| e-texts navigator |
| Wylie |
298b1 པོ་ནས་བརྩལ་བས་ས་བདུན་དུ་འཕོ་བ་དང་། ཆོས་ཐམས་ཅད་སྒྱུ་མ་ལ་སོགས་པ་དང་། མཚུངས་པར་མཐོང་བའི་སྦྱོར་བས་གཟུང་བ་དང་། འཛིན་པའི་སེམས་རྣམ་པར་རྟོག་པའི་སྤྱོད་པ་ལས་བཟླས་ཏེ། སངས་རྒྱས་ཀྱི་ཆོས
298b2 ཀྱི་སྦྱོར་བ་བྱས་ནས་ད་དུང་མ་ཐོབ་པ་ནི་ཐོབ་པར་བྱེད་དོ། ། བློ་གྲོས་ཆེན་པོ་འདི་ནི་བྱང་ཆུབ་སེམས་དཔའ་རྣམས་ཀྱི་མྱ་ངན་ལས་འདས་པའི་སྦྱོར་བ་རྣམ་པར་མི་འཇིག་པ་ཡིན་ཏེ། སེམས་དང་། ཡིད་དང་། ཡིད་ཀྱི་རྣམ་པར་ཤེས་པ་ཡོངས
298b3 སུ་སྤངས་ནས་མེ་སྐྱེ་བའི་ཆོས་ལ་བཟོད་པ་འཐོབ་པར་འགྱུར་བའོ། ། བློ་གྲོས་ཆེན་པོ་དོན་དམ་པ་ལ་ནི་གོ་རིམས་དང་མཚམས་སྦྱར་བ་མེད་དོ།། སྣང་བ་མེད་པ་རྣམ་པར་རྟོག་པ་ལས་དབེན་པའི་ཆོས་བསྟན་པའོ།། དེ་ནས་བཅོམ་ལྡན
298b4 འདས་ཀྱིས་དོན་དོ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། ། སེམས་ཙམ་དང་ནི་སྣང་མེད་དང་།། གནས་འདི་དང་ནི་སངས་རྒྱས་ས།། འདས་དང་མ་འོངས་ད་ལྟར་གྱི།། དུས་གསུམ་སངས་རྒྱས་རྣམས་ཀྱིས
298b5 བཤད། ། སེམས་ཙམས་ནི་བདུན་པ་ཡིན།། སྣང་བ་མེད་ནི་ས་བརྒྱད་པ།། ས་གཉིས་དག་ནི་གནས་ཤེས་བྱ།། སངས་རྒྱས་ས་ནི་མཆོག་ཡིན་ནོ།། རང་རིག་ཡེ་ཤེས་རྣམ་པར་དག། དེ་ནི་ང་ཡིས་ཡིན་ནོ།། དབང་ཕྱུག་དང་ནི་མཆོག་གི
298b6 གནས། ། རྣམ་པར་རྟག་ཅིང་རབ་བཀོད་པ།། གསལ་བྱེད་འབར་བའི་མེ་ལྟ་བུར།། འོད་ཟེར་ཀུན་དུ་ཁྱབ་པར་སྣང་།། འོད་ཟེར་འབར་བས་མིག་མི་ཉམས།། སྲིད་གསུམ་ཀུན་དུ་འདུལ་བར་བྱེད།། སྤྲུལ་པས་སྲིད་གསུམ་གནས་པར་སྟོན།།
298b7 ཁ་ཅིག་སྔ་ནས་སྤྲུལ་པ་སྟེ།། དེར་ནི་ཐེག་པ་རྣམས་སྟོན་པ།། ཐམས་ཅད་དེ་བཞིན་གཤེགས་ཀྱིས།། ས་བཅུ་དེ་ནི་དང་པོ་ཡིན།། དང་པོ་པ་ནི་བརྒྱད་པ་ཡིན།། དགུ་པ་ཡང་ནི་བདུན་པ་སྟེ།། བདུན་པ་དེ་ཡང་བཤད་པ་ཡིན།། ས
298b8 འདི་ནི་གསུམ་པ་ཡིན། ། བཞི་ཙ་ཡང་ནི་ལྔ་པ་ཡིན།། གསུམ་པ་ཡང་ནི་དྲུག་ཡིན་ཏེ།། སྣང་བ་མེད་པའིརིམ་ཅི་ཡོད།། །། འཕགས་པ་ལང་ཀར་གཤེགས་པ་རིན་པོ་ཆེའི་མདོ་ལས།། ། བམ་པོ་བརྒྱད་པ་སྟེ་ཐ་མའོ།།
iiif viewer powered by OpenSeadragon
