| e-texts navigator |
| Wylie |
295a1 ཐམས་ཅད་བྱེད་པའི་རྒྱུའི་མཚན་ཉིད་དུ་ལྷུང་ན་ནི་མི་རྟག་པ་བདག་ཉིད་མི་རྟག་པར་འགྱུར་རོ། ། མི་རྟག་པ་ཉིད་མི་རྟག་པའི་ཕྱིར་དངོས་པོ་ཐམས་ཅད་མི་རྟག་པར་མི་འགྱུར་ཏེ། རྟག་པ་ཉིད་དུ་འགྱུར་རོ།། གལ་ཏེ
295a2 མི་རྟག་པ་དངོས་པོ་ཐམས་ཅད་ཀྱི་ནང་དུ་སོང་བ་ཡིན་ན་ནི་དུས་གསུམ་དུ་ལྷུང་བར་འགྱུར་ཏེ། གང་འདས་པའི་གཟུགས་དེ་ནི་ཞིག་པ་དང་ལྡན་པའོ།། གང་མ་འོངས་པ་ནི་མ་སྐྱེས་པ་སྟེ། གཟུགས་མ་སྐྱེས་པའི་ཕྱིར་རོ།། ད་ལྟར་གྱི
295a3 གཟུགས་ནི་འཇིགས་པའི་མཚན་ཉིད་དང་ལྡན་པའོ། ། དེ་ལ་གཟུགས་ནི་འབྱུང་བ་ཆེན་པོ་རྣམས་བསགས་པའི་བྱེ་བྲག་གོ།། འབྱུང་བ་ཆེན་པོ་དག་དང་། འབྱུང་བ་ལས་གྱུར་པའི་གཟུགས་རྣམས་ཀྱི་རང་བཞིན་ན་མི་འཇིག
295a4 ཐ་དད་པ་དང་ཐ་དད་པ་མ་ཡིན་པ་སྤངས་པའི་ཕྱིར་རོ་ཞེས་མུ་སྟེགས་ཅན་ཐམས་ཅད་འབྱུང་བ་ཆེན་པོ་རྣམས་མི་འཇིག་པར་རྟོག་གོ། ། བློ་གྲོས་ཆེན་པོ་སྲིད་པ་གསུམ་པོ་ཐམས་ཅད་འབྱུང་བ་དང་འབྱུང་བ་ལས་གྱུར་པའི
295a5 གཟུགས་གནས་པ་རྣམས་ནི་སྐྱེ་བ་དང་། འཇིག་པ་ཡོད་པར་ཤེས་ན། འབྱུང་བ་ཆེན་པོ་དང་འབྱུང་བ་ལས་གྱུར་པའི་གཟུགས་ལས་ལོགས་ཤིག་ན། མུ་སྟེགས་ཅན་རྣམས་ཀྱིས་གང་ལ་བསམས་ནས་མི་རྟག་པ་ཞེས་རྟོག
295a6 འབྱུང་བ་ཆེན་པོ་བཞི་མི་སྐྱེ་བ་དང་། རང་བཞིན་གྱི་མཚན་ཉིད་མི་འཇིག་པའི་ཕྱིར་རོ།། དེ་ལ་དང་པོ་རྩོམ་པ་ཡོངས་སུ་སྤངས་པའི་མི་རྟག་པ་ཉིད་ཅེས་བྱ་བ་ནི་འབྱུང་བ་ཆེན་པོ་བཞི་ཡང་མ་ཡིན་པ་དང་། གཞན་ཡང་ཐ
295a7 དད་པའི་འབྱུང་བ་ཆེན་པོ་བཞི་དང་། སོ་སོ་ཐ་དད་པའི་མཚན་ཉིད་དང་། རང་གི་མཚན་ཉིད་ཀྱི་ཕྱིར་རོ།། བྱེ་བྲག་མི་དམིགས་པ་དང་། དེའི་བྱེ་བྲག་མེད་པ་དང་། དེ་ལ་སོགས་པས་ཡང་མི་རྩོམ་པ་དང་། སྦྱོར་བ་རྣམ་པ་གཉིས་པ
295a8 མི་རྩོམ་པ་ནི་མི་རྟག་པ་ཉིད་ཤེས་པར་བྱའོ། ། དེ་ལ་དབྱིབས་རྣམ་པར་འཇིག་པའི་མི་རྟག་པ་ཞེས་བྱ་བ་ནི་འདི་ལྟ་སྟེ། འབྱུང་བ་ཆེན་པོས་འདི་རྒྱུར་བྱས་པའི་གཟུགས་རྣམས་ཀྱི་མི་འཇིག་པ་ནི་མཐར་ཕྱིན་པའི་བར་དུ་མི་འཇིག
iiif viewer powered by OpenSeadragon
