| e-texts navigator |
| Wylie |
299a1 དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་རྟག་པ
299a2 བ་གམ། འོན་ཏེ་མི་རྟག་པ་ཞིག་ལགས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་རྟག་པ་ཡང་མ་ཡིན།། པི་རྟག་པ་ཡང
299a3 པ་ཡིན་ཏེ། འདི་ལྟར་གཉི་ག་ཡང་ཉེས་པ་ཡོད་པའི་ཕྱིར་རོ།། གལ་ཏེ་རྟག་པར་གྱུ་ར་ན་ནི་བྱེད་པའི་བདག་པོ་ཡོད་པའི་ཉེས་པར་འགྱུར་རོ།། མུ་སྟེགས་ཅན་དག་རྟག་པ་ནི་བྱེད་པ་པོས་བྱས་པ་མ་ཡིན་པའོ་ཞེས་ཟེར་ཏེ། དེ་བས་ན
299a4 དེ་བཞིན་གཤེགས་པ་ནི་རྟག་ཀྱང་རྟག་པ་མ་ཡིན་ཏེ། བྱས་པ་མ་ཡིན་པ་རྟག་པའི་ཉེས་པར་འགྱུར་བའི་ཕྱིར་རོ།། ཅི་སྟེ་དེ་བཞིན་གཤེགས་པ་མི་རྟག་པ་ཡིན་ན་ནི་བྱས་པ་ཡོད་པའི་རྟག་པའི་ཉེས་པར་འགྱུར་ཏེ། ཕུང་པོའི་མཚན་ཉིད
299a5 དང་། མཚན་ཉིད་ཀྱི་གཞིའི་དངོས་པོ་མེད་པས་ཕུང་པོ་ཞིག་པ་ལྟར་ཆད་པར་འགྱུར་བའི་རིགས་ན།། དེ་བཞིན་གཤེགས་པ་ནི་ཆད་པར་མི་འགྱུར་རོ།། བློ་གྲོས་ཆེན་པོ་བྱས་པ་ཐམས་ཅད་མི་རྟག་ན་ནི་བུམ་པ་དང་། སྣམ་བུ་ལ་སོགས
299a6 པ་བཞིན་དུ་ཐམས་ཅད་ཀྱང་མི་རྟག་པའི་ཉེས་པར་འགྱུར་བས། ཐམས་ཅད་མཁྱེན་པའི་ཚོགས་དང་། སྦྱོར་བ་རྣམས་དོན་མེད་པར་འགྱུར་ཏེ། འདི་ལྟར་བྱས་པའི་ཕྱིར་རོ།། བྱས་པ་ཐམས་ཅད་ཀྱང་དེ་བཞིན་གཤེགས་པ་ཡིན
299a7 པར་འགྱུར་ཏེ། བྱེ་བྲག་གི་རྒྱུའི་དངོས་པོ་མེད་པའི་ཕྱིར་རོ།། དེ་ལྟ་བས་ན་དེ་བཞིན་གཤེགས་པ་ནི་རྟག་པ་ཡང་མ་ཡིན་མི་རྟག་པ་ཡང་མ་ཡིན་ནོ།། གཞན་ཡང་བློ་གྲོས་ཆེན་པོ་དེ་བཞིན་གཤེགས་པ་ནི་ནམ་མཁའ་ལྟར་རྟག་པ་མ་ཡིན་ཏེ། ནམ་མ།
299a8 ལྟར་རྟག་པ་ཡིན་ན་ནེ་སོ་སོ་རང་གིས་རིག་པོ་འཕགས་པའི་ཡེ་ཤེས་ཀྱི་ཚོགས་རྣམས་དོན་མེད་པའི་ཉེས་པར་འགྱུར་རོ།། བློ་གྲོས་ཆེན་པོ་དཔེར་ན་ནམ་མཁའ་ནི་རྟག་པ་ཡང་མ་ཡིན་མི་རྟག་པ་ཡང་པ་ཡིན་ཞིང་། རྟག་པ
iiif viewer powered by OpenSeadragon
