| e-texts navigator |
| Wylie |
298a1 མཁས་པས་རང་དང་སྤྱིའི་མཚན་ཉིད་དུ་ལྒང་བ། བག་ཆགས་ཀྱིས་བསྒྲིབས་པ། གང་ཟག་དང་ཆོས་བདག་མེད་པར་ལྟུང་བ་ཆོས་སུ་འཛིན་པར་བལྟ་བ། རྣམ་པར་རྟོག་པས་མྱ་ངན་ལས་འདས་པར་རབ་ཏུ་ཤེས
298a2 པར་གྱུར་ཏེ། རབ་ཏུ་དབེན་པ་ལ་མོས་པའི་བློ་ནི་མ་ཡིན་ནོ།། བློ་གྲོས་ཆེན་པོ་བྱང་ཆུབ་སེམས་དཔའ་ནི་སྒོའི་བདེ་བ་མཐོང་ཡང་སྔོན་གྱི་སྨོན་ལམ་དང་། སྙིང་བརྩེ་བ་དང་སྙིང་རྗེ་ཆེན་པོ་དང་ལྡན་ཞིང་མཐར་ཐུག་པའི་གནས་བཅུ་རྣམ་པར
298a3 དབྱེ་བ་ཤེས་པས་རྣམ་པར་རྟོག་པས་མྱ་ངན་ལས་འདས་པར་འདུ་ཤེས་པར་མི་འགྱུར་ཏོ། དེ་ལྟར་མྱ་ངན་ལས་འདས་པའི་རྣམ་པར་རྟོག་པ་མི་སྐྱེ་བའི་ཕྱིར། གཟུང་བ་དང་། འཛིན་པའི་རྣམ་པར་རྟོག་པ་ཡོངས་སུ་སྤོང་ཞིང་ཆོས་ཐམས
298a4 ཅད་རང་གི་སེམས་སྣང་བ་ཙམ་དུ་ཁོང་དུ་ཆུད་པས་རྣམ་པར་རྟོག་པ་མི་སྐྱེ་སྟེ། སེམས་དང་། ཡིད་དང་། ཡིད་ཀྱི་རྣམ་པར་ཤེས་པ་དང་། ཕྱི་རོལ་གྱི་དངོས་པོའི་རང་གི་ངོ་བོའི་མཚན་ཉིད་ལ་མངོན་པར་ཞེན་པའི་རྣམ་པར་རྟོག་པར་ཡང
298a5 མི་ལྷུང་ལ། སངས་རྒྱས་ཀྱི་ཆོས་ཀྱི་རྒྱུ་མི་སྐྱེད་པ་ཡང་མ་ཡིན་ཏེ། ཡེ་ཤེས་ཀྱི་རྗེས་སུ་སྐྱེ་བས་དེ་བཞིན་གཤེགས་པའི་རང་གིས་རིག་པའི་ས་འཐོབ་པར་འགྱུར་ཏེ། ཇི་ལྟར་སྐྱེས་བུའི་རྨི་ལམ་ན་ཆུ་བོ་རྒལ་བར་རྩོམ་པ་ཕ་རོལ་ཏུ
298a6 མཁྱེན་པར་ས་དེ་ལ། སད་ནས་འདི་སྙམ་དུ་ཅི་འདི་ཡང་དག་པ་འམ། འོན་ཏེ་ཡང་དག་པ་མ་ཡིན་པ་ཞེས་རྟོག་པར་བྱེད་པ་དེ་ནི་ཡང་དག་པ་ཡང་མ་ཡིན། ལོག་པ་ཡང་མ་ཡིན་གྱི། གཞན་དུ་ན་ཐོག་མ་མེད་པའོ།། མཐོང
298a7 བ་དང་། ཐོས་པ་དང་། བྱེ་བྲག་བྱེད་པ་དང་། རྣམ་པར་རིག་པ་རྒྱུའི་འདུ་ཤེས་སྣ་ཚོགས་ཀྱི་བག་ཆགས་དང་། དབྱིབས་དང་། གནས་སྣ་ཚོགས་དང་། ཡོད་པ་དང་མེད་པའི་མཚན་ཉིད་དུ་ལྒང་བ་དང་། སེམས་དང་། ཡིད་དང་ཡིད་ཀྱི་རྣམ
298a8 པར་ཤེས་པའི་རྨིལ་མ་ལས་སྣང་ངོ་། ། བློ་གྲོས་ཆེན་པོ་དེ་བཞིན་དུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱང་བྱང་ཆུབ་སེམས་དཔའི་ས་བརྒྱད་པ་ལ་རྣམ་པར་རྟོག་པའི་མཚན་ཉིད་སྐྱེ་བར་མཐོང་དང། ས
iiif viewer powered by OpenSeadragon
