམ་པར
300b2 འགྱུར་བ་སྟོན་པར་བྱེད་པ། བདག་དང་བདག་གི་སྤངས་པ་དེ་ཁོང་དུ་མ་ཆུད་པའི་ཕྱིར་གསུམ་འདུས་པའི་རྐྱེན་གྱི་སྦྱོར་བ་ལས་སྐྱེ་བ་དང་། མུ་སྟེགས་ཅན་རྣམས་ཀྱིས་ཁོང་དུ་མ་ཆུད་པས་བྱེད་པ་པོར་མངོན་པར་ཞེན་ཏོ།། །
300b3 ཐོག་མ་མེད་པའི་དུས་ནས་རྣམ་པར་སྤྲོས་པའི་གནས་ངན་ལེན་གྱི་བག་ཆགས་ཀྱིས་ཡོངས་སུ་སྒོས་པ་ནི་ཀུན་གཞི། རྣམ་པར་ཤེས་པ་ཞེས་བྱ་སྟེ། མ་རིག་པ་གནས་པའི་ས་རྣམ་པར་ཤེས་པ་བདུན་དང་ལྷན་ཅིག་བསྐྱེད་པ
300b4 རྒྱ་མཚོའི་རླབས་བཞིན་དུ་ལུས་རྟག་ཏུ་སྐྱེད་ཅིང་རྒྱུན་མི་འཆད་པ། རྟག་པ་དང་མི་རྟག་པའི་ཉེས་པ་དང་བྲལ་བ། བདག་ཏུ་སྨྲ་བ་ཡོངས་སུ་སྤངས་པ། རང་བཞིན་གྱིས་དྲི་མ་མེད་པ། མཐར་ཡོངས་སུ་དག་པའོ།། དེ་མ་ཡིན
300b5 པའི་རྣམ་པར་ཤེས་པ་རྣམས་ནི་སྐྱེ་བ་དང་། འཇིག་པ་ཡོད་པ་སྟེ། ཡིད་དང་། ཡིད་ཀྱི་རྣམ་པར་ཤེས་པ་ལ་སོགས་པའི་སྐད་ཅིག་བདུན་དང་བཅས་པ་ཡང་དག་པ་མ་ཡིན་པ་ཡོངས་སུ་རྟོག་པའི་རྒྱུས་ཡུལ་རྣམས་ཀྱིས་བྱབས
300b6 དང་གནས་སྣ་ཚོགས་ལེན་པ། མིང་དང་རྒྱུ་མཚན་ལ་མངོན་པར་ཞེན་པ་རང་གི་སེམས་སྣང་བའི་གཟུགས་ཀྱི་མཚན་ཉིད་ཁོང་དུ་མ་ཆུད་པ། སྡུག་བསྔལ་དང་བདེ་བ་མ་རྟོགས་པས་རྣམ་པར་གྲོལ་བའི་གནས་སུ་ཕྱིན་པར་མི
300b7 འགྱུར་བ། མིང་དང་། རྒྱུ་མཚན་གྱི་ཀུན་ནས་དཀྲིས་པའི་འདོད་ཆགས་སྐྱེ་ལ་འདོད་ཆགས་སྐྱེས་ནས་རྒྱུ་དང་དམིགས་པར་བྱེད་དེ།། ཚོར་བའི་དབང་པོ་དེ་དག་འགགས་ན་རིམ་གྱི་མི་སྐྱེའོ་ཞེས་གཞན་དུ་རང་གི་སེམས
300b8 ཀྱི་རྣམ་པར་རྟོག་པས་སྡུག་བསྔལ་དང་། བདེ་བ་མ་ཤེས་པས་ཚོར་བ་དང་། འདུ་ཤེས་འགོག་པའི་སྙོམས་པར་འཇུག་པ་ལ་སྙོམས་པར་ཞུགས་ནས་བསམ་གཏན་བཞི་པ་ཐོབ་པ། ཡང་དག་པའི་བདེན་པ་དང་། རྣམ་པར
iiif viewer powered by OpenSeadragon
