| e-texts navigator |
| Wylie |
294b1 དེ་ལ་མི་སྐྱེ་བའི་མི་རྟག་པ་ཞེས་བྱ་བ་དེ་ནི་རྟག་པ་དང་། མི་རྟག་པ་ཡིན་པས་ཆོས་ཐམས་ཅད་ཡོད་པ་དང་མེད་པ་མི་སྐྱེ་བ་དང་། རྡུལ་ཕྲ་མོའི་བར་དུ་རབ་དུ་བཤིག་སྟེ། མི་མཐོང་བ་འདི་ནི་མི་སྐྱེ་བའི་དོན་ཡིན
294b2 སྐྱེ་བ་ནི་མ་ཡིན་པས་འདི་ན་མ་སྐྱེ་བའི་མི་རྟག་པ་ཉིད་ཀྱི་མཚན་ཉིད་ཡིན་ཏེ། འདི་ཁོང་དུ་མ་ཆུད་པ་ནི་མ་སྟེགས་ཅན་རྣམས་ཀྱི་སྐྱེ་བ་མི་རྟག་པའི་དོན་དུ་ལྟུང་བར་འགྱུར་བ།། བློ་གྲོས་ཆེན་པོ་དངོས་པོ་མི་རྟག་པ་ནི
294b3 རང་གི་བློས་རྣམ་པར་བརྟགས་པ་སྟེ། དྲུག་པ་དང་། མི་རྟག་པའི་དངོས་པོ་ནི་མ་ཡིན་ནོ།། དེ་ཅིའི་ཕྱིར་ཞེ་ན། འདི་ལྟ་སྟེ། མི་རྟག་པ་ནི་རང་གི་ངོ་བོ་ཉིད་ཀྱིས་མི་འཇིག་གོ།། བློ་གྲོས་ཆེན་པོ་འདི་ནི་དངོས་པོ་ཐམས་ཅད་ཀྱི
294b4 དངོས་པོ་མེད་པའི་མི་རྟག་པའི་བྱ་བའོ། ། མི་རྟག་པ་མ་གཏོགས་པར་གཞན་གང་ཡང་ཆོས་ཐམས་ཅད་ཀྱི་དངོས་པོ་དངོས་པོ་མེད་པར་བྱེད་པ་མི་དམིགས་ཏེ། ཇི་ལྟར་དབྱིག་པ་དང་། གྱོ་མོ་དང་། རྡོ་བས་དངོས་པོ་དགྲ་བཅོམ
294b5 པར་བྱེད་པ་བཞིན་ནོ། ། མངོན་སུམ་དུ་སོ་སོས་ཐ་མི་དད་པར་མཐོང་བས་མི་རྟག་པ་ཉིད་དངོས་པོའི་བྱེ་བ་ཡིན་གྱི། བྱེད་པ་དང་། བྱ་བ་བྱེ་བྲག་ཡོད་པ་ནི་མ་ཡིན་ཏེ། འདི་ནི་མི་རྟག་པ་ཉིད་དོ།། འདི་ནི་བྱ་བའོ་ཞེས་བྱ་བའི་བྱེ་བྲག་མེད
294b6 པའི་ཕྱིར་གོ་བྱེད་པ་དང་བྱབ་ཐ་མེདད་ན་ནི་དངོས་པོ་ཐམས་ཅད་རྟག་ཅིང་རྒྱ་ངོ་བོ་ཉིད་མེད་པར་འགྱུར་རོ། ། བློ་གྲོས་ཆེན་པོ་དངོས་པོ་ཐམས་ཅད་ཀྱི་ངོ་བོ་ཉིད་མེད་པ་ནི་ཚྭ་ཡོད་དེ། བྱིས་པས་སའི་སྐྱེ་བོ་རྣམས་ཀྱིས་ཤེས་པ
294b7 བྱ་བ་མ་ཡིན་ནོ། ། སྒྱུ་མ་ཡིན་ན་མི་འདྲ་བའི་དངོས་པོ་སྐྱེད་པར་འགྱུར་རོ།། ཅི་སྟེ་སྐྱེད་ན་ནི་དངོས་པོ་ཐམས་ཅད་མི་རྟག་པར་ཡང་འགྱུར་ཞིང་དངོས་པོ་མི་འདྲ་བ་ཡང་ཡིན་པས་བྱེད་པ་དང་བྱ་བ་ཡང་བྱེ་བྲག་མེད་པར་ཡང་འགྱུར་ལ།
294b8 ཐམས་ཅད་ཀྱིས་བྱེ་བྲག་ཡོད་པར་ཡང་མཐོང་བར་འགྱུར་རོ།། གལ་ཏེ་ངོ་བོ་ཉིད་མི་རྟོག་པ་ཉིད་ཡིན་ན་ནི། བྱ་བའི་རྒྱུའི་ངོ་བོ་ཉིད་ཀྱི་མཚན་ཉིད་དུ་ལྷུང་བར་གྱུར་ན་ནི་དངོས་པོ་ཐམས་ཅད་ཡོངས་སུ་རྫོགས་པར་མི་འགྱུར་རོ།། དངོས་པོ
iiif viewer powered by OpenSeadragon
