| e-texts navigator |
| Wylie |
295b1 གོ་ཞེས་ཟེར་ལ། བློ་གྲོས་ཆེན་པོ་མཐར་ཕྱིན་པ་ནི་རྡུལ་ཕྲ་མོ་ཕྲ་མོའི་བར་དུ་རབ་དུ་ཕྱེ་སྟེ་འཇིག་པ་ལས་སོ་སོར་བརྟགས་ན་འབྱུང་བ་ཆེན་པོ་བཞི་དང་། རྒྱུར་བྱས་པའི་གཟུགས་རྣམས་ཐ་དད་པར་མཐོང་བའི་དབྱིབས
295b2 དང་རིང་ཐུང་མི་དམིགས་ཏེ། འབྱུང་བ་ཆེན་པོ་བཞི་ནི་མ་ཡིན་པས་འབྱུང་བ་ཆེན་པོ་བཞི་མི་འཇིག་གི། དབྱིབས་རྣམ་པར་འཇིག་པར་ལྟ་བས་གྲངས་ཅན་གྱི་སྨྲ་བར་ལྟུང་བ་ཡིན་ནོ།། དེ་ལ་གཟུགས་ཉིད་མི་རྟག་པ་ཉིད
295b3 ཅེས་བྱ་བ་ནི་འདི་ལྟ་སྟེ། གཟུགས་ཉིད་མི་རྟག་པ་ཉིད་ཡིན་པས་དབྱིབས་དེ་དག་མི་རྟག་པ་ཉིད་དེ་འབྱུང་བ་ཆེན་པོ་རྣམས་ནི་མ་ཡིན་ནོ།། གལ་ཏེ་འབྱུང་བ་བཞི་པོ་རྣམས་མི་རྟག་པ་ཉིད་ཡིན་ན་ནི་འཇིག་རྟེན་གྱི་གྲངས
295b4 སུ་བརྗོད་པ་མ་ཡིན་ནོ། ། འཇིག་རྟེན་གྱི་བརྗོད་པའི་དངོས་པོ་མེད་ན་ནི་འཇིག་རྟེན་རྒྱང་ཕན་པའི་ལྟ་བར་ལྟུང་བར་འགྱུར་ཏེ། དངོས་པོ་ཐམས་ཅད་བརྗོད་པའི་ཚིག་ཙམ་དུ་མཐོང་ཞིང་རང་གི་མཚན་ཉིད་སྐྱེ་བར་མི་མཐོང
295b5 བའི་ཕྱིར་རོ། ། དེ་ལ་རྣམ་པར་འགྱུར་བའི་མི་རྟག་པ་ཞེས་བྱ་བ་ནི་འདི་ལྟར་གཟུགས་དངོས་པོ་གཞན་དུ་འགྱུར་བར་སྣང་བ་སྟེ། འབྱུང་བ་ཆེན་པོ་རྣམས་ནི་མ་ཡིན་ནོ།། ཇི་ལྟར་གསེར་ལས་རྒྱན་དུ་བྱས་པ་རྣམས་འགྱུར་བར
295b6 སྣང་ཡང་གསེར་གྱི་རང་བཞིན་འཇིག་པ་མ་ཡིན་གྱི། རྒྱན་གྱི་དབྱིབས་ལ་འཇིག་པ་ཡོད་པ་དེ་བཞིན་དུ་དངོས་པོ་གཞན་རྣམ་པར་འགྱུར་བ་ལ་སོགས་པ་ཡང་དེ་བཞིན་ནོ་ཞེས་དེ་ལ་སོགས་པའི་རྣམ་པས་མུ་སྟེགས
295b7 ཅན་རྣམས་མི་རྟག་པའི་ལྟ་བར་རྣམ་པར་རྟོག་གོ། འདི་ལྟར་མེས་འབྱུང་བ་ཆེན་པོ་རྣམས་སྲེག་པའི་ཚེ་རང་གི་མཚན་ཉིད་ལ་ནི་མི་སྲེག་གོ།། ཅི་སྟེ་སོ་སོ་ནས་རང་གི་མཚན་ཉིད་གཅིག་གིས་གཅིག་འཇིག་པར་བྱེད་ན་ནི
295b8 འབྱུང་བ་དག་རྒྱུར་བྱས་པའི་གཟུགས་རྣམས་ཆད་པར་འགྱུར་བའི་རིགས་སོ། ། བློ་གྲོས་ཆེན་པོ་དེའི་ཆོས་ནི་བྱུང་བ་ཉིད་ན་རྟག་པ་ཡང་མ་ཡིན། མི་རྟག་པ་ཡང་མ་ཡིན་ནོ།། དེ་ཅིའི་ཕྱིར་ཞེ་ན། འདི་ལྟ་སྟེ། ཕྱི་རོལ་གྱི་དངོས
iiif viewer powered by OpenSeadragon
